[ ملآذ ] أحب إعجآب الرجآل فيني | زوجيّه ~

[][ إحسـآس ][]

::..

الجنس / أنثى ، .. العمر / 26 سنه ، ... الحآله الإجتمآعيه / متزوجه ،

"السلام عليكم ورحمة الله وبركاته"
عندي مشكله متعبتني مره ومااعرف ليه انا كذا
مشكلتي اني احب اعجاب الرجال فيني ونظراتهم لي
واستمتع يوم اشوفهم يطالعون فيني واكون في قمة سعادتي
وحتى في النت احب نظرات اعجاب الشباب فيني
واحاول استدرجهم واضيفهم ماسن عشان اسمع منهم كلمات
الحب والاعجاب
طبعا انا متزوجه لكن زوجي متبلده احاسيسه بشكل كبير
انا اصبر نفسي وابرر تصرفاتي لاني محرومه من العاطفه
علشان كذا افرح يوم اشوف نظرات الرجال خصوصا اني حلوه
ومواصفاتي حلوه
بس لاتقولوا حاولي في زوجك لاني خلاص كرهته
ونفسي عافت منه وماابغاه ولا ابغى اتقرب منه
بس ابغاكم تساعدوني كيف احل مشكلتي

متزوجه من 6 سنوات ، عندي طفلين صغار
وساكنه مع زوجي لوحدنا
وزوجي من الشغل للبيت والعكس وماله علاقات
لكنه متبلده احاسيسه وعنده المشاعر سخافات

وهذه هي مشكلتي بأختصار ياريت القى حل في ملاذكم ..،

........ إنتهى ~

* مهم | الرجآء طرح المشوره والحلول دون التجريح ~

[merci]

أول حاجة الحمدلله الذي عافانا من ما أبتلاك به ..,:25ar:

مدري وش أقول بس مشكلتك المفروض ماتنتظرين 6 سنين عشان تبدأين الحين بـ علاجها ..,
لأن اللي تتساهلين بـ شيء مثل هذا بكرآ رآح تتسآهلين بـ أشياء ثانية ولا تقولين لا وماراح أسويها لأن لو أحد قالك قبل الزواج بـ تسوين كذا رآح تقولين لا ..,
أنا ماتزوجت بس متأكدة إنه مو مبرر إن زوجك بارد عاطفياً تروحين تبحثين عن هـ الشيء بـ جهة ثانية ..,
لأن مع إحترآمي أعتبره خيانة :)
تقدرين بـ ألف طريقة وطريقة وباين من كلامك مع إحترآمي إنك ماحاولتِ بـ أي طريقة إنك تتفاهمين مع زوجك ..,
مافيه أحد بـ الحياة خلق بارد مشاعر ومايحب أحد يدلعه ..,
يمكن زوجك مايعرف يعبر , يمكن يستحي , يمكن بارد جد بس ماحصل أحد يخلي مشاعره تتحرك ..,
يعني 6 سنين وتقولين لي ماقدرتِ عليه مع إحترامي المشكلة والخلل فيك إنتِ ..,
والدليل إنك تقولين أنا كرهته لأنك أصلاً ماحبيتيه وماحاولتي تكسبينه لـ جهتك لأنك لو جد تحبينه ماراح تقبلين نظرات ناس غيره.., :)

ع ـالعموم أنا أشوف المظلوم بـ القضية هذي المسكين زوجك مو إنتِ..,
لأن أنتِ نفسك مع إحترامي تبين نظرات الرجاجيل ولا أحد يهاوش فيني ويقول خافي ربك و و و و ..,
لأنك أصلاً ماجيتِ تبين حل كيف ترجعين لـ زوجك أو تحاولين تحلين مشكلة بروده ..,
وأنا حلوة وجميلة ومواصفاتي فيها ومدري أيش ..,
وتختمينها بـ جملة أنا ما أبي أحد يقولي زوجك أنا كرهته وماعاد أبيه أنا أبي حل لـ مشكلتي ..,

أنتِ نفسك ماعندك مشكلة , عندك فقط مسألة أنا أبي أحد يبرر لي تصرفاتِ بـ خيانة زوجي لما أقول لكم إنه بارد ومايعطيني وجه .., :)


إحساس ..,
مع إحترآمي لك ولـ القسم لكن الموضوع صراحة يثير حفيظة أي شخص :)
وهي نفسها تدور تبرير لـ خيانتها المفروض أحد يصحيها علىآ واقعها :)

[][ إحسـآس ][]

::..
أهلا بكِ ميرسي ،
كنت أنتظر إطلآلتك يآبت :24ar: ~
،
كل مآفي الأمر يالغآليه أنها طلبت المسآعده ،
قد يكون تعبيرها خآنها في طرح المشكله ،
ف لتأخذوها بعين الحكمه ، ولتسدوا لهآ بعض النصآئح ..:
لآنهآ هيَ نفسها من طلبت ،
أما مشآركتك ف على الرحب والسعه :) وتعجبني عقليتك im3 .،

....
رأيي الشخصي ،
اولآ أهلا فيك عزيزتي ، وكونك استشرتي ف إنتِ عآرفه انك على غلط
وأكيد بتسمعي الأراء والحلول باقتناع ،
اهمآل زوجك وكرهك له مآيبرر الحرآم أبداً ،
واللي تسويه انتِ حرآم /
اتوقع ان عندك فرآغ بالعآطفه ، فياليت تحآولين تشغلين وقتك لآطفالك ،
أو ممارسة أي موهبه ، او اشتراك بمعاهد ، وجمعيات ، تقطع عنك وقت الفرآغ ،
لآن الشباب اللي يظهرون إعجابهم لك / هم بالمقام الأول يشبعون رغباتهم ،
ولآتسمحين لآحد يستغلك ،
يستغل مشاعرك ، عواطفك ، شبابك وسمعتك،
اذا كآن ولآبد ، تطلقي من زوجك / ولآتخونينه ،
وان شاءالله ربي يبعدك عن الشر وييسر لك خير ،
:25ar:

[بنت روق]

السلام عليكم ورحمة الله وبركاته

زي ماذكرت ميرسي المشكله فيكي انتي ..

يعني من بعد 6 سنووات تبين علااج..

انتي اللحين تخونين زوجك وتفتخرين بعد ..

تتباهين بجمالك ماتدرين انه راح يجي يوم وتفقدينه ..

والشباب اللي يعطونك نظراات اعجاب ع قولك..

فهم لعاابين وانتي فريستهم..


وفوق هذا عندك طفلين..


انتي ام وتتصرفين كأنك مراهقه..

وزوجك ياغافل لك الله ..


ابدي حياه جديده مع زوجك ..

مااتوقع اول مااخذتيه كان زي كذا ..

حراااام والله حراام ..


فكري بعقلك قبل عواطفك ..

والشي اللي تسوينه معصيه ..

خافي ربك..

تحياتي ..

[ظميان غدير]

ماراح اكلمك عن حلال وحرام

بس اقترح عليك اقتراح بسيط يمكن تكوني سويته او يمكن ما تكونين سويته

::
حاولي تدلعين زوجك
وتسمعينه كلمات غزل وتخلينه يعيش حالة انبهار منك
إلين ما يدمن هالشعور ...فيصير يطلبه منك بالمقابل
ويقولك كلام غزل ...
امدحيه حتى يمدحك....
وأتوقع تقدرين تمدحينه وتستدرجينه
لانه عندك قدرات في ذلك بدليل ...
انك قايلة:
واحاول استدرجهم واضيفهم ماسن عشان اسمع منهم كلمات
الحب والاعجاب

يعني عندك موهبة استدراج وتقدرين تغرين الرجل
وفي مفهمومك ان استدراج الرجل واغرائه يخليك تحصلين منه كلمات اعجاب
طيب : الاقربون اولى بالمعروف
رجلك اولى بالاغراء اللي يخليه يتغزل فيك

انا اشوف ان الدواء موجود في نفس الداء
وعليك بمغازلة زوجك ...وابهاره فقط
ويمكن ما يتجاوب بسرعة لانه يعتبره امر عادي لانكم متزوجين من ست سنوات بس اصبري ..إلين ما يحس ان هالشيء مو عادي ...ويبدأ يتجاوب معك

في الاخير فكري صح
تخيلي لو هو اللي ينتظر منك كلمات الغزل
وتخيلي لو هو يبحث عنه بنفس طريقتك من نساء اخريات؟؟؟
حاولي تدارك الامر ...لانك انت وياه خسرانين نفس الخسارة....في هذه الحالة