معاناة عشاق...
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فيني من الدنيا معناة عشاق=لاجيت أبرقد فارق النوم عيني
بعيني هجاد القوم وخيال برّاق=وصوت السيوف ودبكة الخيل فيني
مجنون صاحي منحرف سيـّد أوراق=لاجيت أبكتب وأنتثر منى يبيني
غنيت لأوراق الشجر قصة فراق=والفرق واضح بين حاله وبيني
جيته أدغدغ بسمته وقت الأشراق=قال الجريح وقلت جرحي دفيني
قربت أشمه وأشتري منه الأشواق=خاف الورق ياناس ملمس يديني
يقول إبن آدم من الطين ينساق=ماقد خبرت الطين يلمس جبيني
الطين لجذوري تحت وأنت بواق=قلت السموحه بس يمدي سنيني
أدري بأن الأرض للناس تشتاق=وأدري بأن الموت لازم يجيني
لاكن حسبتك تفهم قلوب عشاق=وتقدر تطفي لاهب النار فيني
فيني من الدنيا ترانيم واشواق=لاجيت أبرقد حارب النوم عيني
[/poem]
رد مع اقتباس
مواقع النشر (المفضلة)