السلآم عليكم ورحمة الله و بركآته :25ar:
أسعد الله أوقآتكم بكل خير < مآتقلد ملك العشق 
أكيد معصبين لآني تأخرت عليكم , مو صح 
..؟!
سعودي هرجه كثير و مآيفهم بسرعه والتأخير الحآصل من هالشخص لآ غير 
< بتنجلد
المهم المهيمآت الأكيد إنكم شآيفين موضوع عضو بضيآفة عضو ,, إللي سعودي طفشنآ فيه ب حمد و جورج :8ar:
اليوم أول موضوع إكتمل عندنآ ..
وهم للمرآقب سعودي و العضو فز الخفوق < تحية تحيه 
نبدأ بأسئلة سعودي و أجوبة فز الخفوق
تذكر اول مره تهاوشت فيها بالحاره؟مع مين وش كانت القصة؟ ومين المدبوغ ؟
ايه اذكرها زين بس مو في الحاره في ساحة المدرسه مع واحد اسمه مسفر الغامدي
والقصه كان هو ملقوف ولاهو مخلي احد في حاله كل مايشوفني يقولي كلمه تضايقني حتي طفح الكيل وتهاوشنا وفقع وجهي ببوكس على خشمي مضبوط طلع دم يا شيخ ماهو بصاحي حسبت اني مت
بالعربي اندبغت والله
فز وش شهادتك و وين درست؟
شهادتي من خريح كلية العلوم والهندسه هندسة طيران وفضاء من جامعة الملك فهد للبترول والمعادن ودراستي كلها في السعوديه بس بحكم ان الوالد من موظفي شركة ارامكو السعوديه وسكنا في داخل ارامكو كانت لغتي من صغري زينه بحكم الاختلاط مع الامركيان وقتها والجيران ساعدني كثير
بحكم انك نزلت صورتك وطلعت مملوح لما تتعرض للتحرش من بنات بالاسواق وش تسوي <<< جورج كلوني
والله ما قد حصل ان بنت تحرشة فيني عيني عينك بصراحه في نظرات اعجاب بس كان الخجل يقضي عليها ولا نطلع بشي وانا في الامور هذي خجولim3
بالله هذا سؤال
اصعب موقف مر عليك بحياتك؟
موت جدي الله يرحمه ويرحم اموات المسلمين تأثرةكثير
وش رايك بالكذب الابيض وهل عمرك كذبت وايش اكبر كذبه كذبتها وعلى مين
الكذب كذب ابيض او اسود ومافي احد ما كذب في هالدنيا والكذبه الكبيره الي كذبتها انى سرقت مفتاح سيارة الوالد تبع ارامكو وانا صغير وصدمت فيها صدمه ماهي قويه حيل بس جحدته وانكرة انه انا واكلها اخوي الكبير مسكين
وش اول هديه وصلتك ومن مين وايشاول هديه اهديتها ولمين؟
كانت من جدي الله يرحمه كان دباب اربع كفرات وهديتي انا كانت لاختي يوم تزوجة اهديتها ساعه ومصحف
عادة سيئة فيك؟
التدخين والعصبيهim3
انعزمت على زواج وصحيت متاخر لالحقت على الزواج وش العذر اللي بتخترعه ؟
عادي ما احس ان يبيله اختراع بقوله الصدق انها راحت علي نومه
ولو الزواج مهم بالنسبه لي اكيد رايح احظر في الوقت المحدد وقبله يمكنimages11
عندنا شي اسمه الشبه بحيث انه كل اسبوع عند واحد من الشله ذاك الاسبوع كان عليك ومادريت بنفسك الا الضيوف عندك ؟ وش بتسوي
والله مجلسنا دايم مفتوح ونارنا شابه علي طول الي بيجي حياه الله بس هليومين حر بدال الشبه المكيف
والمجلس اصلن خارج البيت يعني مافي احراج ولا شي ون كانو ضيوف اجانب ولاهم شله على قولك اكيد رايح نقوم باالازم معهم ونبيض الوجه ودسم شورابهم im3
موقف صار قدامك وفطست عليه ضحك وللحين تتذكره ؟
ما يحضرني شي والله الحين اكيد المواقف واجد بس للاسف مثل ما قلتلك
وش معيارتك بين اخوياك؟
والله العظيم مالي عياره
وش اكبر غلطه سويتها بحياتك؟
اني رديت على اسئلتك البايخه
الحمدالله مافي اغلاط بحياتي
يعني اذا الله ستر عبده يروح يفضح بنفسه
وش يعني لك تاريخ 1427/5/9هـ؟
مدري والله مافي شي اذكره في هالتاريخ
قبل اربع سنين :(
عاد انا لا تسئلني عن التواريخ
وشكرا على اختياري سعودي:25ar:
للكل:25ar:
إنتهينآ من أسئلة سعودي و أجوبة فز الخفوق
أحس فز توهق يوم قبل إستضآفة سعودي 
فآصل و نوآصل :24ar:
يتبع
اولى مواضيع عضو في ضيافة عضو / فز الخفوق في ضيافة S3odi
رد: اولى مواضيع عضو في ضيافة عضو / فز الخفوق في ضيافة S3odi
مواقع النشر (المفضلة)