[ ملآذ ] أنا غريبه ....!!!

[][ إحسـآس ][]

:..
صبآحكم رضآ ربّ العآلمين :25ar:،
...
إليكم بريد ملآذ كمآ وصل ..،
....

أحس لحظات أنى إنسانة غريبة حتى مع نفسي .......
أعشق الذكريات المؤلمة والتعيسة والشينة والحزينة بزعم أنى لحظتها أشكر ربي أنها راحت وعدت ...
وهذى الحقيقة الحمدلله أنها راحت وصارت مجرد ذكرى عابرة وفارقتني .......
أتلذذ بإعادة شريطها والتمعن بتفاصيلها ..... سواء كانت أزمة أو مشكله خاصة او إنسانية او تخص شخص قريب منى .......
بعكس الذكريات الحلوة تألمنى وتعذبني وتتعبنى كثير....خاصة اذا كانت مع ناس فقدتهم وطلعوا من نطاق حياتى سواء بشكل دائم او مؤقت ........

اكره انى اذكر الاشياء الحلوة ... والأيام الى راحت واللحظات الى استمتعت فيها بحياتى .........
وحتى تمر على أوقات ماأحب أحد يذكرنى بشغلات راحت ...... وصعبة أنى ارجعها مع أنى كنت سعيدة فيها

عارفة الكل بقول ليش وماليش عيشى لحظتك واتذكري الايام الحلوة ...ماأقدر ....حاولت بس مافية نتيجة حتى لو

خدعت الى حولى وعشت تجربة الذكرى انا مااقدر أخدع نفسي وروحى ...
...
أنا أتمنى أعيش مثل الناس وأصير مثل الى حولى يتأملون الصور وافلام الفيديو ويضحكون وينبسطون وبعد بمتعة ولذة ....
فحين أنا أقاسى ووصلت لمرحلة حتى الصور مأحب اشوفها وأفلام الفيديو أعتذر عن مشاهدتها معهم بكل بساطة أشيل نفسى وأطلع .....
وكأن لسان حالى يقول لملم جراحك وأنسحب ....
وهالشئ حتى على مستوى صداقاتى ودراستى كل شئ بحياتى مو على مجال واحد
أنا أنسانة ببساطة أكرة الذكريات الجميلة اعترف أحب اللحظات الحلوة وأتمناها بحياتى بس اكرها
إذا تحولت ذكرى من الماضى الدفين ماأدرى

تشاركون الرأى أو تخالفون فيه ؟كل شخص وطبيعته
مع العلم أغلب وربما الجميع من الى أصادفهم يستغروبنى والا يعتبرون أنى حالة شاذة وعلى قولة وحدة من صديقاتى أنتى غريبة ......ومعقدة

.............................. إنتهى ،

:25ar:

[غزال ومـا يصيدونـه]

بالعكس منتي غريبه ولا معقده

بس مبين من كلامك إنك انسانه حساسه جداً

ومسألة تلذذك بأسترجاع الذكريات الحزينه والمؤلمه ..!

صدقيني ماهوب إستمتاع أو تلذذ بس لإنك يوم تذكرينها ماتثير عندك أي مشاعر مؤلمه

بالعكس تنبسطين إنها انتهت وعدت واصبحت ذكرى من الماضي

بعكس الذكريات الجميله ..

تكرهين إسترجاعها لإنها تذكرك بأشياء واشخاص يصعب عليك فراقهم

عشان جذي عقلك الباطن يرفض محاولة تذكرها

وهذا هو سبب ( الغربه ) اللي تحسين فيه ..!

الحل / إنك تحاولين دايم تحطين في بالك أن الذكريات الحلوه

هي اللي تحسسنا بالحياه وتعطينا دافع اكثر

يكفي إنها ترسم إبتسامه على ملامحنا في حال تذكرنا لها

وحتى لو رافق ذكراها إلم أو وجع فراق ..

لازم تعرفين أن اللحظات الحلوه مهما دامت

لابد يجي لها يوم وتصبح ذكرى في حياتنا ( هذي سنة الحياه )

فـ حاولي دائماً تنظرين للجانب الأيجابي فيها

عشان هالذكريات تصبح شي جميل بحياتك وتتقبلينها ماهوب العكس

وخلك دائما متفائله استمتعي بكل لحظه في حياتك

حاولي بس تغيرين نظرتك السلبيه لـ الإمور وتنظرين لها بمنظور إيجابي

وتأكدي إن كل شيء وقتها راح يزين معك

والله يسعد ايامك ويبعد عنك كل هم وضيق



:25ar:



..

[مناير الشـووق]

بالعكس ياغالتي منتِ غريبه او معقده بس حساسه
انا مثلك تماماً اكرره هالشئ وساعات تصل فيني اكره نفسي بس انا بقولك شئ حاولي تشووفين شئ تحبينه مثل هوايه او حتى النت ترا هالاشياء تسلي وتخلي الواحد ينسى كلشئ يعني غيري روتين مع رفيجاتك
حااااولي وراح تنجحين وبطلع هالفكرره من بالك

ولاتنسين اللجوء لله والدعاء im3

:25ar:

[R A W A N]

كثير من النآس مثلك يحبون يتذكرون الذكريآت الحزينه
بس عشآن يحسون بالسعآدة إنهآ إنتهت و عدت ولله الحمد
أنصحك لمآ تتذكرين شيء قديم مزعج اللجوء إلى الله هو الحل الأفضل
و قرآءة القرآن بشكل مستمر :25ar::24ar:

[شموخ أنثى]

مهبوله انتي
بتدفنين شبابك وسعادتك في مقبرة الأحزان !
صح ان كل واحد يتلذذ بالذكرى سواء كانت حلوه او مره
لكن مو معناته انك تكرسين عقلك وفكرك فقط للذكرى الأليمه !
تذكري ان لنفسك عليك حق لاتعذبيها بالأوجاع
تدرين ليه انتي كذا ؟
لأنك عودتي نفسك ع هالشي
لكن ثقي وتأكدي انك لو حاولتي تغيري من نفسك
راح تتغيرين بمجرد اول محاوله صدقيني
جربي وانتصري ع نفسك
لو مره اندمجي مع اللي حولك
اضحكي انبسطي ابحثي عن الأشياء اللي ممكن
انها تدخل السعاده لقلبك
جيبي لك كام كل موقف صوريه كل طلعه
جمعتكم صوريها .. واذا صرتي بلحالك شغليها
صدقيني بتحسي بطعم الحياة وحلاوتها
لأنك بتقتنعي ان هذي هي الذكريات اللي من المفروض
اننا نتذكرها ونختزنها في ذاكرتنا
مو الحزن والألم ومدري ايش !
صح اننا نستمتع بالذكرى الحزينه < من وجهة نظري
يعني انا لاضاق صدري اروح اتذكر الأشياء الحزينه
عشان يضيق صدري زياده ثمن ابكي :(
بس بعدها لابكيت ارتاح :)
بس مو معناته عاد اني احصر ذكرياتي ع الأشياء اللي تحزن واترك كل ذكرى سعيده !
لا بالعكس
ابدي مع نفسك ومن بعد قراءة هالردود تطبيق اللي فيها
وكفايه تعب شلون بتحسي بطعم الحياة وانتي ع هالوضع !
فليها ماتستاهل روحك هاللي تسويها فيها
وربي يسعدك يارب :25ar: