ودك تصحيه مـن جهلـه وعيـا لايفيـق
في غياهيب الضلاله غاب سمعه عن نداك
من يلاقي له علاج بحضرته يمكـن يليـق
لاتقدم نصحـك الا للـذي فـي مستـواك
مالك ومال الذي ما يحفظ العهـد الوثيـق
لو سقيته من شوير الشهد ما دور رضاك
يانسبت الفضل له في كل شي والا يضيق
لو وهبته مهجتك بافعالـه السيّـه جـزاك
لو رفعته فوق راسك عاد للمهوى السحيق
مشكلته انه تردى فـي متاهـات الهـلاك
لابغيت اتخرّجه من ضيق يدخل في مضيق
لويجد فرصه يضرك ماتواننى فـي أذاك
أضعف الإيمان كلمه نابيـه بـك ماتليـق
مايهمك دامك الشامخ فلا يرقـى سمـاك
الدني طبعه دني يبقى من الأدنـى لصيـق
لارفع صوته عليك انسان مايسوى حـذاك
اعتبر صوته مجرد قرع نعلك في الطريق
مواقع النشر (المفضلة)