[ ملآذ ] ليسَ لي رغبة في شيء .. |

[][ إحسـآس ][]

...
مسآء الحوسه والإختبارات ..،
ومسآء الرآحه والونآسه للي مآعندهم شي :24ar: ..
بريد الملآذ يتوآصل .. وأعتذر عن التأخر ..

.....
فتاه عمري 20 سنه
مشكلتي صعب أقول كبيرة و صعب أقول بسيطة و عادي لأنها ( طولت )..
هي تقدرون تقول متفرعة :
أنا الحمدلله من النوع الكتوم و الصبور بس قلت لعلي أجد عندكم المشورة الصحيحة
( ماخاب من استشار ) .
تتلخص مشكلتي في إني من فترة تقريبا ً سنتين ما عاد أحب الحياة مثل أول
يعني ما عاد شيء يهمني ، بأيام الثانوي كنت مجتهدة دراسيا ً إلى ما دخلت الجامعة و بعدها
خلاص حسيت إني طفشت حتى من الدراسة ، ماني مثل البنات يهمني المظهر كثير يعني
ما أحرص ع الميك آب و الموضة مع إني أقدر و شكلي موب قبيح أو من هالقبيل ..
أحتقر البنات إللي يعجبون بالشباب ويعيشون قصص حب و من هالكلام صحيح إنو أنا الصح
لكن شلون أحس إني ما عشت عمري ! يعني المراهقة هذي ما مريت فيها
بطفولتي كنت هادية و مسالمة و مطيعة و ع ال 15 إلى الآن الحمدلله صرت اجتماعية و جريئة
بس عقلي عقل و حده عمرها 30 يعني أفكر بأهلي أفكر بمشاكلهم و و و !
أبداً ما عشت حياتي كشابة و لسى بأول عمرها !
على مستوى عبادتي أحيانا ً نفسيتي هذي تأثر حتى بصلاتي أأخر فروضي أوقات وأنام عنها أوقات
، على مستوى علاقاتي الاجتماعية أحيانا ً من الضيقة إللي فيني خلاص ما أبي أحضر
جمعة معينة أو أرد على الجوال حتى من أقرب القريبات و الصديقات بس بعد فترة
ممكن أرجع لطبيعتي يعني هالشيء يروح و يجي معي ..
على مستوى الدراسة بالجامعة أنا صراحة ما حبيت تخصصي فيمكن هذا الشيء مأثر
لأن رغبتي أساسا ً ليست موجود بجميع جامعات الرياض مع الأسف !
فالحين أحس إني زي إللي بمتاهة ماني عارفة وش أبي ..
حتى الزواج ما أبي أتزوج لمّا يتقدم لي أحد أقول أنا صغيرة و أحس أبدا ً ما عندي رغبة بالزواج
إلا يمكن بعدين مرة ! صحيح أهلي ما يجبروني بس لا إراديا ً أخاف لمّا يقولون عادي لو جا
المناسب إنتي وصلتي لسن الزواج ! أحس ما أبي أكبر عشان ما أبي أتزوج !
و السبب كله لأني ما أبي مسؤولية صايرة ما أحب أبسط مسؤولية ! لا دراسة و لا أي ششيء
لمّا أحد يقول حرام إنتي جيدة دراسيا ً لا تكتفين ببكالوريوس أحس إني موقد أكمل ماستر
و دكتوراه لأني برضو ما أحب التعب و المسؤولية !
مع العلم إني أحب نفسي كثير و أقدرها و أكاد مع الأسف أوصل للغرور !
يعني ما أقلل من قدراتي بل العكس أقول أنا بمجتمع مو مقدرني .. !
مجمل الكلام أعيش بضيقة و تعاسة و حزن وما أعرف ليه ؟! لدرجة تمني الموت أحيانا ً !
بس الإيمان بالله أولا ً ثم الأهل و الأقارب و الصديقات يبعد عني هالشعور الحمدلله ..
جاني زي تفكير البعض عين ما عين ! بعدين قلت لأ لا تصيرين سخيفة !!!

......................... إنتهى ..،

:25ar:

[ЯσŌ’σ7]

...

مسائكِ نرجسي ..!

...

أولاً..هذآ وسوآسَ من الشيطآنَ عشانَ يبعدكَ عن كل ـأمر تريدينه ..

ثانياً ..الصلاهـ أحرصي كل الحرص عليهآ حتى يبعدَ ربي عنكِ الأحزآن والضيقه ..

حافظي على الأذكآر الحصنَ المعينَ بعد الله عزوجلَ ..

الأفكار أنكِ مصابه بَ العين أبعدي عنهآ ولاتفكري فيهآ حتى لاتبقين تتوقيعن كل أمر يأتيكِ من العينَ ..

وكلي أمركِ لله ..


..

دعوآتِ لكِ بَ التوفيق والسـعادهـ الدآئمه ..

لكِ/:25ar: ...


...

ـأحساسَ ..

كل الشكر لـ قلبكٍ الرآئع ..

لكِ/:25ar:

[alzen57184]

اولا بالبداية إبعدي كل هالاوهام من رأسك ..

أنتي صغيرة والحياة قدامك وحلووة ..اكيد ظروف مريتي بها وراح تعدي

لا تلتفتي لها
فكري ..بنفسك ومستقبلك وشهادتك وانها هي اللي راح تنفعك ولو ضيعتيها راح تندمي

انتي ما ينقصك اي شيء
حلوة ومجتهدة وباين انك تتحملي مسؤولية

فيك صفات كثير مميزة لا تدفينها بأوهام مالها اساس

يمكن مرحلة الجامعة ..وضغوطها ولدت عندك ..نوع من الاحباط

عادي مع الوقت تتأقلمي وبتشوفي كل شيء حلو

انتي من تصحي الصباح ماعندك دوام ..البسي لبس خفيف بالبيت وبنفس الوقت حلو

حطي روج خفيف ..سرحي شعرك بطريقه تعجبك ..استفتحي يومك بإنشراح ..

