[ ملآذ ] لو مآفي حرف ( الـرآء ) ..:/ .. | نفسيّه ،

[][ إحسـآس ][]

::..
روآد الملآذ ..،
صبآحكم جوري ..:25ar: ..|

نعود ب بريد جديد ،
ولكن | رويداً رويداً .. ف صآحبة المشكلة حسنآء ..،:24ar:

......
الجنس / أنثى .. .. العمر / 18 ..، الحآله الإجتمآعيه / غير متزوجة ،


ترددت بالحيل قبل أرسل مشكلتي لكم
أنا عندي لثغه بحرف الراء محرجتني كثير
تطلع الراء مرققه أو يطلع حرف غريب مدري وشلون مو واو ولا راء أقرب للياء ما اقدر اتحكم به بس
انه مهو اللي يطلع غ
أنا إجتماعيه وماعندي مشاكل بالجمعات واحمد الله مو ناقصني شي بس هاللثغه معقدتني أحيان احس فيه
حواجز واقعد طول العزيمه وانا ساكته
واذا اضطريت اسولف اتنقى كلامي

بعض الناس يقولون حلوه وميزه بس انا اشوفها مشكله ..
تخيلوا معاي عندكم حرف ناقص عيون الناس عليكم وانتم تحكون شي تضيق الصدر
ولا لما اسولف وتصير وحده من البنات تعيد الكلمه وراي وتتلفت للي حولها
بعضهم تكون بحسن نيه لكن بعضهم يتعمدون يجرحوني ويتطنزون
ماقد شكيت لأحد هالموضوع حتى هلي عشان كذا حيل متردده
استحي ادق على الإستعلامات أو مطعم أو مثلا أكلم صاحب محل في السوق أكره الـ 4

قدام الناس واثقه ولا التفت واذا علقوا وضحكوا ضحكت معهم
بس لا صرت لحالي اتذكر كلامهم وابكي .. اكون منجرحه من داخل

ما اكذب عليكم تجيني اوقات اكون واثقه واتعمد انطق كلمات فيها الراء واشوف الناس ناسيه حكيي
ومركزه بالراء مفهيه يعني
وعادي ماعندي مشكله بس احيان كثيره لا ينقلب الوضع واكره احكي واحاول ادور بديل للكلام
انا طموحه وودي ادرس واتعلم بس هالشي موقفني حتى السنه هذي فوت علي كم دوره بسبب هالراء
كل سنه أأجل فكرة إني أدخل تحفيظ قرآن عشان ما اتورط بكلمة فيها راء ولا غين مع بعض

ونقطه ثانيه بعد خايفه منها ومستحيه اقولها لكم
مين بيرضى يتزوج وحده مثل حالتي..؟
هالسؤال دايم يزعجني دايم دايم دايم

لاتقولون خبري أهلك .. ما اقدر صعب حيل علي
مابي احد يقول حلوه ولا ميزه مابي احد يجاملني
واعرف كثرت بس اول مره افتح قلبي واسولف عن مشكلتي ..،

.......... إنتهى ،

:25ar:

[. . SAMI . .]

من الإتكيت في الحكي إن مخــارج الحروف تـكون مميـزه وتجذب الإنتبــاه.


لو كـان الحرف عندك غ كـان نقول معـك حق تنحرجيــن.


بس الحرف عنـدك قريب من اليـاء وهذا كثير نسمعه من أهل الغربيه


ماادري من إيش منحرجــه .. والحرف نــطقه فيه من الدلـع.


بعدين واضح من كلامك ان كثير قالوا لك انه شي مميز.


يعنــي ع إيــه الإحـراج ؟



وبالنسبه لسالفة الزواج:


أتـــــزوج وبقـــــــــوه بعــد


وع فكـره:

الشي اذا اعطيته أكبر من حجمه بالتفكير .. سبب لك قلق وتوتر نفسي.



إحتـــرامي.

[♥ĹŐĹĨŤĂ♥]

غاليتي .. إنتي أنثى والأنثى ميزتها الدلع ومن الدلع يكون حرف الراء مرقق ..

لا تقولين مافي أحد يعجبه بالعكس ..
الرجال أغلبهم إن ما كان كلهم يموتون على البنت إللي مخارج حروفها خفيفة وبالذات لما تتكلم بدلع يروحون وطي ..

صدقيني إنت بس محتاجة تعززين ثقتك بنفسك وتأكدي إن لدغتك أو مثل ما تقولين لثغتك هية من أساس الجمال لدى المرأة ..

وكل ما كانت لدغتك أخف كل ما زادت ميزتها وحلااوتها وكل ما زاد إعجاب الأخرين بها ..

وهذولا إللي يتكلمون عنها هم معجبين ما هم منتقدين أو متشمتين ..

وموستحيل تلقين شخص ما يحب لدغة الكلاام ..

فقط ثقي بنفسك و "تدلعي"..




كل الشكر لك إحساس :25ar::24ar:

[merci]

والله مدري وش المشكلة
يعني ما أحس إن اللي فيك مشكلة كبيرة أو حتىآ مقلقه ..,
بعدين إن حكىآ فيك أحد أو قال فيك شي قولي هذا الفرنسيين نصهم ماينطقون حرف الرآء

والعرس صدقيني عمره ماكان له دخل بـ الأشياء ذي
يعني بـ يهون عشان إنك ماتنطقين الرآء ؟!
صدقيني شبابنا يعتبرونها ميزة im22

أقضبي الله يهديك ويخليك لـ والديك وأشوفك معرسه علىآ واحدن إسمه رآئد ولا راكان :25ar:

[][دمعه يتيمه][]

ماقصرو الاخوان شرحو لك كل اللي كنت بقوله لك

الله يوفقك يااارب :19ar: