دعوة للهواش !!

[¶ بــآريــس ¶™]

السلام عليكم ورحمة الله وبركاته

كيفكم ؟

كثير من الأمور التي توصلنا ونرفضها " حنى أعداء ما نجهل ما فيها كلام "

لكن السؤال اللي يطرح نفسة .. يوم حنى نجهل كذا وش له قبينا في مكينة الزئبق الأحمر ؟ < خارج الموضوع

وصلنا أشياء أسئنا أستخدامها وصار اللي صار ,,

فيه هناك مشكلة حاصلة وهي الهواش على المستجدات ,,

سينما في السعودية

سواقة المرأة السيارة

عمل المرأة في المحلات النسائية

نقاط مهمه كانت سبب في تدهور المنتديات بسبب النقاشات العقيمة ,, ولكن في الأخير لازم نوصل حل من هالهواش اللي صار ونقول :

أنا من حقي أرفض قانون سواقة المرأة والسينما على المجتمع كلة ؟ ولا بس على عائلتي الموقرة ؟

يقول الكثير بإن هناك سلبيات في توارد هذه القوانين إلى السعودية ,,

وكأن لسان حالة نسى أن ينطق بإن عندنا منتديات ومواقع تجيب لنا أفلام على النت " بدون تشفير " .. وأكثر المشاركين في المنتديات وتحميل هذه الأفلام من النساء ,, لدرجة إن كثير منهن يقول " تنبيه الفلم للكبار !! " لأن ما فيه أحد قص الفلم اخذوهـ من النت ,,


وبنفس الوقت يرضى بإن جماعته العاجزة عن وجود ولي أمر يسوق السيارة لهم بإستعانتهم بسائق أجنبي خريج سجون ربما !! ,,


وكذالك يتدخل في شؤون المرأة من الملابس الداخلية اللي أصلاً كثير من الأزواج يستحي يدخل المحل ذا ,, ولكن ما عندهـ اعتراض يبيع لزوجته واحد يمني ولا هندي يمغط لها الملابس ويقول يصلح لك !! مع إن الزوج نفسة يستحي أنه ياخذها لها !! ..


طيب هناك سلبيات في بعض القرارات اللي معتمدهـ على الكثرة في الموافقة


طيب نتكلم في أشياء وصلتنا وخلصت ,, ونقارنها بما منع او يرفضة المانعون

الإنترنت " ومواقع الكامات والبالتوك والدخول إلى ما خلف الأسوار والتحدث إلى البنات بدون رقيب انسي "

التلفزيون " والقنوات مثل الرقص والأفلام بدون رقابة .. والفديو كليبات الفاضحة "

الجوالات " والمحادثات بالكام والتصوير والإرسال "

اللبس " طيحني وسامحني وشققني واضربني وبقسني وكل ما نهايته ني "



هل هذي الأشياء أقل ضرر من سواقة المرأة ؟ أم إنها ماطاح الا امبطح أو إن البالتوك مثلاً فاضح أكثر من سواقة المرأة ؟

أجل خلونا نحط السيارة على جنب ونروح للممشى ونشوف البنات والشباب يمشون هل هي نفس الحالة أو في السيارة تختلف ؟



الحين أرجع لصلب الموضوع وهو النقاشات تكون سقيمة ليش ؟

لأن فيه سلبيات أكثر من اللي قاعدين نعارضة ,, ولأننا ما ندرس الوضع قبل نجيبة للديرة لمجرد يوصل وتنفضح البنت بالجوال بعد ما تكتشف إن الصورة والفديو يسترجع ذيك الساعة تعرف ليش رافضينه مثلاً ولا تبكي البنت وتنتحر احسن لها ؟


طيب جت الجوالات بعد رفض كبير وجات الدشوش وقلّ ما تحصل بيت ما فيه دشّ ,,

لما وافقوا على محلات الدشوش كان الخيار الحين لك ,, تشتري ولا ما تشتري ؟

هنا يكون الرأي رايك أنت ,, موب رايي أنا اقولك لا تشتري ولا اشتر !!

أو تشتري وتختار القنوات وتفرض رأيك في القنوات الموجودة ,,

يعني في النهاية هناك رأي لك حالياً شيء موجود وترفضة لك ما ترفضة لغيرك

وكل هذا بعد ما تدرس وضعك هل أنت محتاج للدش ولا لا ؟



طيب نجي للخلاصة واللي هي الموضوع كلة بأساله لك :

ما رأيك بمن يرفض سواقة المرأة ويعتبرها فساد بينما يوجد لدينا ماهو أفسد منه وساكت ؟

هل تعتبر رفض الشخص لشيء يحمل " الإيجابية والسلبية " معقد أو إنه يخاف على مصالح الجميع ؟


من رأيي أنا بمثل السينما مثلاً أو السواقة إذا جت ما تفرق معي لأني وقتها بتحكم في نفسي هل أروح أو ما اروح . هل اهلي يحتاجون شيء مستشفى مثلاً وانا مسافر ولا لا وذيك الساعة أقرر لأن عندي رأيي الخاص . أو من رأي امنعوها كلها للي يبي ولا ما يبي ؟ أو عندك وجهة نظر غير ؟


ملاحظة : موضوعي يحاكي رفض وقبول المجتمع لأشياء قد يكون بها ايجابيات وسلبيات في أن واحد ,, وقد يكون رفضها لشخص ضرر على شخص أخر .. ما اتكلم عن سواقة المرأة أصلاً لو ساقت صدمتها عناد بس images11

لذالك رأيت المشادات بين الناس وحنى ما شفنا شيء فما بالك لو جت أصلاً ! .. هل المفروض إني أمنع القرار نفسة من الدولة أو أرفضة في دولتي " بيتي فقط " ؟




هذا والله أعلم وصلى الله على نبينا محمد وعلى آله وصحبة أجمعين :25ar:

[s k y]

السينما السواقه المدري ايش .. الخ كلها اذ1 صارت نقدر نرفض ونقدر نوافق بس الحين فيه اشياء ماتقدر ترفض ولا توافق تسويه غصب عنك وانت ماكل ×× مع انها اشياء تافهه ولا تمس الدين بشي وهذ1 الي يقهر

[¶ بــآريــس ¶™]

المشكلة كلها في " من ذا اللي يرفض وليش ؟ "

وهل هي أشد فساد من اللي موجود أو لا ؟ يعني وش الفرق بين البنت معها جواز بصورتها وارفض بطاقة عشان الصورة ؟

المتجمع مليان اشياء سلبيه وايجيابية ,,

ولكن فيه اشياء اشوفها أهم من اللي وصلنا مرفوضة بسبب السلبيات ,, ولكن ما التفت للسلبيات الموجودة حالياً وهي أخطر من القادم ,,

وليش يرفض للمجتمع إذا كانت ليست مخالفة للدين ؟

البالتوك مخالف ؟ الدش مخالف ؟ الجوال مخالف ؟ ايه انا اقولها فيها سلبيات تخالف الدين .

لكن ما منعت ,, وهي أخطر مما يرفض حالياً ,,

سكي حياك الله ولا عاد اشوفك تسوقين

[s k y]

وهل هي أشد فساد من اللي موجود أو لا ؟ يعني وش الفرق بين البنت معها جواز بصورتها وارفض بطاقة عشان الصورة ؟

^
تدري مره سألت واحد هالسؤال وش قال ..؟ قال ان اذ1 طلعتي بطاقه فيها صورتك يمكن تسوقون طيب سقتي كل شوي موقفينك وطلعي البطاقه طلعتي البطاقه شلون بيدرون انه انتي اللي تسوقين بيقولك اكشفي خل نطابق الصوره ..!
وين وصل تفكيرهم ..؟
انت رافض المسأله كلها لاتخلي اختك تسوق وخلاص ياخي ليه تدخل البطاقه بالسواقه
والبطاقه حل من حلول القضاء على البطاله بين النساء
-
-اغلب اللي يرفضون شي مايمس الدين بس يمس التقاليد يرفضون لانهم خايفين من كلام الناس ولا ماعندهم ثقه باهاليهم لانهم هم بأنفسهم راعين خرابيط
ولا القبيله او العائله ماتسمح يعني للحين عايشين على تفكير جدانهم
غير الكلام اللي بالاستراحات بين الشباب بنت فلان ساقت ولا بنت فلان تسرع ولا بنت فلان قطعت الاشاره خخخ ..!

-
شي ثاني كل اللي يرفض وكلمته مسموعه شوف اهله كيف عايشين برىآ مايطبقون شي من قوانين الدوله المحرمه قانونيآ ( طيب ليش ترفض داخل الدوله ولا مسموح اهلك يعشون والناس لا..؟ )



بآغي من قال اني بسوق بشوارعكم ذي..؟

[¶ بــآريــس ¶™]

تدري مره سألت واحد هالسؤال وش قال ..؟ قال ان اذ1 طلعتي بطاقه فيها صورتك يمكن تسوقون طيب سقتي كل شوي موقفينك وطلعي البطاقه طلعتي البطاقه شلون بيدرون انه انتي اللي تسوقين بيقولك اكشفي خل نطابق الصوره ..!

طيب وإذا كان كلامة صدق فرضاً إنه عشان السواقة ,, يعني الحين الشباب كلهم يعرفون يسوقون أصلاً ؟

وحتى لو سمحوا لهن اللي رافض راح يرفض على اهله موب على ظروف الناس !

وبعدين حتى لو سمحوا والله البنات نفسهن بيرفضون لأنك انتي عندك اخوان يسوقون وانا موب مقصر مع خواتي وغيرنا كثير ,,

نخلي القرار يكون للمحتاج وحنى نقصر الرفض على اهلنا

-اغلب اللي يرفضون شي مايمس الدين بس يمس التقاليد يرفضون لانهم خايفين من كلام الناس ولا ماعندهم ثقه باهاليهم لانهم هم بأنفسهم راعين خرابيط
ولا القبيله او العائله ماتسمح يعني للحين عايشين على تفكير جدانهم
غير الكلام اللي بالاستراحات بين الشباب بنت فلان ساقت ولا بنت فلان تسرع ولا بنت فلان قطعت الاشاره خخخ ..!

جميل جداً ,, المشكلة يعني من من ؟
من السيارة ولا من كلام الناس ؟
من البالتوك ولا من استخدام الناس ؟
من الجوال ولا من استخدام الناس ؟

المفروض التوعيه قبل كل شيء ,,

وقبل ذالك عدم التدخل في شؤون الغير وقصر الرفض والقبول على المحتاج ,,

وقبل فترة رافض السواقة انا لأن وحدهـ تقول كل بنات الناس يسوقون الا حنى " الغرض معروف الكشخة رفضت " زعلت من رأيي ,, طيب ولو سمحوا للسواقة هل بتاخذين رايي أصلاً ؟ أجل ليش الهواش في شيء ما يخصني ولاهوب في كرت عائلتي ؟

شي ثاني كل اللي يرفض وكلمته مسموعه شوف اهله كيف عايشين برىآ مايطبقون شي من قوانين الدوله المحرمه قانونيآ ( طيب ليش ترفض داخل الدوله ولا مسموح اهلك يعشون والناس لا..؟ )

هم أكثر التجار والأحم احم قوقل كاشفهم images11

لكن انا اقصد النقااشات في المنتديات " ارفض السينما أرفض السواقة أرفض المحلات التجارية أرفض أرفض "

في حال إنه يرفضها عن المجتمع لأنه ما يبيها فهذا تدخل في شؤون من تحتاج ظروفة لأي قرار قادم !

رفضوا البطاقات ,, وهي موب اجبارية ,, ولكن فيه بنات محتاجاتها للوظيفة ولا المحكمة ولا يقدرون الا بإثبات !!

طيب ارفض الجواز قبل ترفض البطاقة ولا عشان اهلك موب محتاجينها تفرض الرفض علينا ؟


يعني إذا جينا للجد كل شيء يجينا نستخدمة غلط هذا ما فيه اختلاف

ولكن فيه اشياء جتنا كانت اشد ضرر مما يناقش الحين فيه ,, ولا زالت موجودة بضررها ,,

وكان الإنسان مخير مابين يوافق أو لا في وجود القرار ,,

أما أني أرفض شيء وانا مالي فيه اي صلاح هذا يسمى نقاش عقيم
لذالك كتب الموضوع

شكراً لك يأم شوارع اكشخ من الدوادمي والدليل كارثة جدة images11