تغطية رحلتي لأندونيسيا الجزء الثاني ~

[حيران في عالم النسيان]

السلام عليكم


عوده لكم بالجز الثاني من الرحله والمعذره للإطاله عليكم
لعدم التفرغ لها
تكملة الموضوع السابق
الجزء الاول

هنا
http://www.al-zen.com/vb/showthread.php?t=153734

طبعا بعد العشاء نمنا وعلى طلوع الفجر صحينا
كالعاده اول من يصحا انا





بداية طلوع الصباح *_^






ولا يحلو الجو الا بفكة الريق بفنجال يطير العماس





طبعاً شوارعهم لحسة مخ عكس وانا وسعد حاولنا مرارا وتكرارا ان نقطع الشارع
ماقدرنا ماتدري انت تناظر يمين ولا يسار يازين شوارعنا بس وغير كذا
السواق ابلشناه كل شوي فاتحين الباب عليه نبي نركب خخخخخخ ماندري ان الدركسون يمين صوره بعد الافطار





ولابد من وجود الاكشن قبل الذهاب الى حديقة سفاري *_^






بدة هطول الامطار سحبان الرازق بس







وصلنا سفاري طبعا الامطار شبه مستمره يعني نادر ماتوقف الامطار


طبعاً دخلنا تقريباً بـ600 الف روبيه مايعادل تقريبا 240 ريال










جالس يبلع وحنا اللي نشري له بس جلعها صدقه لي ولوالديني ولربعنا ولكم انتم كلكم بعد







شوفو حنان الام سبحان الله حتى حميرهم تفتح النفس




الخنزير الله لايكثره في الارض







الفيل وهو يلقي نظرات اثناء الاستحمام النظافه زينه ياناس




هذي نهاية اللي يدخن ومايفرش اسنانه كل يوم التسوس والريحه الشينه



هذا مدري وش اسمه بس اتوقع اللي يطلع في افلام كرتون انه شفاط النمل




يالبى الضبا بس












هذا مدري وش اسمه بس اتوقع انه يقرب للخنزير من عيال عمه *_^







عطينا النعامه موز وقام احد الاخوان بخنق النعامه وكتم انفاسها
اول ماحست بالموت رفست السياره لكن مافكها الا بعد مابيضت
المسكينه كانت حامل وسقطت هههههاي باين عليه اثار الغضب
وهي اللي اكلتها المسكينه *_^






المياه الجاريه في كل صوب وصوب ماشيه






يالبى قليبه بس





الاجواء اللي ترد الروح موجوده طول الوقت عندهم















يا الله انك ترزق ديارنا عز الله انها تستاهل الامطار












مدري وش اسمه هذا ماهوب الفهد ولا النمر اتوقع ان اسمه الشيتا















نمر ابيض شكله لبناني *_^





النمر هذا كنت فاتح نص القزازه المهم قالو العيال انزل اول مافتحت الباب
ونزلت رجلي وهو يتحرك ناوي يهجم علي انا يمدي اسكر الباب بس المشكله القزازه
خفت انها تنكسر لأني مايمدي اسكرها والمسافه 5 متر ومفكوك بسزين انه ماهجم ولا كان كسرت خشمه :d












سعد في حالة رئفه ومحنيه على الحيوانات كل ما شرينا اي شي ناكله
قال مسكينات ماندري الا راح في بطون اللي انتم تشوفون





انتهينا من الحيوانات وبدينا في الدخول للحديقه نفسها





ولابد من تعديل المزاج بالكوفي شوب ولابد من وجود الدونات





ثم اتجهنا لدخول إلى الكابوي تمثيل خيالي يخليك تركز لو انت ماتعرف تركز

[حيران في عالم النسيان]

قبل مايبدا الفلم دخلنا المعرض اللي تشوفون قدامكم بالصوره











بعد ما شاهدنا الفلم اتجهنا إلى طبعا وقت الفلم ممنوع التصوير




الفارس سعد اثناء ترويضه للفيل *_^







قلت انا وين اطيب فيل عندكم وإذا كان متوحش يكون افضل قالو خايفين عليك
قلت ماعليكم ازهلوه علي مالكم بالطويله جابوه وروضة ابوه معه بعد
قلت انت ماتعرفني الصعب عندي يصير سهل مايعوق معي شي






