[frame="10 80"]
الجهـل "ظلمـه" لكـن "المعرفـه "نـور"=والصبـر مالـه بعـض الاحيـان ميـراد
ولولا اغتصـاب الحـق والظلـم والـزور=ماكـان شفنـا بيننـا "عبـد" و"اسيـاد"!!
مشهد يغـص الدمـع فـي داخـل الـزور=يحكي صـراع الـذل فـي عـز الامجـاد
ماهي مشاهـد صاغهـا "نجـدت انـزور"=او مهرجـان يلـم "باحـث" و"نـقـاد"!!!
هذي مشاهـد تعـرض سنيـن وشهـور=تحكـي بطولـة شيـدت بيـد الاوغــاد
يا"جعفـر المنصـور" ماعـدت منـصـور=لو كانـت افعالـك علـى روس الاشهـاد
"بغـداد" تبكـي والسبـب حرقـة الجـور=ومن يمسح الدمعه عن عيون بغـداد .!!؟؟
هي بـس بغـداد ووقـف عندهـا الـدور=الـدور ماشـي بكـل تخطيـط واعــداد
لو شفت كيف القدس واوضـاع دارفـور=وصرخة بلاد " البوسنه " مـن " بلغـراد !
لو تنتخـي يمكـن نجيهـا علـى الفـور=اقـول يمكـن ! وادري الهـرج مـافـاد
فينا "زخم اصـوااااات " تحتـاج حنجـور=وفينـا بقايـا ارواح مـن دون اجـسـاد
حنـا كـذا نبنـي مـن احلامنـا قصـور=وافكارنا فـي "واد" وعقولنـا " بـواد " !!
وحنـا ليـا مـن طالنـا الظلـم والبـور=نبنـي "خيـام الصمـت " ونـدق الاوتـاد
ياأمـة الاســلام والـوضـع محـقـور=وحنا علـى اتفـه شـي نصغـي وننقـاد
لا .. مانبـي "قمـه" ولا نطمـع لـشـور=نبـي نـعـز بــلاد ونـحـرر بــلاد
مـن قـال بـان الحـال راكـد وميسـور=وافراحنا تغتـال فـي "صبـح الاعيـاد"!!
الطفـل مـن يولـد علـى الـذل مجبـور=وحريمنـا مـن صمتنـا تلبـس حــداد
وافعالنـا لـو كـان ماضـي لـهـا دور=وش عاد لو نكسب من الصيت وش عاد ؟؟
متـى علـى الله يغلـي الــدم ويـفـور=ويكتب لنا فـي قمـة المجـد ميـلاااااااااد
[/frame]
يقال انها ل ,,, ســـعـــود الـــعــواجــي ,,,
احترامي لكم
مواقع النشر (المفضلة)