ياما تهآوشنآ على كيس فيشــار ..

[أميره الكل]

يازين يوم اني انا وانتـي صغار
توما لبست شماغ وانتي عبــايه..

بالطول مانـــاصل ولا خمسة اشبار
دايم نقـــيس اطوالنا بالمرايــه..

مابيننـــا شيـــن نخبيــه واســـرار
ماغير لعب اطفال كل الحكايــه..

ماهمنا موجز ولا نشرة اخبــــار
التسليه صارت وسيله وغايــه..

وان جا فلم كرتون للقطو والفار
نجلس نتابع قصتــه للنهايـــه..

بالمدرسه نزعل على شان الاصفار
انتي سبب لعبك وانا من غبايـه..

ياما تهآوشنآ على كيس فيشــار
انحاش به وافرح بطردك ورايه..

وان قلتي ياراشد ياويلك من النار
اخاف واستسلم وابين خطايـــه..

والى ضربتيني تقــل بيننــا ثــار
وان قلت كافي قلتي ماهو كفايه..

والى خلصتي ضرب بيمين ويسار
اخذتي الفيشار واللـي معايــه..

والى زعلت وقلت ابا اروح للدار
صحتي وقلتي اسفه يا غلايه..

واصدقك وافرح بعد ذيك الاعذار
واجيك لا حاقد والا احمل وشايه..

بس لو اشوفك مع بشر غيري اغار
لو كان اخوي أو من أعز اصدقايه..

واركض لخوك اقول شفها مع اكبار
عشان يفرض لي عليك الوصايه..

هــــذي طفولتـنا براءه وتذكـــار
دايم نحن اليا ذكرنا البدايــــه..

واليوم ابا اكتبها سواليف واشعار
وافكر انتجها بفـــلم وروايـــه..



مماتصفـ ح ـت

[ROMANCYA]

:24ar::24ar:


ألمم تجنن
قصيده رااائعه أعجبتني كثير ر ر

يسلموآ يآ غنآتي :25ar:

[هدوء البحر]

واااااااااااااااااااااااو
رهيييييييييييييييبه
تسلم ايادك اميره عالنقل الراااائع
ماننحرم منك ولامن جديدك ياااارب

[أبعـــاد]

قصيده روعــه..

صح لسان شاعرها..ولاهنتِ يالغلا ع النقل..

:25ar:

[ހވޱ ވހވޱ]

:25ar:

فيها من .. كلمات اغنيه نروح للمدرسه ..

جميله الكلمات وبسيطه وسهلة الحفظ

سلمت يمناك حبيبتي :24ar:

:25ar: