سَاره ! أنا جنَّي ... ض3

[شبيهة المطر]

> كَ العَادة تطب بالموضوع بدون مُقدِّمـات

يلَّا روقو بعد موضوع شموخ الي سبب أزمة للشعب :8ar: الله يهديك ياشموخ محد قالك تحطين كل مواضيعك منقوله im22

إسمعوني عاد
بفضفض لكم كود تلقون لِي حل
أنا إنسانه إذا نمت أضيَّـع وأنسى ربِّي وأنسى دِيني وأهلوس وأتكلم وأمشي وأنا نايمه وكل شي :8ar:
حتى أذكر قبل سنة مالقو لي حجز بالطيَّارة تقول أمي وأنا كنت أتسنن أشوفك تفتحين الباب تقولين يلَّا شغلو الطيَّارة
وآخرتها اليوم تقومني أمِّي لصلاة الظهر ( عَاد الوالده عِندها من أخرَّ الصلاة لو دقيقه فَقد خرجَ مِن الملَّه لدرجه أقوم أصلي وهو توَّه يقيم تقول إنك قمتي وأنتي تنافخين تقولين لِيــــــه نصلَّي
ولَّا بعض الأحيان أتنح عند المغسلة مدري وش أسوي
وقسم بالله بعض الأحيان لاقوموني للصلاة أجلس خمس دقايق أستوعب وش يعني الصلاة ؟ وليه أصلاَ نصلي ؟ وتفكير غبي لدرجة شكيت إن إيماني ضعيف
موقف ثاني بعد im22
أيَّام المدرسه كان عندي إمتحان رياضيَّات وشايله همَّه مررره .. قومتني أمي لصلاة الفجر .. وأنا الي أقولها : أصلِّيها سالبه ولَّا موجبه :8ar: > مخ تعبان
وتروح أمِّي كأنها ماسمعتني متعوَّدة أهلوس وأنا نايمه ..
وأقوم أتوضى ويوم لبست الجلال بصلي .. تنحَّت نسيت وش نقول في الصلاة
تخيلو وش جلست أقول واحد ، إثنين ، ثلاثه ... شوي وأستوعب قلت لا هم مايقولون كذا في الصلاة وجلست يمكن عشر دقايق وتذكرت
ومرَّه أقوم من النوم ع صوتي وأنا فاطسه ضحك im22
وقبل أمس كنت نايمه عند خالتي تقولِّي بنتها وأنتي نايمه تقولين أففف بسررررعه !!
تقول ودِّي مقومتك عشان ماتنتظرين ذا الي بالحلم
ومرَّه كنت متهاوشه مع بدر المراهق وحطيَّت أرقام سريَّه ع القنوات الي يتابع فيها برامجه :8ar: جانِي وأنا نايمة قال سارة وش الرقم السري ؟ وأكب له العفش
يعني أي أحد يبي يسألني وأنا نايمه يجي أعلَّمه كل شي

مالكم بالطويله :8ar: > وش عقبه

[شبيهة المطر]

