[ ملآذ ] .. إعترآف زوجي دمّرني ..:/ ، استشآره ..،

[][ إحسـآس ][]

،
مسآؤكم مطر :24ar: ..

،

:

انا عمري 23 / متزوجه من 6 أشهر ..
تربيت ببيت جداً جداً محاافظ الحمدلله .. فيه امور كثير اجلها ماكنت اتوقع انه تصير بمجتمعنا اصلاً
تزوجت من شخص برى العائله اهلي سئلوا عنه وقالوا انه شخص كويس وماكان بيننا اي اتصال بعد الملكه يعني ماعرفته الايوم الزواج
من ثالث يوم بالزواج وحنا بشهر العسل اعترف لي زوجي عن ماضيه وعلاقته مع بنت لمدة سنه وعلى كلامه هي الي جابت رقمه واتصلت عليه واضافه بالماسنجر
وارسلت صورها على اساس انها معجبة فيه لانه سبق وشافته وهو مايعتبرها الا مجرد اخت
بعدها يقول البنت التزمت وتابت وانا تركتها والله يستر عليها وبعدها حسسني انه تاب وهذا كله ناتج عن ضعف الايمان ..
انا كانت ردة فعلي جداً عاديه يمكن لا ني توي ماعرفته ولايعتبر شيء بنسبه لي .......
المهم بعده بكم يوم وحنا بشهر العسل بعد نسولف عادي الا يسولف لي عن سفرته الماضية والموقف الي حصل له
هو بالمرقص اخوياه طلبوا شراب وهو طلب كوفي وان الناس شلون مستحقرينه اذا ماتشرب ليش تجيء هالمكان !!!!
ماتتخيلون شلون كان موقفي بالبداية على بالي يمزح لكن طلع صادق
كااااااااااااانت بالنسبه لي قووويه وكبيره يمكن لاني عشت بمجتع غيرر
انا زعلت وحلف لي انه بعمره ماشرب وكلن له حريته بالي يسويه
وانه راح معهم لانه مخاويهم لازم يروح للمكان الي يرحون له
واقنعني بكلامه ورضيت ..
<< تراني اكتب هالكلام وانا احس اني مستحقرته
بعد شهرين وشوي
طلبت من زوجي ايميله عشان اضيفه وارسل له رسايل
اعطاني ايميله واضفته وانتظر اضافته ولاضافني المهم طلبت انه يعطيني الباسورد ايميله عشان اسوي اضافه لي
واعطاني رقم وطلع خطأ وعاده مره ثانيه وثالثه وعيا يفتح يقول غريبه دايم يفتحه ويفتح عادي بصراحه شكيت انه يكذب علي بس بعدين صدقته
طبعاً هو دايم يدخل النت من بيت اهله يعني ماجاب لاب توبه لشقه بالفتره الي يروح يشوف امه يقعد على النت بحكم انه يفتح ايميل الشغل وكذا وطبعاً انا ماشيه علي ..
وانا جايبه جهازي لشقتي وبعض الاحيان يفتح النت من جهازي ...
المهم انه قال مضيع الباسورد ولاعنده ايميل غيره وكل ايميلاته مضيع الارقام حقتها
وسوى ايميل جديد قدامي واضافني بحكم ماعنده الا هذا ............


بالصدفه شفت سجل المحادثات وافتحه الا اشوف ايميل غريب والتوبيك بلقب زوجي جايه رابط من ايميل مادري وشو
واشوف التاريخ الايوم كنت انا مشغوله فيه وهو كان فاتح النت
..قلت له وقلب الموضوع علي مره يقول انه مافتحه ابد من جهازي ومره يقول ايميل شغل ومره يقول انه ناسي الباسورد ولويتذكره كان اعطاني اياه
من يومه وانا اشششششك فيه وبقوه مادري ليه احس انه يخوني
كل الاشياء الي قلت لكم تخليني اشك فيه بس انا ماوضح له اخذ جواله وافتش مادري ليه ودي اشوف اشياء تخيلني اقطع الشك باليقين ماودي اكون مغفله
انا كل ماتذكرت سالفة علاقته مع البنت انقهر زياده اتمنى لو انه ماعترف لي بشيء..
المهم بعده بفتره لقيت بجواله رساله مرسله قديم تاريخها قبل زواجنا مرسلها لرقم امه كاتب نفس الايميل اللي لقيته بسجل المحادثات وكاتب الباسورد حاولت افتحه طلع
خطا ..امه مره كبيره وماله ابد بالنت
ولاني عارفه سالفه هالايميل ليش مايعلمني وليش مرسله لأمّه
واليوم لقيت بجواله بالمسوادات رموز وكانه باسورد لكذا واحد سألته هذي ايش قال يوزر الشغل وسألته عن الثاني والثالث بالاخير ماعطاني وجه رح نام
واكلمه ولايرد علي
الشك مجنني واخاف انه يدمر حياتي
عشآن ماظلمه انسان طيب وحنون ومرح مو مقصر علي بشيء
بنفس الوقت مش حريص على الصلاة بوقته ومع جماعه
ماحس فيه غيره علي مرات افسرها بثقته القويه ومرات اقول يمكن مايحبني بعطيكم مثال واحد من امثله كثيره حنا نتكلم عن الممثلين وجبنا طاري الوسامه
قال فلان المذيع هذاك ينقال عنه وسيم مو مثل مهند قلت انا ماعرفه قال ابحثي عنه بالنت وفعلا بحثت وطلع واحد جميل < حسيت ان الامر عنده عادي ..
مادري او انا الي مكبره الموضوع ..المهم فيه امور كثير عنده عآدي
تجيني مرات حالة نفوور منه خآصه لما اتذكر مواقفه
ومره اثناء نقاش عقيم عن سالفة الشرب لاني فتحته معه مره ثانيه قلته له والله العظيم لو اني داريه اثناء
الخطبه ان اخوياك كذا ماوفقت عليك اببد هو انصدم تخربط بالكلام مايدري وش يقول
برايكم وش التصرف السليم معه ؟؟
كيف ازيل الشششششك من حياتي !!
شلون اخليه محافظ على الصلاة بوقته ومعه جماعه
وش معناتها اذا مايغار علي ؟؟؟


.......................................... إنتهى ،

:25ar:

[merci]

مدري :/
أحسك معيشة نفسك جو إني مظلومة وإن زوجي فيه وفيه وفيه ..,
مدري ماحصلت شيء عليه ضعيف إلا شغلة الإيميل يمكن فيها هه ولو إني أحسها شغلة عادية يعني هو مايبيك تشوفين الإيميل 50% من السعوديين مايقولون لـ حريمهم باسووردات إيميلآتهم وغيره ,
مو عشان عندهم بلى ..,
حلو الواحد يكون عنده شوي خصوصية im3

مسألة الشرب لو إنه يشرب كان ماسولف لك وسكت وتجنب هـ السالفة وهو قالها لك من باب السوالف العادية ..
وصدقيني لو بـ تدققين على سالفة أخوياه فيهم ومدري وشو كان ماحد بـ الحياة أعرس ,
أغلب الشلل عند رجاجيل تلقين فيهم واحد أثنين مو مضبوطين ,

مثلها مثل لما قالك فلان حلو يمكن أنتِ تحسينها شيء قوي وكذا بس لا جينا لـ الصدق ترى الموضوع عادي وأقل من عادي ..,
أنا أسولف مع أخواني هذا حلو .. هذا أحلى منه .. لا فلان مملوح وهم برضوا يقولون لي فلان حلو وغيره ..
هل هـ الشيء يعتبر قلة غيرة ؟؟
يعتبر مجرد سواليف عادية مافيها شيء !


وسعي صدرك ,
حاولي شوي تغيرين من تفكيرك الحمدلله زوجك صريح ويقولك أشياء عنه ,im3
تعوذي من إبليس وأدعي له إن الله يفتح قلبه لـ الصلاة أكثر وحاولي تتفاهمين معاه بـ أسلوب حلو ..
ولا جاء وقت الصلاة لاتجينه وقم صل ومدري وشو ..
حاولي تجينه بـ أسلوب هو يستحي منك فيه ,
مثلاً قولي يالله حياتي روح صل وأنا بروح أصلي وعلى بال ماتصلي أنا بـ تجهز ونطلع ..
أو إذا كانت حزة أكل قولي روح صلي وأول ماترجع تحصل الأكل جاهز ..,

لا تعطينه النصيحة بـ أسلوب أمر لأن الرجال يكره صيغة الأمر حتى لو كان عارف إن اللي يسويه خطأ ..

[Mona's Tochter]

بصراحه كل الأشياء للي قلتيها في زوجك عاديه وموجوده في أغلب اولاد هذا الوقت
انا ادور المشكله مالقيتها
ماأعرف ليش تقولي دمرني ماسوى شي غير انه صريح !
كل الناس تغلط والاعتراف بغلطته هذا شي يحسب له
اغلب الاولاد عندهم بنات فايميلاتهم
+
يشربون
+يكلمون بنات

الحل ان احنا نرد اي احد يتقدم لنا يعني ؟
أو نتزوج ونطلب منه يسكت ولايتكلم لحد ماننصدم بعدين ؟
أو نضحك على نفسنا ان الناس كلهم بيرفكت وماحد غلط فحياته ؟

مجتمعنا ماحد يتكلم عن اخطاءه لكذا الواحد يحس الناس بيرفكت واهو الوحيد الغلطان

في هذا الوقت لاتتوقعي 100% انك ممكن تتزوجي واحد ماكان له علاقات من قبل
خليك واثقه من نفسك اهو اختارك انتي ، هذا دليل ان علاقات اول ماكانت مأثره عليه كثير

حاولي انتي تجذبيه لك صدقيني مابتصير بنت في ماسنجر مأثره عليه اكثر منك
ولو صار مرره ميت عليها بينساها تراهم موعاطفين لدرجة يتعلقون ببنت في ماسن

غيري طريقة تفكيرك تعلمي كيف تتعاملي مع علاقاته القديمه وأخطاءه
لاتصيري دائما ضد كل شي ,

غير كذا لاتشغلي بالك بايميل ,
يعني ايش اكثر شي ممكن يصير فإيميله ؟
بنات يكلمهم
خليه يكلمهم يحد مايطفش ذي علاقات عابره علاقتك فيه انتي اقوى من هذا كله
انتي زوجته يعرف كل شي عنك مو يعرف يايميلك وبس
مع الوقت مابتهمه هالعلاقات كثير وبينشغل فيك

قصت انه يقول لك عن ممثل هذا شي جدا عادي والمفروظ حتى ماتفكرين تفكرين فيه اصلا :25ar:im3
بالعكس زوجك صريح وواثق من نفسه وشخصيته مستقله وحلوه
لاتشغلي نفسك بامور بسيطه ممكن تاثر على حبك له او تخليك تستحقريه زي ماحكيتي
لاتخسري شخص علشان شي بسيط أو تخلي غيرتك سبب انك تنفرين منه
غير كذا توقعي كل شي من كل الناس علشان ماتنصدمي بأحد
كل شخص له أخطاء انتي بس حاولي تغيري طريقة تفكيرك لتقدري تتجاوزي اخطاءه
وتغيرينه

والله يسهل أمورك :25ar:

[خزامى]

لو ظليت على تفكيري أول .. مثلك أنا بتعب ..
مابأعيد كلام انقال ,, اعملي يالي قالوه لك الحبيبتين ميرسي وسويت
واستشيري كمان ناس كبار وقريبين منك وفاهمين للدنيا وعاقلين تستفيدي منهم كثييييييييير < تزفر
" وكل ابن آدم خطاء ، وخير الخطائين التوابون "
ووسعي صدرك ترى ماهنا تدمير الله يهدّي بالك
-

[" ميلآد الهدى "]

عادية يعني هو مايبيك تشوفين الإيميل 50% من السعوديين مايقولون لـ حريمهم باسووردات إيميلآتهم وغيره ,

مو عشان عندهم بلى ..,
حلو الواحد يكون عنده شوي خصوصية im3
مسألة الشرب لو إنه يشرب كان ماسولف لك وسكت وتجنب هـ السالفة وهو قالها لك من باب السوالف العادية ..

وصدقيني لو بـ تدققين على سالفة أخوياه فيهم ومدري وشو كان ماحد بـ الحياة أعرس ,

أغلب الشلل عند رجاجيل تلقين فيهم واحد أثنين مو مضبوطين ,

بصراحه كل الأشياء للي قلتيها في زوجك عاديه وموجوده في أغلب اولاد هذا الوقت

انا ادور المشكله مالقيتها

اغلب الاولاد عندهم بنات فايميلاتهم

+

يشربون
+يكلمون بنات
الحل ان احنا نرد اي احد يتقدم لنا يعني ؟
أو نتزوج ونطلب منه يسكت ولايتكلم لحد ماننصدم بعدين ؟
أو نضحك على نفسنا ان الناس كلهم بيرفكت وماحد غلط فحياته ؟

:25ar:

معليش حبيباتي بس بعلق على هالنقطه المشتركه عندكم
يعني آيش عادي يكون لهم خصوصية ويكلمون بنات ويجلسون مع شلل فاسده ويشربون ووو ..!

خير ؟ الواحد صح له ماضي بس لازم ينظف منه قبل زواجه ببنت الناس

ترى المساحه العظيمة الموهوبة بمجتمعنا للرجل هي سبب تماديه بالأخطاء

بصراحة أخالفكم الرأي لكنه مش موضوعنا im3

ماعلينا .. الحين انتي تزوجتي وخلاص < موجه لصاحبة المشكله

وكلمة لو اعرف عن اصحابك كنت ماوافقت عليك ماعاد تنفع

الحين هو زوجك وقدرك .. أنا ما أنكر انو له تصرفات مبهمة ممكن تثير شكوك

بس إنتي واضح إنك من النوع الحساس .. حاولي ماتظهري هالحساسيه قدامه

أو تظهرين إنو خصوصيته تستفزك ووقفي التفتيش من وراه لانك بتتعبين اعصابك ع الفاضي

ومابتستفيدي شي .. بالعكس انتي تخليه يتمسك ويركز اكثر بالامور هذي

خلي تركيزك الحين في حاجتين ..

الحاجه الاولى تشدين انتباهه بطريقتك الغير مباشره لأهمية الصلاة في أوقاتها

زي ماقالت اختنا ميرسي بدون صيغة امر او انك تشعرينه انو مقصر فيها

وادعي له دائماً لأنو لو التزم فيها إن شاء الله ربي بيهديه ( لو كان عنده خرابيط )

والحاجه الثانيه .. انك تقربي منه وتحتويه وتحسسيه باهميته بحياتك

حبيه وتقبليه بكل عيوبه .. زي ما الام تحب طفلها بكل مافيه من عيوب

ولاتقولي انك تحتقريه لأنو زوجك


إنتي تزوجتيه وخلاص ومايصير تبدأ حياتكم بهالمشاعر السلبيه لانها راح تكبر وتتطور

وإن شاء الله مع الوقت راح يتعلق فيكِ أكثر وتلاقيه أكثر صراحه ووضوح وقرب منك

وينسى ماضيه على يدك !!

صدقيني ما قدامك إلا هالحل .. لانو أولاً وأخيراً فيه راحتك النفسيه وهذا اهم شي

ربي يهديه لك ويسعدكم :25ar:

إحساس لروحكِ الحب :24ar: والورد :25ar: