اه يازمن
اه يا زمن غدار ملكش امان
المتغطى بيك يفضل عريان
ترفعنا فوق للسماء وتخسفنا لابعد مكان
بتذل ابن الاصول وتعيشه فى توهان
وترفع الصدمان وتخليه يتحكم فى كل شى انكان
اه يازمن ماتت فيك اخلاق الفرسان
وبقى الضلال والكدب ليك عنوان
لما الصديق والحبيب يبقى لكسرتك شمتان
انا القوى دلوقتى بقيت ذليل غلبان
من قسوتك يازمن بقيت سكران
اه يازمن تبتسم افرح واقول كسبان
ولما احسبها الاقينى عالطول خسران
على العيشه فيك والله ان ندمان
بتتعجب يازمن انى عالطول زعلان
اه يازمن كلك جنان فى جنان
ما مستريح فيك انسان ولا حيوان
الكل فى غلبه وهمه بقى سرحان
تلقى فى عز الحر الكل بردان
حتى فى وقت السكون تلاقى الكل حيران
اه يا زمن كفياك بقى احزان
ده انت رسمت الالم فى القلب ولا اجدع فنان
خليت الكل للفرح عطشان
فى جرحه عايش وبجرح غيره ما دريان
اه يا زمن ميت انا او عايش عندك سيان
مش فارقه معاك لما اعيش فى غليان
واليائس يسكن القلب ويجرى فى الشريان
واشوف الشوك اجمل ما فى البستان
والنهر ارخم ما فيه الفيضان
واحلى ما فى الدنيا انى فى يوم اثور كالبركان
كلامى مفهوم يازمن والا اشوفلك ترجمان
مواقع النشر (المفضلة)