بعدها اتجهنا الى عرض الفيله









ثم اتجهنا بعد ذالك إلى التلفريك ناخذ لفه على الحديقه من فوق السطح























كنت ابي اسبح بس ماش العيال ماطاوعوني ولا كان يازينها في هالجو



بعد ماشيكنا على الحديقه كلها طلعنا ناخذ لنا كم جوله ولفه على المنقطه







انحاشوا منهم حراميه كل شي دبل مادام فيه سعوديين اي سوبر بس لاتجي بقالات السعوديه <~ يخرب السمعه عليهم









بعدها رجعنا للفله على المغرب سوينا عشانا ثم سحبناها نومه

اليوم الثاني اتجهنا للبراشوت صوره بالطريق بالقرب من البراشوت







بس كان للأسف عوائق وهي شدة الرياح قلت يالربع احسن شي عشان مانوقع بسرعه
قالو لا المهم اخذت رقم اللي عنده الكلام كله قلت اذا طرتوا علموني عشان اجيكم




الجو مثل ماتشوفون الضباب والسحب كانت نازله وبرد















طبعً الخضار اللي قدام عيونكم شاهي سبحان الله ينبت على الطبيعه كذا
واكثر شي عندهم هو ارضهم وجبالهم كلها شاهي










انا كان نفسي اشوف شي اشهب لو متر بس للأسف ماتشوفها عينك كلها عشب


يوم شفنا مافي البراشوت حيله ركبنا هذا مدري وش اسمه المهم انه يزحلق بنا للجهه الثانيه


وزين اني وقتها اخذت الكوت ولا كان تجمدت من البرد

طبعا الشنطه اللي تشوفونها بالحزام هذي لابد منها لو ضيعناها ضيعنا السعوديه وكل شي






اول ماحركنا فيه حبل بيني وبين محمد انا مسكته وسحبت محمد يمي قمت اهزه خخخخ
الاندونيسيين انهبلو يحسبونه بينقطع هههاي بس كانت فله وسعة صدر بس ماش المسافه
ماهيب بعيده بالحيل تشوفون السيارات تحتنا قريبه صح *_^





بعدها تشجعوا الاخوان وقالو بنسوي مثلكم





بداية الانطلاقه واثناء دغدغتهم بالكلام ههاي


















بعدها اتجهنا لشلالات








صوره اثناء المشي لها








يقولون ان الشجره ذي شجرة القهوه عاد مدري هم صادقين ولا لا





صوره في منتصف الغابات








بالقرب من الشلالات طبعاً الطريق متعب يبي له لياقه لكن عرفنا دورها
يوم مشينا مسافه طويله لأن فيه مرتفعات ونزول يحوس مريرك











طبعاً يوم شافوني بالشورت قالوا الشلاالات يبي لها شورت الشلالات 7 وكل واحد مسافه
عن الثاني ولازم سياره وتنزل تمشي مسافه طويله

























لا بد من الفرفشه في الرحله <~ ينسيهم تعب المشي *_^






بحيره مثل ماتشوفون عند الشلال الثاني اعجبني منظرها
ناقصها الزوليه هنا والقهوه بس العيال يبون الشلال الثالث مايدرون عن التعب وانهم بيهونون
من البدايه ولا كان ضبطنا القهوه عندها وريحنا بس













صور اثناء الطريق










بعد الرجوع لابد من شرب القهوه حسب عادات اجدادنا وتراثنا الحديث *_^
مشوها تراث وعادات واخرتها شورت ^_^





والمعذره على الاطاله لأني مشغول والشي الثاني
اول ما اخترت الصور وحملتها كلها تخيلوا تطلع روابط في المنتدى ام التحطيم ياشيخ
ام الغباء

اعداد وتقديم حظرتي قولو الله يطول عمري بالصحه والعافيه

انتظروني قريباً لين اروق


\

[هــَايدي]

-

اللللللللللللله على الطبيعة .. أحلى شي الشلالات :24ar:
~> مشتهيه كذا امشي بين حيوانات والعب معهم ويصير اخذ وعطا :24ar:
وهذي لو ألعبهآ ماراح استانس ابد بس أبي انزل im22

:25ar:

[ملك العشق]

وعليكم السلام
ماشاء الله رحلة موفقة ,, الأجواء هناك خطيرة
وأهم شيء انبسطتوا



اخاف انك متمسك فيه خايف تطيح

شكراً حيران على التغطية الحلوة :25ar:

[لهفة الخاطر]

وآآآآآآآآآآآآآآآوز ع الطبيعه



احلى مكان

ولا الحيوانات بجد احس اكشن

لازم اروح اندونيسيا اشوف طبيعتها الخلابه

الكل يقول حلوهـ

خساره مارحت مع خالي اشوفها >~مصدقه

عليك بالعافيه ياطامي

وعقبال ماتروق im22