يازين لاتطري علينا بفرقاك***أرجوك يالغضي قلبي لاتصيبة
أرجوك يالغالي تراني برجواك***شخصٍ ملكتة كيف ترضى تسيبه
علمتني حبك وعايشت ذكراك***وحفظت سرك عن كلامٍ يعيبة
وياما تحملت الغرابيل وياك***وياما من اسبابك جروحي عطيبة
وياما سهرت وهلت العين لرضاك***ومشيت في دربك ولو هي صعيبة
ولأجلك نترث دمعي على كف يمناك***ولأجلك كتبت احلى البيوت العجيبة
واليوم بانت في عيوني خفاياك***خنت العهد يأم العيون الغريبة
خلاص هانت كلها أيام وانساك***حبٍ يذل النفس وش عاد ابي بة
مواقع النشر (المفضلة)