المكالمة الشرعية !

[¶ بــآريــس ¶™]

السلام عليكم ورحمة الله وبركاته ,,

كيفكم ؟


فرضاً تزوجت وما اعجبني أسلوب الزوجة أو ما اعجبها أسلوبي أو شكلي أو اي شيء ,,

فهل الطلاق هو الحل ؟

أو نكلم بعض في الخطوبة عشان إذا صار شيء وانفصلنا ما تصير مطلقة ؟

أو أملك عليها واكلمها وإذا تركتها ما تعتبر مطلقه ؟


وشكراً

[خزامى]

ماشاء الله تعددت الحلول وهذي نعمه
بالنسبه للمقترح الأول .. فهو منطقي لأن الطلاق شرع لما إلى ذلك من عدم توافق بين الزوجين أو غيره ..
بالنسبه للمقترح الثاني .. هو الأسلم والأنفع والأصح في وقتنا الحالي .. مع مراعاة شروط المكالمه الشرعيه في الخطبه .. يعني يتكلموا صاحين عشان يفهموا ويستوعبوا بعض .. مو يغازلني وأغازله
و يضيعوا الوقت ويتزوجوا على عماهم ثم يطيح الفاس بالراس .
أما الخيار الثالث قاسي شوي .. مع السلامه
-
الأهم من هذا كله واللي بغيت أنساه ..
ليش نفكر في الطلاق كأول حل ..
يحاول كل طرف يغير في الطرف الثاني الشي اللي مايعجبه الين مايتوافقون
وإذا استعصى الأمر ووصلت الأمور مواصيل كفانا الشر ..
تسريحٌ بإحسان .

[لو وفيت !]

هههههههههه

ضحكني اللي بالاحمر


طيب يارجل . اولا مهو صحيح انه لاي سبب اقوم بتطليق زوجتي
بعض الخليقه يطرد ورى كل مستشفى لانها تعبانه ويحاول يدفع دم قلبه ويهلك نفسه لعيونها
ولافكر يطلقها ويريح نفسه . مابالك بس لانه مااعجبها او اسلوبها مو حلو والا كرشتها ناقزه قدام شوي والا المكرونه دايم تقلل ملحها !!

اقصد مو اي سبب يبيح لي الطلاق , دامني اقدمت على أخذها .. بغض النظر عن الظروف قبل الزواج .. فلأكن كفؤ وابلع مرها وحلاها . والا دع الفكره من بدري .


ثانيا , الحكم الشرعي لايجيز لنا ان نكلم وحده لاتحل لنا
وبحكم انك خاطب فهذا لايجيز لك انك تكلمها . وهذه همسه للي يخطبون ويخلون الدعوه سهلات !
مثل الشيعه .. اخبر لي واحد كان زميلي بيوم , يقولي والله طلعت انا والمدام البحرين البارح وتمشينا وتعشينا بالسيف .. يعني ليته استحى انه يطري سوالف اهله معي , ناهيكم عن انه يطلع ويروح ويجي معها ولسه خاطب !!
عاد مايندرى لايكون صار شئ منا والا منا . وهي مهي بعيده عن لحاهم .


ثالثا الملكه هي الفتره اللي اعتقد لامانع من التكلم معها واخذها والخروج بسويه .. مادام ان العقد انكتب فخلاص هي تحل لك . ولكن عاداتنا غالبا تمنع حدوث ذلك .. وذكر الاسباب ادعها للبنات لانهن قد يكونون ملمات اكثر مني بهذا الامر
وان كنت لازلت عند كلامي بأنه يجوز ان تستحقها كامل الاستحقاق في ظل انها اصبحت زوجتك بناءا على عقد الزواج .




من هنا , اقول دائما فترة الملكه هي المربط وهي مفترق الطرق تقريبا . ومنها ستبين امور كثيره ,ويجب عليك الطرفين ان يعرف كل منهما ماهية وشخص الاخر حتى يعرف كيف يستطيع التعايش معه ..ولكن اركز كثر كثير على الا تطول فترة الملكه .. لانها قد تسبب مشكله ناتجه عن فراغ وتكثر المشاحنات وامور لم تكن ينبغي حدوثها . بنظري 3-5 اشهر كفايه كفترة ملكه .


هذا اللي سمح لي عقلي بتسطيره , والمعذره ان لم أجبك كما تود . :25ar:

[ديـــــور]

فيه ناس بمجرد مايخطبها يكلمها عشان يتعرفون على بعض بدون مايصير شي رسمي

يعني مجرد خطبه معلنه , عشان اذا ما تفاهموا ماتصير مطلقه

وفيه ناس بعد الملكه يكلمها ولو ما تفاهموا فسخوا الخطبه < مايطلقون عليها لقب مطلقه

لان بنظرهم مجرد خطوبه مع انهم يطلعون مع بعض وكذا

وفيه ناس لو تفسخ الخطبه بعد الملكه تصير مطلقه زيها زي اللي تزوجت كم سنه وتطلقت مع انهم مجرد مكالمات

يعني الموضوع كله اختلاف ثقافات وكلن يمشي مع ثقافة مجتمعه

واشوف ان الاخيره هي اللي صايره غالباً هذا اذا خلوه يكلمها بعد

[أم صقر]

انا اشوف انه يكلمني وقت الخطبة قبل الملكة..
لأن الحين صارت العقليات مختلفة بشكل
وكثر الطلاق عالورق،،