الحين اقدر اموت وانا مطمئنه

[شموخ أنثى]

اللي يعرف ليه انا اصيح تدرون وش له

ماله شي im22

السلام عليكم
صباح/ مساء الإحباط :(
اللي يتبعه تحدي
شفتوا هالموضوع على طوله
كل طبخه اكتبها شفهي
مع تصغير صور وتحميل
يوم بديت اخلص الا افتح موقع مير تروح صفحة الزين
ويروح الرد
لكن يله لعيونكم كل شي يهون im3:24ar:
ولجل عين تكرم الكره الأرضيه بكبره
ويله الحين اقدر اموت وانا متطمنه على مستقبلي
بتقولون ليه ؟
اقول الحين تقريبا ً تعلمت عدة اصناف لها دور كبير للرقي بالفرد والمجتمع
وقريبا ً ان شاء الله بيكون لي مطبوعات تخص المطبخ
ولعل اولها كتاب طبخ من تأليفي
يحمل عنوان :
( شموخ موطن الكروش ) im22

ويله نبدا :)

حلا القلب :24ar:
مب القلب السهران ترى im22
هالحلا طعمه خيال :24ar:
وعلى فكره تقدرون تستبدلون المارس بالسنكرس
او الجالكسي او غيرها

اولا ً:
قطعي شرايح كيك سويس رول بالشوكولاته im3
ثانيا:
حطي في حمام مائي قشطه و 2 مارس ذوبيها ثم حطيها بالخلاط
وحطي فوقها الآتي :
قشطه 1كريم كرميل علبه بسكوت شاي 2ملعقه حليب بودره و1دريم ويب
وفنجال سكر
اخلطيها وصبيها فوق الكيك
وحطيها بالثلاجه وتقدم بارده im3

************

حلا الآيسكريم im3
طبعا هو مكون من 3 طبقات
ط1
كيك امريكانا مفتت يخلط مع ملعقتين قشطه يخلط جميع ويرص بقاع الصينيه
ط2
بالخلاط
1باكيت بسكوت شاهي مطحون
1ظرف كريمه
1ظرف دريم ويب
3ملاعق حليب بودره
6حبات جبن كيري
1كاس ماء
يخلطن ويصبن على ط1
ويدخل الفريزر لحد مايجمد
ط3
2جالكسي يذوب بحمام مائي بعدين يضاف له باقي القشطه اللي اخذنا منها للكيك يصب على ط2 بعد ماتجمد
ويدخل الفريزر
ويزين بفليك im3

مايحتاج اكتب المقادير
انتم ممكن تستخلصونها من الطريقه
احمدوا ربكم بعد اني كتبت لكم الطريقه im22

************

حلا شرائح السنبوسه im3
نجيب سمبوسة لوزين ونقسمها بالطول لقسمين بعدين ندهنها جبن بس بالوسط ونرشها قرفه
بعد كذا نسوي خليط من مويه وطحين ابيض عشان نلصق فيها الشريحه
ندهن فيها جميع الأطراف ونطبقها ع بعض ونقليها بالزيت
بعد كذا نصفها بشكل طولي بصحن الحلا ابو قاعده اللي يفتح مع الجوانب
ونكون قبل مجهزين بالخلاط 4 حبات كيري مع ثلاثة ارباع حليب نستله
نخلطهم زين ونصبهم ع الشرائح مع رش القرفه ايضا ً
وندخله الفرن مدة عشر دقايق بس او اقل
بعد مانطلعه نجيب هيرشي ونزين فيه الحلا بشكل خطوط عشوائيه im3

************

بشكل آخر

البيتزا :24ar:
جبنة البقره الضاحكه حبه وحده < خطمت شبيهه im22
فنجال حليب بورده
فنجال سكر
ثلاثة ارباع بيالة زيت
ملعقه ص خميره فوريه
مدري اذا فيه بيض او لا نسيت
بس احتياط حطوا وحده
وكاسين مويه وكاسين طحين
وان شفتوا انها لينه زيدوا الطحين شوي
بعد كذا نفردها بصينية الفرن
وندهنها بخليط البصل والطماط والمعجون اللي سبق حمسناهم
بعدين نفتح الثلاجه ونوقف قدامها
وكل ماتقع عليه انظارنا ناخذه
ونحطه فيها im22
نقانق نسلقها ونقطعها شرائح ونصفها
فطر فلفل حار وبارد وبكل الألوان زيتون
جبن اي نوع البقره او التيس او البعير im22
بس احلا شي الموزاريلا نغطيها كلها فيه
وندخلها الفرن تحت بعدين نحمرها فوق وبس im3

************

فطائر im3

بالخلاط
كاس ماء دافي
ملعقة خميره فوريه
فنجال حليب بودره
فنجال سكر
بيالة زيت
ذرة ملح
تخلط وبعدين يضاف لها الدقيق وتعجن باليد تخمر لمدة ساعه
يسخن الفرن قبل التزيين
وتشكل زعتر ولبنه او جبن او دجاج

************

كيكة بيتي كروكر شوكلاته im3
نجيب الكيكه طبعا ًهي تجي خليط جاهز حنا نصلحها ولمن تنضج نجي نحط
بالخلاط 2 جالكسي مذوب طبعا ً مع قشطه ونصف كوب بسكوت مطحون
واحد ظرف كريمه واحد ظرف دريم ويب
2 ملعقه حليب بودره نصف فنجال سكر
كل هالأشياء بالخلاط بعد كذا
مو الكيكه استوت صح
الحين نجي ونحفرها مع الوسط بس
يعني بنعومه نحفر يعني تفتيت عشان الفتات هذا بنستفيد منه الحين
نصف الفتات نضيفه للي بالخلاط ونخلطه من جديد والنصف الثاني نتركه ع جنب
الحفره هذي نقوم ونصب عليها الخليط اللي تو وباقي الفتات اللي رفعناه ع جنب نقوم نغطي فيه الخليط اللي حطيناه بالحفره
وندخلها الثلاجه كم ساعه im3

************

[شموخ أنثى]

خبز التورتلا im3
نجيب صدور دجاج نقطعها مكعبات
نحمس بصل مع ثوم وبعد مايستوي نحط عليه جزر مبشور
وبعد شويات نضيف له مكعبات الدجاج ونرش شوية ملح ع فلفل ع بهارات
ع كاري ع كركم
ولمن يستوي نضيف بقدونس مفروم
او كزبره ونبدا نحشي التورتلا
ولفها يكون بطريقه حلوه
واللي هي نقطعه مثلثات نحط الحشوه بالوسط وحده من الزوايا ندهنها جبن ثمن نجيبها ونلصقها ع الزاويه الثانيه
يعني يشبه لف الكروسون im3

************



تشيز كيك im3
تشيز كيك روعه ومايحتاج لافرن ولاجلي
الطريقه :
ط1
بسكوت مطحون ومفروك بااصبع زبده ويضغط عليه زين بإمكانك تضغطي عليه بكاسه صغيره
ط2
ظرفين دريم ويب / علبة قشطه / 8حبات كيري / نصف كوب حليب سائل

اخلطيهم بالخلاط لين مايثقل وحطيهم فوق الطبقه الاولى وبعدين خليهم بالثلاجه
وقبل ماتقدميهم بساعه حطي الباي فلينق im3

************






دجاج مشوي im3

جيبي لك دجاج وقطعيه عادي شبه صغير
بعدين تبليه بزبادي وبصل مقطع ناعم
وثوم وليمون
وملح وبهارات وفلفل اسود
وكل اللي تلقين بدرج البهارات
ايه وبهارات البرياني
ترى يهكون علينا يقولون خاصه للبرياني وهي تصلح لكل شي
واتركيه ساعه
بعدين اشويه بالشوايه
آله خاصه للشوي زي حقت التوست
بس اكبر وان ماتوفرت
عادي ع الفحم او بالفرن im3

************

حلا الدراجه im3 حسيت اني بجده im22
هذا بعد طبقات im3
ط1
بسكوت شاهي مغموس بحليب
نغمس ونصف نغمس ونصف
الين تتغطى الصينيه كلها
ط2 وبالخلاط
2،5 كاس حليب بودره محموس
نصف كاس سكر مطحون
ربع اصبع زبده
ثلاثة ارباع قشطه
ونصبه ع الطبقه الأولى im3
ط3
8 كيري
ثلاثة ارباع نستله برضه بالخلاط
ونصبه ع الطبقه الثانيه
بعدين نجيب بسكوت الدراجه هذا تحصلونه بالسبوماركت او بنده
ونصفه الين يتغطى السطح كله
وبالثلاجه im3


************



حلا الهوبي im3

هالحلا اسهل منه ماشفت ويصلح لحفلات الأطفال
هو عباره عن كاكاو هوبي ذاك الموف
وزبدة الفول السوداني وبست الفول السوداني اللي ع شكل مكسرات
او مكسرات عموما ً
تذوبي الهوبي بحمام مائي مع زبدة الفول بعدين تخلطين معهم المكسرات وتصبيهم في قوالب ع شكل حروف انجليزيه
او قلوب حب او ورود او اي شي
وتدخلينهم الثلاجه شوي بس
واذا طلعتيهم تقومين تصبخين بالقالب ع الطاوله الين يطيحن الأشكال im22
لأنها ماتطلع بسهوله
ثمن صفيهم بصحن تقديم حلو im3

************




هذولي مدري وش طريقتهم اختي مسويتهم
بس اللي يبيهم يقول لي im3



مكرونه بالبشاميل
بس عاد هذي معروفه خلاص تعبت

ومطرح مايسري يمري :24ar:
ابصم ان غزال نامت وقامت
وانا على هالموضوع im22

[Ju$t me]

شموخ اكتبي وصيه لا حد ياخذ حقوقك im22images11

بجد روووعه لازم تصلحي لك كتاب

يعطيك العافيه والصحه يارب :24ar:

لك احلى تقيييم :25ar:

[خَيَاليّه]

مَاشَاءْ الله عليِكِ سِتْ بَيّتْ يَ شَموخَهْ im3:24ar:
رَبيّ يِسلمْ هَـ الَأياديّ المُبدِعَةْ :25ar:

[تجمل بى]

وين مناآل العالـــم عنك


تسلم يمينك .,. تم الحفظ :24ar: