...اختر البرج الي ينااسبك...
ارحبوووووووووو
ياهلا ومسهلا ومرحبا ياحلوين
الي مهوب حلو لايضيق صدره يلعب على نفسه ويسال امه عن رايها الصريح فيه
وبتقول انه حلو ----القرد في عين امه غزال----
ماعلينا
اليوم ابكلمكم عن ابراج الحظ
وحظك وش يقول لك الليله
برج المملكه والفيصليه
وش دخلهم في الموضوع يا الكمخه
برج حمارة القايله
يقول برجك اليوم لاتحاول وانا اخوك مع المدام وتقول ان بتسهر اليوم مع الشباب
علشان ماتلتفت عليك وبالملاس على نص جبهتك ---شعار الجوده---
وبتقعد تهزئك وتقول ايه بتئول ياروح ماما بتسهر برى
وتعطيك من الكلام الي مال امه داعي فانت خذها من قاصرها على ماقالوا واقضب ارضك وتفرج على سبيس تون
برج الكرشه
يقول برجك اليوم اليوم يوم حظك ادبغ في العيشه---الاكل--- الين يطلع مع عيونك
ولا راح يزود وزنك ولا شي لان الدب القطبي الي هو نجمك راح يتعامد مع القطب الدبي وراح تنحف انشاء الله اذا استمريت في الاكل ----عشم ابليس في الجنه----
برج يا ابو الشباب مامعك استبنه
يقول برجك اليوم شف لا تروح وتدور سلف عند اخوياك ولاعند كومار راعي البقاله الي في حارتكم لانك ماشاء الله عليك مابقيت احد الا متسلف منه ولابعد رجعت لاحد فلوسه علشان كذا يا السبهه لاتروح وتطلب سلف وتنوم اليوم في التخشيبه ولامستشفى الشميسي قسم الكسور العظام
برج ابو جلنبو ---زي المفك بس شكله غير شوي---
يقول برجك اليوم بتروح لسوق الخضار علشان تتقضى للبيت وانت تسال عن كيلو الطماط وتقول في نفسك ياليت الهندي ---السعودي نسيت سعودوا محلات الخضار-------ياليته يقول بريالين علشانك طفران وماعندك الا الضعوي راح تلقى واحد من اخوياك ايام الابتدائيه وبعد مايلمك ويضمك يحلف انه مايحاسب الا هو وتنبسط انت وخشتك وتتقضى للبيت حق شهرين
برج لاتمد يدك فك وافك
اليوم بتروح فيها يا مسكين المدام حقتك بتشوف فاتورة جوالك وبتلقى في الفاتوره
رقم بيجر انت داق عليه ومكتوب جنب الرقم نداء
عاد الحرم المصون تدور الحرش بتشك فيك وتروح وتوسط في جبهتك الملاس ---علامة الجوده مثل برج حمارة القايله---وتقول لك اه يا خاين ياغشاش منهي ندى هاذي الي انت داق عليها ---مقيوله الحريم ناقصات عقل ----
برج طقها والحقها
اليوم يوم تاريخي بانسبه لك وراح يغير مجرى حياتك ---مهوب مجرى حق المجلا الي في البيت----
اليوم الموظفين بيحشون مديركم في العمل سجل كلامهم كله ورح للمدير هوى
وعلمه بكل شي على طوووول المدير بيحبك وبيحطك رئيس قسم
بس فيه شي ماقلته لك يمكن تلقى سيارتك مبنشره ولامسروقه ولا مصدومه
لاتسألني ياغبي ليش لان الموظفين عرفوا من هو الدبوس الي فضح بهم
برج ياشين الزحمه وانت فيك زكمه
من قرادة حظك بتحضر مبارة الاتحاد والاهلي وانت تشجع الاهلي يا المقرود
وانت في طريقك للمدراجات بتعطس عطسه بتسوي مشاكل للرويه الافقيه عندك
وبتروح بالغلط لمدرجات الاتحاد وبيجيبون الاهلي هدف وبتطمر مبسوط قوووووول
وبيلتفتون عليك جماعة حج ولم يعد ويدبجونك دبجا مبرحا
برج احبك والبقر تشهد حتى سوير قصيرتنا
اليوم يومك ياحلو فيه وحده بتصادفها في السوق وانت رايح تشتري صروال سنه
وراح تعجب فيك وتحبك من اول نظره وبتاخذ رقمك ----احلى صرت من جماعة الي ينعطون وجهه يا الشين--- بس ابقولك شي مانيب مسئول عنك اذا بعد شهر من علاقتكم لقيتك واقف في البنك تسدد فاتوره جوال مهيب لك ولا لواحد من اهلك--افهم ياجنط---
برج العطه يابطه
اليوم بتوقف بسيارتك عند الاشاره وبتلتفت على السياره الي جنبك وبتلقى فيها بنات يسولفون ياشرون عليك ويضحكون ----يذبون عليك ياالشين---- انت على طول بتتميلح وتلعب على نفسك وتقول اكيد يبون الرقم وتحط المعروض ومن شين حظك بتلقى جمس الهيئه واقف جنبك من الجهه الثانيه وينزلون المطاوعه عليك ويقول افتح الباب ايه الماجن الخسيس وانت بتعط وبتضيعهم لكن يافرحه ماتمت بتقشع
في ماصوره جنب بيتكم
برج يا شاربين الحشيش عطوني موش
كم مره قلت لك يا الصايع اترك الحشيش اليوم بتطيح في مشكله مع الدوريات والسبه الحشيش بتطلع من البيت وانت محشش وتدور في الحاره على رجليك ---عاطل وفاضي ومحشش--- وبتشتبه الدوريه فيك ويوقفونك ويسالونك سوال روتيني
وش عندك يا ابو الشباب لك ساعتين تــــــــلــــــف في الحاره؟؟؟
بترد انت وبكل براءه الــــــــــــف حرام عليك ظلمتني انا لي سنتين تارك الحشيش
عاد وش بيفكك منهم ((((برج يفهمونه المحشيشين فقط))))
برج ياليتي اصير اطخم ولو ربع ساعه
اليوم لازم تغير النظره الدونيه الي ينظرون لك فيها الناس البس شماغ جديد وثوب جديد وصروال جديد والفنيله مهيب مشكله لاتغيرها محد بشايفك ---وربي لو تفصخ ثوبك تطلع مشجع نصراوي من الدرجه الاولى ---- فنيله صفرا من الوصخ وسروال جديد
الحين بتسالني ليش اقول لك ليش ابوك بيروح بيخطب لك بنت جاركم ابو دحيم
ولازم تطلع اطخم يا جنط
برج ياما في السجن مظاليم
اليوم اجلس في البيت ولا تطلع ابد لانك بتنمسك من الدوريه ويتبلا عليك العريف سعيد والرقيب عيظه
ويقولون انك قاطع الاشاره ويبون يحجزونك ----عارف انك ماقطعت الاشاره بس مش خشتك ما فيه امل يقتنعون---
يعني اركب الدوريه وانت ساكت ولاتنسى تقفل موترك
هذه الابراج ليسى لها من الصحه شي ولكن صرقعتها بموضوع طريف .من باب الكتابه الساخره على بعض هذه التخلفات ..بسبب وجود ناس يأمنون بهذه الاشيا وهذه الاشيا وأن لم تكن شيطانيه فأنها لاشي .. الوسليه الوحيده لمعرفة القادم دون التفااصيل هي التي ذكرها الله ورسوله { الحلم} تفااسير الاحلام بمعنى اخرر]
==========================================
تحياتي لكم سعوودي ووووايلي
===========================================]
مواقع النشر (المفضلة)