بتحسي بسعادة ..مارسي كل شيء يسعدك وتحبيه ..
لو حسيتي بالضيق الملل ..استغفري وادعي ربك
اخلقي اجواء حلوه لنفسك ...صدقيني بيزول كل شيء

والزواج هذا قسمة ونصيب ..ماراح تقدري تردي قسمة رب العالمين ..فلا تشغلي بالك بهالموضوع ...


ربي يوفقك ويشرح صدرك ويسعدك :25ar:

إحساس لك :25ar::24ar:

[merci]

شوفي ,
بما إني أمر بـ نفس اللي تمرين فيه كل ثلاث أربع شهور لـ طبيعتي الخايسة بـ حكم إني أمل وأطفش بـ شكل غير طبيعي من الحياة im22
لا جد والله ,
لا طفشتِ كذا صيحي , حملي أي فلم يجيب الغلقه ولايردك إلا دموعك ,
ترىآ أحياناً البكي والله يريح بـ شكل ماتتخيلينه خصوصاً إنك من النوع الكتوم
صفي اللي بـ رآسك كله من الصيآح وخذي حبتين بنآدول ونآمي عشآن الصداع ,
أصحي من بكرآ خططي خطط كثيرة لـ حياتك وعلىآ إن أغلبها مانتب مسويته
بس والله جد قولي بـ أسوي كذا وبـ أسوي كذا ,
ولازم أوقف من الأشياء الخطأ اللي أنا دايم أسويها ,
روحي المشغل أقلبي شكلك كامل أصبغي صبغة جديدة غيري قصة شعرك ,
أشياء بسيطة ويمكن تافهة بس والله تأثيرها علىآ النفس كبير وكبير جداً ,
أمسكي غرفتك غيري ترتيبها كامل حوسي مكان كلش هذا مكان هذا مكان هذا ,
تحممي وأجلسي أكشخي لو مافيه طلعه أو شيء ,
ترىآ المكياج يوسع الصدر
أنا مثلك مانيب أحبه ولا أهتم له بس لا طفشت أغصب عمري لأن أصلاً لاشفت نفسي كاشخه وحلوة تنفتح نفسيتي وأحب نفسي وأحب الحياة
أطلعي السوق ,
وقسسسم عن تجربة هو والصيآح أبطل أنواع الأشياء اللي تروق ,
موهوب لازم تشترين روحي كذا فرفري شوفي العالم والخلق ,
روحي تقهوي وأجلسي وسعي صدرك وروقي وحطي في بآلك الدنيا فانيه ماحناب ماخذين منها شيء وشو له نضيق صدورنا ..؟!
والزواج والخرآبيط هذي صدقيني مو بس أنتِ
أبشرك أنا أردىآ منك أحيان أقول خلاص أنا كبرت كبيرة و و و و و إلخ من خنابيق البنات ,
لما تقولي أمي أحد خطبك علىآ طول أتروع وأقول مابي أتزوج ,
طبيعي هـ الخوف والله ,
والزواج صدقيني أعتبره شيء من ربي وشيء أنتِ نفسك عارفة هل أنتِ مستعدة او لا ,
وطول ما أهلك متفهمين مسألة الزواج خلاص ,
متىآ ماحسيتِ إنك مستعدة لـ الشيء هذا من نفسك راح تتقبلين الفكرة ولا راح تنطين وتقولين لهم أنا صغيرة وغيره ,

بـ النهاية ,
يآرب يآرب يآرب إنك تخفين وأخف مثلك :25ar:
لأن جد هـ الشيء أنا ماره فيه وعارفة كيف هو جداً مقرف

[شموخ أنثى]

كثرة الذنوب هي سبب كره الحياة
اسطوانه دايم اسمعها من اهلي مدري شايفيني ملحده ولا وش
لا جد الصراحه القرب من الله كفيل بأنه يشرح لك صدرك
اذا كنتي تسمعي اغاني اتركيها ترى هي السبب الأول للضياع !
يمكن بيكون صعب عليك بالأول لكن شوي شوي
وانتي تتركينها عن اقتناع تام im3
عليك بالصلاة حافظي عليها قد ماتقدرين
وان شفتي نفسك مقصره فيها تصدقي كتكفير عن ذنبك لا طلعتي السوق حطي اللي تقدرين عليه بصندوق الصدقات او اي اقرب عامل بلديه ترى الريال عنده يساوي له الف
كثري من الإستغفار وانتي جالسه ع النت وانتي تشتغلي
وانتي ع فراشك وانتي ماشيه قايمه كل وضع استغفري فيه
وطول مالعبد قريب من ربه الله بيكون اقرب :24ar:
اتركي الوساوس هذي تراها من الشيطان
وكل ماتبدا فيك حاربيها واثبتي انك الأقوى منها
وراح تنتصرين عليها im3
اما الزواج خليه ع جنب
الين تشوفي نفسك مستعده له ومتفرغه له فكريا ً im3
الله يسعدك ويوفقك اهم شي اياك تهملي دراستك
ترى ماراح شي يفيدك غيرها im3
تسلحي بالعلم تراه اقوى سلاح im3:24ar:
الله معك :24ar::19ar: