..
مسآءاتُكُم عِز ياآلـه..
و..
قصيدَةُ البدرِ بن فيصَل التِي ألقاهَا فِي "شاعِر المعنى"
البرنامج الذي ترعاهُ قنآة الساحة..
.
.
فـ هِيَ :
ياالله يامنشي السحاب المرازيم
ياعالمن بالقدر خيره وشره
بأمرك تسير الفلك بين الأقاليم
وتاخذلها فالبحر فره وفره
تثبت ثبوت جبالها الشمَّخ الشيم
ويسقط عداها لو يحطون درة
منك اتلهم هاجس الشعر تلهيم
وأغوص في بحره وأدور لدرَّة
الشعر وهبة مايعلَّم بتعليم
ولاهوبيوخذ من مساقيه مرَّه
حبكٍ وسبك وربط بين المفاهيم
وصدق ونقا حتى المساقي تدره
أحدٍ على جاله سواة اللواهيم
وأحدٍ يغطي كسر بيته بـ جرَّه
يالجنة التحكيم حمَّ المياسيم
ياهامة الشعر ودواه ومقره
عقد الأمل فيكم وحنا مظاليم
كلٍ يقول الشعر ألمَّه وأزرة
خل الجمال اللي زبدها مراديم
تِرد العذود الغور مره ومرَّه
حتى يبين موزعين التعاميم
عبر الرسايل والفضا والمجرَّة
لاهزلم حطَّم الرقم تحطيم
اللي يهول الناس فرَّة وكره
الشعر يرثى له وسمم بتسميم
وعليه بنت الفكر يمكن تطرَّه
أحدٍ يجيب ألحان نجوى وتسنيم
وأحدٍ يجيب الخايعات المخرَّه
وأحدٍ يحلي بالحلى جعله يهيم
وأحدٍ يبي التاكسي يجيه ويمِّره
عساهم افدا اللي معانيه تلغيم
اللي يهول الناس فرَّه وكرَّه
يلف قاف الشِعر من لفَّة السيم
يسخَر سخر من جد لله درَّه
وجهة نظر لالا ولاهي بتعميم
ولاني بدوِّر للآوادم مضرَّه
يادرَّة الإعلام يادامة الديم
يافخر ميراث العرب مستقرَّه
أحييتي الميراث وبكل تنظيم
ومشاهدك يلقى الرضى والمسره
لادندنة لاخربطه لاتقاسيم
ولاهمَّك اللي شّدَ بنقه وزرَّه
شكراً من الأعماق يادامة الديم
يافخر ميراث العرب مستقرَّه
وافين ياناصر وطبع الشغاميم
كافي الليامن اللعي مستصرَّه
وختام ماقلت وصلاة وتساليم
على نبيٍ كل أبونا نبرَّه..
..
و.. تقديرٌ:
مواقع النشر (المفضلة)