زوجي تفل في وجي :(

[وجــــود]

بنااات اخر يوم في الدوره 15/12 متى ولادتي اختكم بكريه

بنااااااات زوجي يشخر وش اسوي معه اختكم السهرانه

بنااااااااااات بنتي لها اربع شهور وعندها اسهااال وش الحل الحزينه

بنااااااات زوجي تفل في وجهي وش رايكم ازعل وروح عند اهلي اختكم المحتاره

بناااااااااااااات حللت وطلع لي خطين عقب 4 ساعات تكفوون بشروني انا حامل ولا لا

بنااااااااااااااااااااااات

بناااااااااااااااااااااااااااات

8

88

اقتباسات شات بدايــــــه

/

\

يعني اللي متى هذي السذاجهاللى متى هذي السطحيه الي متى وركبنا سوود

من جد فضحتونا كل وحده جايه ناشره غسيلها العاهات هذي ماتنوجد الا عندنا

عمركم شفتو احد يوطوط في القنوات غير السعوديين والسعوديات

ياحبي لهم مو مخلين أي قناة تعتب عليهم

واصحاب القنوات اذكياء ويلعبونها صح على هـ الدلوخ

ويشعلون الحرب

مثل الكنترول يرسل ويتكلم عن نادي رياضي وبنفس الوقت ينتقص من حق نادي اخر
وبعضهم يدخل في التعصب القبلي

ويجيك واحد مطفي نوره ومعصب ويرد عليه وبكذا شعللها

والهدف استنزاف جيوب دلوخنا (مثل اللي يقول رزق المهابيل على المجانين)

لاكن كله كله كله يهون مع اللي يروجون لبضاعتهم مثل

بياااض الاوربيات

وصدور العراقيات

وشعر الهنديات

<<(حشى ماهوب كائن بشري اللي بيجمعون فيه كل هـ المواصفات من كل القارات)
والحريم ياعمري مصدقين

اذكر مره حضرت بزار وفيه المغربيات والمصريات كل وحده صوتها اعلى من الثانيه

ينادون على بضاعتهم مستغلين سطحية عقول الحريم

(صحيح ان عقول حريمنا هي السود مهوب ركبهم)

واكثر مايحز في الخاطر هو استغلالهم للمرضى بخلطاتهم المضروبه

كـ علاج لمرضى السكري وللعقم والكبد الوبائي والسرطان

وغالبا ماينتهي المطاف بـ المريض الي المقبره

للأسف اصبحت مجالس بعض الحريم عيادات تديرها عقول فارغه لاهدف لها الا المال

الطبيبه الشعبيه بتااع كلو امراض اطفال وسرطان وعقم نساء

يعني طلاب كليات الطب يكرفون سبع سنوات واخرتها تخصص واحد

والله منتي سهله يأم مساعد الناس عندها ماسكه سرى

ومواعيد وسكرتيره تحت مسمى (مساعده للطبيبه )

ادري اني شطحت بكم واااجد

واخذت لكم من كل فستان ورده ومن كل غصن زرعه ومن كل راس قمله

لاكن تدرون عاد مالي الا شات بدايه ابي منهم دعا تسخير الزوج
برب

<<طسي برا

</B></I>

[وجــــود]

ترددت كثير وين احط الموضوع
لاكن اعتقد ان هذا المكان المناسب

[][دمعه يتيمه][]

واخذت لكم من كل فستان ورده ومن كل غصن زرعه ومن كل راس قمله

فستان = بستان هههههه

بسرعه لقسم البدلياات images11

[وجــــود]

واخذت لكم من كل فستان ورده ومن كل غصن زرعه ومن كل راس قمله

فستان = بستان هههههه

بسرعه لقسم البدلياات images11

ان كانها ع البدليااات بتطلعين من موضوعي بدلياات لين تدوخين :8ar:

[حيران في عالم النسيان]

ههههههههههاي

طيب باقي الاندونيسيات فيهم صفات ماذكرت


شي طبيعي الناس ماعندها ذمه همها الفلوس
واللي فيه نقص يجيهم مطفي النور مثل الخلطات
والصبغات والبلاوي ذي اذا ماسببت اضرار مستقبليه ماراح تفيد بشي

بس قناة بدايه احس مدخولها شي طيب والبلاوي
في الشات حقهم طلعت الفضايح اللي ماندري عنها

متشكر قوي