اكتشفت 
مصييييييييييييييييبه
غرفتي العزيزه
تعرضت للاحتلااااااال
وانا نايمه في العسل نوم
ظاطور ...وزغه ...بريص .. تعددت الأسماء والعله واحده
آآآه يالقهر
وزغه اش كبرها
متمدده بالجدار<< وووووووووع
احتلت غرفتي
وانا جالسه اتفرج وما قدرت احميها
جا الباص ورحت الدوام مضطره و انا مهمومه وفكري مشوش
وجالسه افكر
اشلون احرر غرفتي 
وايش أحسن طريقه لإنهاء الإحتلال؟؟
فطرحت الموضوع على صديقاتي وزميلاتي العزيزات في الدواام
وجابت كل وحده منهم حل
الحل الأول
وحده منهم اقترحت علي اجهز قوة عسكريه بالأسلحه الفتاكه
وصواريخ ارض جو
وقالت لي خذي جزمه أكبر مقاس << تكرمون
وصوبيها على العدو
وبسم الله ..والله أكبر
وأحذفيها بكل ما أوتيتي من قوه
بتقضين عليها بالتصويبه القاضيه
قلت ما ينفع 
أول شي ما أحب أشوف اشلاء ودماء بغرفتي
وبعدين ما عندنا جزمه مقاس كبير <<أخوي موب ساكن معنا
ينفع استعين بجزم الجيران ..؟!<< حجم عائلي خخخخ
الحل الثاني
هذا حل لوحده رقيقه مثلي << ايه هين
قالت لي
افتحي الشباك وخذي عصا
ودفيها بالعصا بشويش
الين توصلينها الشباك
بتطلع بكل هدووء<< ياراااايق
يازينها ساكته بس
الحل الثالث
جابته وحده ما عندها تفاهم 
قالت لي : خوذي عصا وطقيها حييل مره وحده
ماراح تشوفينها الا الراس بصوب والذيل بصوب ثاني<< وووووووووووووووواااااااععععععع
تكفيييييين
الله يرحم والدينك لا عاد تجيبين حلول
الحل الرابع
عاد هذا أكوس حل انقال لي في المؤتمر الطارىء
اني أجيب بف باااف << يقضي عالحشرات الطائره والزحفه..والغثيثه ..والكريهه
وأبخ بخ عليها العلبه لين تدوووخ
وبعدين اشفطها بالمكنسه الكهربائيه واتخلص منها برا
عاد هو حل منطقي
بس المشكله موب هي الي بتدووخ
انا الي برووح فيها
مااااش ما جازت لي حلولهن لهن الخير
رجعت البيت وانا أقدم رجل وأأخر رجل
وفتحت غرفتي وانا في قمت الرعب
بس تصدقون
ما لقيتها ...!!
سويت حملت تفتيش
ودورت مني مناك
ماش ملح وذاب
مالها حسسسسسسسسس
بصراحه وسوست ونمت الظهر في المجلس << الا وقت القيلوله ما اتنازل عنه لا في سلم ولا في حرب
يوم صحيت جلست ادور مره ثانيه يمكن تكون متوزيه في مكان ولا في زاويه وتستعد للهجوم المباغت
وانا أدور جا أخوي يزورنا
قلت بس
محد غيرك يالبطل بيطرد المحتل
قال
انا رايي ان أفضل الحلول هو الحل السلمي
دوري عليها واذا لقيتيها
امضي معها معاهدت صلح أو اتفاقية سلام 
<< ياااسلالام
قلت ما عندي الا القوة 
ولا سلام مع العدو المحتل
قال
طيب سلام عليكم اشوفكم على خير
وتركني في ساحة المعركه لوحدي 
وينكم ياعرب ؟؟<< متأثره بقناة القدس خخخخ
مو مشكله ببقى صامده ومرابطه في غرفتي
حتى أطرد المحتل واحرر غرفتي الحبيبه << حصليها بالأول وبعدين سوي خطبه
الا وين تظنونها راحت ..؟!!
ابوي يقول يمكن انسحبت
بس وين... المحتل عمره ما ينسحب بسلام
وفلسطين والعراق خير شاهد
وياوييييلي ويلالالاه
تفاعلكم وحلولكم
الله لا يوقعكم في زنقه
( معالجة درامياً)
للمعلوميه ترى انا صاحبة القصة ونزلت الموضوع في جميع المنتديات الي مشاركه فيها يمكن القى حل ...
أبغى..أريد ..عاوزه حل ..تكفوون
.jpg)
اقصد اطرديها ..
مواقع النشر (المفضلة)