نجي للنقطة الثانيه
أخاف من الجن بشكل موب طبيعي شكل محد يتصوره
لدرجة أشك إن أهلي كلهم جن وعندي أخوان يهبلون فيني كنت راجعه من بيت صديقتي مع أخوي ويقول لي ساره :8ar: قلت : هاه ! قال أنا جنَّي :8ar:
ومُحدِّثتكم طَبعاً خلقة خوَّافه صحيت صيااح موب طبيعي وقلت وقف السيَّاره وأنا مغمضه عيوني ماعاد أبي أشوف شي يوم شافني إنهرت قال والله إنِّي أمزح
قلت وأنا أصيح نصَّــاب رجعني لأهلي ماابي
ويحلَّف لي وقال لي آية الكرسي لمَّا حسيت إنه بيسلم وأنا لازِلت مغمَّضه عيوني ويوم وصلت البيت علَّمت أمي وجاه تهزئ قوي :8ar:
ونفس الحاله آخر يوم من أيَّام الاختبارات رجعنا مع وحده من البنات ودخلنا الملحق نبي نبدل ملابس المَدرسه ودخلت معي وحده من صديقاتي ، قلت خلاص إنتي بدلي ولفَِّي من ذيك الجهه وياويلك تناظرين :8ar: قالت طيَّب حتى أنتي ياويلك
المهم وأنا توني بفك أزارير القميص قالت ساره .. قلت وشو ؟
وناظرتني وضحكت ضحكه شرَّيره :8ar: قالت أنا جنَّي
دوروني ماعاد تلقوني إنحشت نحشه بنت كلب im22 وصارت سالفه وقلت لاعاد تتعودينها ماحب المزح الي كذا
وفي فترة كان إيميل أختي مهكر ! وأنا ع الاب كنت سهرانة بغرفة رونق ، شوي إلا ألقا مُحادثه مِن إيميل أختي ، وأنا تو شايفتها نايمه .. قال ساره تعالي فوق بسرعه ! فيه ناس كثير
قلت هاه ؟؟ أنتي ريم > قالت إيه .. قلت أنا تو دخلت عليك كنتي نايمه
قال بتجين ولَّا أنادي الجن إلَّي معي يسحبونك خبطت بالاب بكل قوتي ورحت لرونق وضميتها وأنا أصيــح قالت يادلخه هذا الهكر .. قلت وش درَّاه عن إسمي إمشي معي بروح لأمي ماابي ، قالت وهي بعد خافت طيب طيب بس أول خل نروح نمر ع ريم
ونروح لريم وأنا ويَّاها كَ الجسدِ الواحد :8ar: وأدخل غرفتها وألقاها في سابع نومه
وأنا الَّي أطب عليها وأنا أصيح قلت قووومي إيميلك داخله جنَّي وهي إرتاعت من صياحي تحسب أحد مات ولا شي .. ويوم إستوعبت قالت ياحماااااره هذا يزيد معطيته الباس حقي عشان يكلَّم الي مهكره
وع طول صكيته ببلوك وقبل مايجي من أمريكا بأسبوع
شلته عشان أذكرَّه بالهديه :8ar:
وأتحداكم أنوم لحالي لازم أحد ينوَّمني ويروح

ولو بتكلَّم من اليوم لبكرا ماراح أخلَّص :8ar:
وش السواة
أنتم كذا ولا بس أنا > تناظر جنون :24ar:

[s3odi]

وتبين تدخلين طب


اييييه هين images11


لي عوده بس تخلص هالحلقه


<< اليوم شفت 7 حلقات من FlashForward

[є x i ẗ]

وقبل أمس كنت نايمه عند خالتي تقولِّي بنتها وأنتي نايمه تقولين أففف بسررررعه !!
تقول ودِّي مقومتك عشان ماتنتظرين ذا الي بالحلم

هههههههههههههههههههههههههههههههههه
هههههههههههههههههههههههههههههههههههه
اما اف بسسسسرعه وش تحلمين فيه انتي im22im22im22

إنتي مثل اخوي الكبير هههههههههههه
سالفته انه هو متعود يعني قبل ينام مستحيل تغفى عينه قببل يحب راس امي ويدها ويقوله تصبحين على خير وينام ومره كان منسدح بالصاله ونعس وامي قاعده طبعا وكلنا قاعدين وفيه على الطاوله ترمس شاهي وقهوه والي تبين
االا شوي فز الولد واتجه عند امي يبي يقولها تصبحين على خير ويحب راسها
بالغلط راح يحب الترامس ويقول تصبحين على خير im22 وانواع الحبحبه بذا الترامس مابغى يفكهن im22

>اكثر شي ندمت عليه ماصورناه فيديو
اما بالنسبه للجن و اعوذ بالله من شيآطين الجن والإنس
احسه شي طبيعي ان الواحد يرتاع منهم بس بدرجات طبعآ
لكن انا أفلام الرعب الي انخرع منه بقوه
واذا شفت فلم رعب فهوحركه من شخص يمتلك كل مقومات النذاله
مانسى فلم سمآره قعدت 3 ايام تقل مهلوسه ):

-
سآروونه موضوعك حلووو . . و بكون متابعته أكيد :25ar:

[nothing]

ياختي لاتحطين اللوم على النوم

وأنتِ صاحيه أسوء مِن كِذا :24ar:

أخرها قبل أمس
ولاّ في أحد يدخل حمام ولا يقفل عليه ووين بالطياره لاتقولين فيني نووووم بعد im22
ياااشيييييخه أحمدي ربّك أن الي دخل عليك مصري موب سعودي اللهم لاشماته بسس

المهم الله يعينِك على نفسسك وعلى ماقالت أمي لازم أننا نعطي معزبك خبر بالي يجيك لايرتاع ثم نبلش بِك

أنتم كذا ولا بس أنا

أهو فيه واااااجد بس الي مثلِك كل شوي فاقع تسبودنا بهلوسه مافييييش :24ar:

نسيت أقول سيري على البدليات :8ar::24ar::24ar: