حبيب الشعب عبد الله عطى الشعب وعطاهـ الله

**¶ بــآريــس ¶™** · 24-09-2010, 04:26 AM

السلام عليكم ورحمة الله وبركاته

كل عام ومملكتنا الحبيبة بألف خير ,,

كان هذا اليوم من أجمل الأيام التي قضيتها في أرجاء وطني ,,

حيث قام رجال المرور مشكورين بتوزيع إرشادات وبرامج لما سيقام في هذا اليوم المجيد

اخذت احد النماذج لهذا الجدول فرأيت أن هناك مسيرة احتفالية على أحد الطرق

ذهب إلى هناك ورأيت جمعاً من الشعب يحتفل بطريقته الخاصة حيث كان كل شخص يتفنن بالإحتفال بهذا اليوم

استمر لمدة ساعة واحد وبعد ذالك ذهبت إلى الممشى

حيث كان هناك أحد الفرق الشعبية التي كانت تستعرض بتراثنا الجميل

وقام احد اعضاء اللجنة بصب القهوة لي وتقديم التمر المنتج من بلادنا الحبيبة

بعد الإنتهاء من العرضة ذهب إلى أحد المجمعات حيث استقبلني الحراس واعطائي وشاح لعلم المملكة ,,

تدخلت إلى هناك ورأيت المجمع مليئ بالأعلام والزينة الخضراء

وصور الملك في كل مكان

كان هذا اليوم جميل جداً وكانوا الناس يتبادلون التهاني في كل مكان

هذا طبعاً بالأحلام اللي كتبتة فوق

والحين بقولكم اللي صار صدق

طلعت اليوم بعد المغرب ما دريت أصلاً انه يوم وطني الا من واحد فحط قدامي ونشب في ماصورة ووقفوا الناس ومريت من جنبة لقيت الناس تطالع وتقول حرام يبي يموت

توجهت لأحد الشوارع الكريمة في مدينة الرياض الا والتفتيش قدامي

العسكري : باريس ! هات اثباتك ولبق على جنب وشيل التغييمة وصورة الملك اللي حاطها على المنظرة

انا : ياهوه ما دريت عن اليوم من زمان حاطها

العسكري : ياليل حركاتك ذي ما تمشي علينا كلهم يقولون كذا !!

أنا : ياخي يمكن محد بيحتفل وش ذا الظلم

شقق ام التغييمه وخرب ام القزازة وعطاني اثباني ورحت للمشى ,, لقيت اعلام مقلوبة للسعودية وبعضهم سرق نصها والوضع زحمة محد يدري وين يروح

وناس تركض مدري وش مسوية وقفت لي واحد قلت له وش فيه ؟ قال اليوم اليوم الوطني !! قلت طيب وين نروح !! قال هذي الرياض أكثر ما كثر الله فيها الشوارع رح فرفر :8ar:

طلعت لمجمع ابي ادخل الا وذاك الزول اللي صكني كف ما دريت اصلاً انا داخل المجمع ولا ناوي اطلع وعطاني كيس فيه ثلج قال حطة على خدك لين تبرى

والحين جالسن على السرير اطلب من الله أن يعدي هاليوم على خير واقدر انام

وكل عام ومملكتنا الحبيبة بألف خير

**شموخ أنثى** · 24-09-2010, 06:52 AM

im22im22im22

كان صورت خدك عشان يخلده التاريخ كذكرى لهذا اليوم

**merci** · 24-09-2010, 01:10 PM

والله يا أخوي يسب ويلعن فيهم
يقول مكشخن سيآرتي ومضبطها وصابغها وكل السيآره أعلام ومضبطها وأخرتها يوقفونه الدوريآت ويقشعون كل اللي حاطه im22

بس تبي الصرآحة
خل عنك قسم يا تقطع قلبي أمس أترجآهم الحقيرين ياخذوني معهم يقولون أنقلعي بنطلع مع أخويانا وابوي قايلن لو تنطبق السماء علىآ الأرض ماطلعت بذا الزحمه

وعلىآ الرغم من إنهم قشعوا كلش وحاسوا علىآ شبابنا اللي بعضه شوي همجي من اللي شفته بـ تصوير أخوي إلا أني لازلت أبي أروح

ياشيخ يكفي رقصهم علىآ فوق هام السحب والعرضة وال وال وال وال

الوكآد إنه ماعندك سالفة
أجل فيه ولد ينآم بـ اليوم الوطني وكمية الهسترة والهبال هذي تصير بـ الشوارع ويفوتها
روح يآشيخ خليتني أعاني من جديد < im22

**خَيَاليّه** · 24-09-2010, 01:59 PM

مَعَ إِنيّ سُعوديّةْ وَ أَعشقْ تُرابُ الوَطنْ

بَسْ أَمسْ كَانْ أَتعسْ يَومْ بِ النسبةِ ليّ

طَلعتْ مَع أَختيّ وً زوجهَا وَ بناتهَا مَهرجَانْ زُهور الوَطنْ وَ جلسنْا سَاعَاتْ نَاشبيّنْ بِ الطَريّقْ
مِنْ الزَحمَة حَسبنْا الله وَ نِعمْ الوَكيّل

آَخرْ شَئ طَلعنْا مِنْ فَوق الرَصيّفْ عَلشانْ
نِطلعْ مِنْ الزَحمَة وَ نَرجَعْ البيّتْ

شَافتنْا الدُوريّة أَفكرهَا بِ توقِفنْا إلَا العَسكريّ يُقولْ رُوحْ رُوووووحْ images11 ,
وُ رجعنْا مَكسوريّن الخَواطِر وَ أَولَاد أَختيّ إَلليّ بِ البيّتْ يَتهزونْ فِينْا وَ حِنْا نبيّ نَقهرهمْ
نُقول كِفايّه شِفنْا الشَبابْ وُ هُمْ يِحتفلُوا بِ اليّومْ الوَطنيّ

وَ كُلْ عَامْ وَ وَطنيّ بِخيّر :25ar:im3