[ ملآذ ] .. أُمّــي .. تُهمِل صلآتها كثيراً :"( .. | أُسرِيّه ~

[][ إحسـآس ][]

مرحبآ .. :25ar:
،


:.....
بسم الله الرحمن الرحيم
صاحبه المشكله تعني لى الكثير الكثير
امممممممم انا طرحت مشكلتها لانى عجزت عن حلها
وهي لاتعلم ان مشكلتها تؤرقني كثيرآ
هي انسانه موظفه مثاليه ومحبوبه فى مكان عملها وهي المسؤله عن الندوات الدينيه
وتنسيقها فى مكان عملها ، تحب الخير لوجه الله ، تخاف الله فى جميع امورها
وتراعى هذا الجانب فى كل حركه وفى كل تعامل مع اي شخص ،
ام طيبه لدرجه خياليه تقتص من راحتها لتعطيها ابنائها ، زوجه مثاليه وسعيده الحمد لله ،
ربما لانى ابنتها لاأرى عيوبها ولكن هذا رأئيي بشهادة من الجميع فيها ..

مشكلتها انها تؤدي جميع حقوق الله عليها الا الصلاة
وهذه المشكله بدت معها من تقريبا 7 سنوات
كانت تصلى فرض وتترك فرض وكانت تجمعها اذا تكلفت
شيئً فـ شيئً حتى تركتها . . انا انسانه اذا احببت شخص اتجنب احراجه حتى لو في مصلحته
فمابالكم باأمي
أدعو لها فى كل سجده وفى كل تهجد . . لم ولن انساها من دعائى . .
ماقد جا يوم وكلمتها عن الصلاه لانى اعتبره موضوع حساس بالنسبه لي لانه حيشكل لها احراج
وهي من النوع اللى اذا عُوتب يستحي مو مثل الناس ترد او حتى تبرر . .
تكتفى بالابتسامه والصمت وهالشي ثقققققيل فى نفسي ويحز بخاطري انى اشوف امي كذا
كذا مره اقول بكلمها بشكل غير مباشر او بنصحها بشكل غير مباشر لكن بس اجي قدامها كل شي خططت له يروح ..
اخواتها من النوع اللى بايعينها يعني وحده تصلى وتوصل شعرها ووحده تظلم وتكذب وتصلى
ووحده ماتصلى اصلا وتنتف حواجبها ومسويه عمليات تجميل
واختها الرابعه الى المفروض الجأ لها متوفيه رحمة الله عليها
جدتي انسانه طيبه كلمتنى مره بخصوص صلاة امى . .
مراه كنا بمجمع عائلى كبير وكانت هى جنبي فـ مسكت راسي وقربته من فمها وهمست لى : انصحي امك تصلي
انا ماقدرت ارد لان الناس الى حولنا كثير فأكفيت بهز راسي والاشاره بعيوني
لو كنت لحالى معها قلت لها : انتى امها وانتى اكبر وانت اكثر دين مني . . كلميها انتى انا انحرج لانها امي
لو كانت اختي او اخي لأمرته بس امي صعبه ححححيل
هى بتسمع منك اكثر مني . .
لكن مثل ماقلت المكان مايسمح اقول كل هذا باذنها
فصرت ادور اقرب فرصه علشان اقولها ولكن ماحصل الى الآن
خآيفه عليها كثير .. اخاف تموت وهي مهملتها
كلنا نعرف حكم تارك الصلاه . . وان الصلاه اول شي يحاسب عليه العبد بعد مايموت . .
الموت بيجيها بيجيها بعد عمر طويل بس ماندرى متى
ابي ارتاح . . لو ماتت وهى تصلى المصيبه بتكون علي اخف من انها تموت وهي ماتصلى :"(
ساعتها انا اللى بتعذب معها :"|
انا مو انسانه متدينه وشديده . . لكن الصلاة شي عظظظظظظظيم وتركه ذنب عظظظظظظيم
والى تارك الصلاة بالنسبه لى انسانه عظظيمه
لحد يقول الجئي لأبوك . . لان ابوى محمل كل واحد
مسؤولية نفسه فى كل شي حتى الصلاة . .
نظامه اذا تبي تصلى انت وقت المنبه واصحي وصلي

ولااحد يقول هى تخاف الله كيف تترك الصلاه اللى عايش معها غير اللى ماعاش معها . .
انا اعرفها اكثر من حالى تخاف الله وتراعيه بس ماتصلى . . ماادرى ليه !!!!
ولااحد يقولى انتى كلميها بنتها الكبيره ومن هالكلام . . انا حاولت كثير وبعد يااس جيت هنا
انا جيت ادور حل فعلي ماسويته ولاحاولت اسويه + دعوة لها فى ظهر الغيب

مع انها كانت قبل 10 سنوات تقرا القران كل يوم / غير قيام الليل / والنوافل الى تحرص عليها

............................................ إنتهى ،

:25ar:

[كلي فدا عيونه]

صراحه ماالومك بوضعك لانها امك وصعبه تحرجينها بكلامك بس ابدا بسرد قصص بشكل جماعي وهي تكون جالسه عن ناس مايصلون وش صار لهم وعن ناس عاقبهم الله بالدنيا قبل الاخره وممكن تبحثين عن اشرطه دينيه عن تارك الصلاه وتشغلينها بوقت تعرفين امك تكون جالسه فيه وتستفيدين انتي وجميع عائلتك ابداي النصيحه شكل عام .......

واذا هالشي مانفع كلميها بشكل خاص لانها امك وتخافين عليها لازم تواجهينها وصدقيني الناس يحتاجون احد يذكرهم بالصلاه فما بالك امك وعامله وربه بيت قلب معك

[هدوء البحر]

لا حول ولا قوة الا بالله
والله شي يحزن انه كانت من قارئي القران ومؤدين اللفراااائض

طيب اختي احساس لو تسألينها انه تحس انه في تصرفات غريبه من والدتها
لانه مافي شخص طبيعي ممكن يترك الصلاة خصوصا وهي كانت من المتعلقين بذكر الله

اقول أن شاء الله ما يكون فيها الا الخير
بس ممكن لا سمح الله جاتها عين من احد يوم شافها قريبه من الله
احدى جارتنا نفس وضع والدت صديقتك لكن كان في تصرفاتها وعصبيتها
شي يبين انه فيها شي مو طبيعي
والحمدلله بعد الاكثار من الرقيه رجعت صلت ولله الحمد ..

في كم نقطه راح اطرحها .. شوفي صحباتها المقربات مره منها
واهم شي يكونوا من المؤدين لصلاة .. تكلمها باسلوب غير مباااشر
عن قصص تاركي الصلاة .. وكمان المحاافظين على الصلاه
لانه لابد من الترهيب ..والترغيب
كمان في طريقه حلوه انه تطلبين من اقاربكم وصحبتاها
انهم من فترة لفتره يرسلون لها مسجات على الجوال فيها ترهيب من تارك الصلاه
وترغيب لصلاه بس مو الكل يرسلها وقتها بتحس انه في شي يعن الرساائل تكون متنوعه
من وقت لتاني ويدخلون فيها النوعيه هدي من الرسااايل وادا كانت ما تعرف تقرا
انتم اقروها لها وبينوا لها انه انتم كمان جاااتكم نفس المسجات عشان ما تفتكر انه بس هيا المقصووده
وادا كان عندها ايميل لامانع من ارسال المسجات من نفس النوعيه عليه
افتحي كل يوم جمعه بعد صلاة المغرب على قناة المجد راح تلاقين للقاء مع مفتي المملكه
وكل يوم في قناة السعوديه بعد صلاة المغرب في مكة المكرمه لقاء مع مشاايخ المملكه
اختاري الوقت المنااسب واجمعيها مع اخواااتك
سويلهم حلا وقهوه وحاولي تخلينهم ينتبهوون لكلامهم
والله يهديها يااارب
وترجع لهم امهم احسن من اول

احساااس لك يا قلبي

[آخـ أمل ـر]

انا أشوف انك تصارحين أمك وتختارين عبارات لها تأثيراً ووقع في النفوس
كلميها بلغة المشفق ..أبكي وترجيها انها ما تترك صلاتها
ذكريها بالله وبخطورة ترك الصلاة وبأنها قد تخرجها من الإسلام كله..
المواجهه أحياناً تكون أفضل طريقه وتأثر تأثير كبير..
وخليكي من مسألة انك تخافين تحرجينها وسوي مثل الطبيب أحياناً يضطر
يستأصل عضو من المريض حتى يشفى بالرغم من قسوة هذا الأمر ظاهرياً الا انه فيه رحمه للمريض من ألمه
وبعدين ما الأولى ان تخافين عليها من الأحراج أو أن تخافين عليها من نار جهنم اذا ماتت وهي تاركه للصلاة؟؟

استغلي فرصه تكونين انتي وياها في مكان واحد مثلاً في المطبخ تحضرون الغدا او العشا وشغلي شريط فيه محاضره تتحدث عن الصلاة وعظمتها وعقوبة تاركها..وأحسني اختيار الشريط بحيث يكون لأحد الدعاة الي عندهم أسلوب مؤثر في النفوس..

اسأل الله لنا ولها الهدايه والثبات على طريق الحق

[خزامى]

وآجهيهآ وصآرحيهآ قبل يفوت الفوت ثم تندم وتندمين ..
وابشري بالدعاء .