السلام عليكم ورحمة الله وبركاته
اسعد الله صباحكم بكل خير
هذا إهداء بسيط لشاعر بدر شامان الميموني
ان شاء الله يعجبكم
http://www.youtube.com/watch?v=G7vYIjalJqU
جيت الطبيب وقلت أنا انسان مرضان =وفحص علي وقال قرحـه وقالـون
وجاب الحبوب أصناف واشكال وألوان =قال أكل هذي قلت مانـى بمجنـون
قال أنت تلعب قلت مانـي بسكـران =أكل حبوب (ن) جبتها ملـي كرتـون
ومشيت من عنده معصب وزعـلان =وجيت المطوع قال اخذ زيت زيتـون
قلت السبب قال أنت بالحيـل تعبـان =عندك قلق ومصارعة جن وعيـون
قلـت الله أكبـر يامطـوع سليمـان =اللى تبيع الزيت والنـاس يشـرون
يمديك من بيعه مطنطـخ وفسقـان =ويمدي رصيدك فوق عشرين مليون
قال انت صاحي قلت صاحي ياوجعان =أنـت وطبيبـك ***وكـم تهلسـون
أنا بلايه من هـوى خـدر الأعيـان =أشحن غلاه وخاطرى منه مشحـون
أتلى العهد بـه يـوم روح مسيـان =عصرية الجمعه على جيب صالـون
جيته موقـف عنـد كبـري بنبـان =فى جيبهم تهريب علبـة دركسـون
وعطيتهم جيك(ن) من الزيت مليـان =قالوا نبـى نعطيـك رقـم التلفـون
وفطنلـى السـواق والعلـم نيشـان =قال امش قلت أبنتظر ليـن تمشـون
وتابعتهم والجيب مسـرع وعجـلان =أذنهـم فاحـدى المحطـات يقفـون
وعلى مغيب الشمس مع وقت الأذان =قلت أنهم حـول أم سـدره يصلـون
وسريت معهم ليـن وازنـي أبـان =ولفيـت للبتـراء وعيـوا يلـفـون
واخذت رقم الجيب ابي منه عقـلان =وروابع المشتاق من دون فـى دون
وجيت المرور وقلت وان آجـده وان =عطونى برنت(ن) مصدق ومضمـون
وقالوا من أنت وقلت أنا بدر شامـان =فى حب هالمجمول مغـرم ومفتـون
قالولى الحاسب لـه أيـام عطـلان =وليشتغل تامر أمر يابـن ميمـون
الشاعر / بدر شامان المطيري
مواقع النشر (المفضلة)