دعوه للضحك ....

[شموخ أنثى]

اهلين :)

بالعاده يكون البيت الواحد فيه شخص ع الأقل مفهي
لكن تجيك العائله كلها مفهيه صعبه خخخخخ
اليوم اللي هو امس < مايصلح اسرد السالفه واقول امس im22
لازم اقول اليوم
ايه اقول لكم اليوم انا وبنت اخوي صايمين
وكنا متفقين من البارح على اننا نصوم
المهم انا تدرون متى صحيت وأفطرت !
الساعه 1 بعد منتصف الليل
الا اقوم بسرعه واسرد الصلوات
انزل تحت الا الاقي بنت اخوي
وجنبها القهوه < تفطر
الا اجلس اهاوش عليها
ليش ماصحيتيني افطر مب خابرتني صايمه
قالت هاه
هماتس قايمه ومصليه المغرب عندي !
حتى انك بعد ولعتي النورعلي وأنا نايمه
وقمت قلت لك طفيه !
قلت اصلا ً انا ماقمت من نمت الظهر
الين تو
قالت هاه
ايه صح
انا قمت المغرب وشربت مويه
ورجعت نمت
انا مصليه المغرب ؟؟؟!!!
8
هذا كله تكلم نفسه im22
قلت مدري عنك انا كنت نايمه ماحسيت بأحد
قالت اجل من اللي ولع علي ّ النور
وقام يصلي ؟!
قلت قريح اهم شي انتي الحين تفطرين
ورى ماقومتيني
< فطور المغرب الساعه 1
قالت مدري احسبتس قايمه gif22
جلست افطر حتى القهوه مامعها الا تمر
ماش ابي حلا :mad: شوكلاته :mad:
اي شي غير التمر
مابووه شي
بعدها بساعه يمكن
الا اروح ادور شي بالمطبخ
كالعاده الوجبات محذوفه من القائمه
كوني طول النهار نايمه والليل صاحيه
مابوه لابقايا غدا ولا عشاء :11ar:
ولا حتى صامولي
افتح الفريزر الاقيه متكدس وجبات سريعه
نقانق كفته نقت وأشياء مدري وشي
وكلها تحتاج خبز :wink:
بس وين الخبز :18ar:
ياربي وش السواة صايمه وبعد شوي بصوم :(
وش آكل
الا اروح غرفة اخوي اتسمع < يطقطق بالكيبورد
ايه مانام :5ar:
< طق طق
> :28ar: نعم
< تطقطق اصابعه من الزمل
< ميخالف تروح البقاله تجيب صامولي
تحلفون اني ألحّن الكلام وأنا اكلمه im22
طالع كنه اغنيه من التعتعه < كل ذا خوف
لأنه بيهاوشني على كثرالنوم
هذا اول شي
ثاني شي على السهر
< حفظت محاضراته من كثر مايردده
خلايا المخ تموت ولازم تنامين بالليل
ع الأقل 6 ساعات
فيه خلايا ماتنام الا بالظلام
وانتي تموتينه بالسهر
مره قلت له عادي اهك عليها
وألبّس درايش غرفتي تجليده سودا الشامواه
ذيك حقت تجليد الكتب
اللي مستحيل النور ينفذ منه
وأنام بعز الشمس وكني بنص الليل
الا يقزني بعينه قزه خلتني انسى اسمي
ايه نكمل وثالث شي وأهم شي
تطليعه بالليل بعز انسجامه
تهقون على طقطقة الكيبورد يغازل له بنت
والمشكله بعد محد فاتح الا بنده
ومشوار :(
عاد شكله رحمني
وطلع وجاب كيس مليان
من كل مالذ وطاب :24ar:
وافطرنا واتسحرنا بنفس الوقت im22

[شموخ أنثى]

/
\
/
\
/

الفهاوه الظاهر وراثه بعائلتنا
قبل شوي اسمع اختي تصارخ وتهاوش
يابن الحلال مب صليب انت ماتفهم
يوم دريت الى السالفه تمسّك بالشريعه الإسلاميه
وتطبيق احكامها بحذافيرها من الصغر im22
ولد اختي هذا توه رايح اول ابتدائي
عاد بدوا من اولها جمع بالرياضيات
عليه واجب وتبيه يكتب بالفراغ
7 + 60 = 67
وعيّا
كتب 7 60 = 67
< اختي
حط بينهم زائد حط
:11ar: لا لا حرام < يقول لها
تدرون ليه عيّا
يقول هذي > + < صليب ماني كاتبها
ع باله الصليب هذا
7
7

im22
وتمم رايه عيا يحط الزائد
لبى البراءه ولبى الطفوله :24ar:
ولبى تنشئة الجيل على التعاليم الإسلاميه

/
\
/
\
/

فهاوه رابعه بالعائله
اختي جايبة لها من مكه فستان وتبي تبدله بفرع له هنا بالقصيم بس بنت اخوي المفهيه الثانيه هي اللي راحت تبدله
اللي يبيع عيّا يقول بيزيد نصف السعر
قالت ليه وهو نفسه
وجلست تتهاوش معه
قال هذا جايبينه من مكه ويختلف السعر
ياهم ينصبون علينا نصب هالتجار
قال بس خدمه مني انا بعطيكم اياه بنفس السعر بس حاليا ً هالموديل مو بالمعرض وأنا عندي شغل ومسافر بعد شوي
وبكلم لكم حسان عشان يبدله لكم
لأن هالموديل بالمخازن
مابعد عرضنا منه شي هنا
بنت اخوي ولا شعوري قالت
متى بتجي ؟
هو سوى كذا >
الا هي تسوي كذا
وش تبين فيه
الصراحه رحمته اصلا ً ماتعودت تجادل رجال
لو يقول لها بمليون اخذته
لو انها عارفه ان سعر هالشي بريال
بس وش قردها مدري

تعبت وانا اكتب
اللي عنده مفهين بالبيت مثلنا
يكتب لنا مواقفهم

:25ar:

[القلب المرجوج]

مت من الضحك عليك لي باك ثاني ان شاء الله واقول فهاواتي ومكشووووره

[غزال ومـا يصيدونـه]

هههههههههههههههههههههه

محد عانى من كمية الفهاوه اللي تملكينها مثلي

نسيتي يوم اجلس ساعه اكلم نفسي ماسن

وآخرتها تجين تقولين كنت اعجن بيتزا

مير نامي الليل والحقي على باقي الخلايا لاتموت im22images11

[" ميلآد الهدى "]

^
أما تلحق على باقي الخلايا هههههه images11
والله انك أصبتي الهدف بالعنوان < ميته ضحك
وبعدين كيف سردتي فرائض اليوم كله بنص الليل
ما أنبك ضميرك اللي دايم تعلمينا عنه والا هو بعد نايم معك ههههه
اما عن الفهاوه انا ووحده من خواتي بس اللي تجينا حاله فهاوه im3
بس ماني معلمتك بمواقفي
خلوا فجور تحكي لكم هي ابخص فيني واكثر وحده معانيه من فهاوتي < ماراح تمنعها ابد

تسلمي شموختي ع الموضوع الحلو :25ar::24ar: