|نقآش| مـَعِـيّـة المنتديآت

[لو وفيت !]

مسائكم / صبآحكم زين .. وانا بعد im3

بعيدا عن سوالف سواقة المرأه والمشاكل اللي صايره عندنا وبرا
ودي اطرح موضوع اشوف نظرة الجميع حوله وفكرة كل واحد تجاهه


دخلت غرفة اختك بيوم وكان اللاب او الكمبيوتر مفتوح على صفحة منتدى الزين ..
وتفاجات ان اسمها من الاعضاء المعروفين واصحاب المشاركات الكثيره ..يعني مبطي مشاركه
وانت كل يوم مشارك ومتفاعل ولاتدري عنها او حتى انها مسجله اصلا ..

اش موقفك بالبدايه ؟
وكيف راح تكون ردة فعلك ؟
وهل أنت تعارض او توافق كون اختك او زوجتك معك في المنتدى ؟مع ذكر الاسباب ..


وأنتي كبنت هل تعتقدين انه يجب تخبرين اخوك او امك او ولي امرك عموما ببعض الامور في الشبكه العنكبوتيه ؟
اوهل ترين انه لايجب ان تكون هناك متابعه من قبل اي احد على نشاطك في هذا البحر ؟
وهل من الممكن ان تكون زلة الرجل مثل زلة المرأه هنا ؟





أتمنى الاجبه بكل شفآفيه وان نكون بعيدين عن المجاملات او المثاليه الغير مطبقه .

تحيتي للجميع :24ar:

[خزامى]

مساء النور والسرور لو وفيت !
-
أنتي كبنت هل تعتقدين انه يجب تخبرين اخوك او امك او ولي امرك عموما ببعض الامور في الشبكه العنكبوتيه ؟
تقريباً نحنا مع بعض ع المكشوف .. يعني تحركاتي على مرأى للجميع وأولهم الميمه .. وأبويا معايا بالنصح والتذكير والدعاء .. وما أخيبهم بإذن الله .. وأنا كمان مُراقبه لنفسي بعد مراقبة الله
وبقوووووووه أؤيد إنو تكون البنت مع أهلها واضحه في كل شي .. والأسباب كثيره ومحد يجهلها ..
اوهل ترين انه لايجب ان تكون هناك متابعه من قبل اي احد على نشاطك في هذا البحر ؟
لا طبعاً ، يعني يكون فيه متابعه مهذبه ويظهرون لبنتهم أو أختهم ثقتهم فيها وتكون متابعتهم لها من باب استطلاع ومشاركتها جلسة النت .. مو بالعفاشه والأسلوب الفض والغليظ .. حتى إذا لا حظوا عليها خطأ .. يوضحوا لها بأسلوب مهذب أسلوب تربوي .
وهل من الممكن ان تكون زلة الرجل مثل زلة المرأه هنا ؟
على حسب النظره :
إن كانت نظرة مجتمع أكيد تفرق زلة المرأه عن زلة الرجل : ع الرجل بيحسبوها غلطه وعدت وفتره وعدت .. بس زلة المرأه فضيحه إذا ما كانت عار أياً كان حجم الخطأ اللي ارتكبته .
بس نظرة الدين والنظره اللي نأمل تكون نظرة المجتمع : الغلط غلط سواءً من مرأه أو رجل .. يُعاقَبون نفس العقاب أو يتوبوا عليهم .. يُؤثمون نفس الإثم إن ارتكبوا نفس الخطأ أو يغفر الله لهم .. يعني الدين نهج منهج المُساواه في هذا الأمر .
-

[!¦[ssسعــــــودss]¦!]

آهلن أهلن

بختصرها لك

انا بمشي معك بقول وحده من خواتي كمآ قلت ..! im3

تبيني اقولك بذبحها بقوم الدنيآ وبقعدهاا لآآ في شي اسمه دبلومسيه

لكن في الحقيقه ماعندهم الا لوب توب واحد

شريته لهم العام يوم وصلو الثانوي وحده الجامعه

ولا ان قلت لهم طق كل وحده جهاز عيو قالو يكفي يالله نتعلم علآه نعرف له

واحد نبيه الملخصات الاستبنات وغيره انت معنا تعلمنا

لآنه مطلوب توفره لهم في هالسنه من الدرااسه يفتحونه وقت الحاجه في الامور الدراسيه

والاشياء المفيده وباقي الايام بشنطته ومغبر بعد - images11

لآن تفكيرهم منصب بدراسه وبس

هالنت هالاشياء ذي ماخذين فكره سيئه عنها

ان شاء الله اني افدتك موضوع جميل im3:25ar:

[merci]

أهلاً .., :)

وأنتي كبنت هل تعتقدين انه يجب تخبرين اخوك او امك او ولي امرك عموما ببعض الامور في الشبكه العنكبوتيه ؟

بـ النسبة لي لا ..,
مو عشان شيء بس أخواني يدخلون نت ويعرفون كل الأشياء اللي تصير بـ النت إلخ ..,
أبوي مو راعي نت وغالباً مايستوعب كمية التواصل اللي تصير ,
يعني مسألة إني جلست أسولف مع ولد وفلان قال وفلان حط ..,
لإنه ماجرب هـ الشيء ولا عرفه ليش أعرض نفسي لـ موقف إني أبرر وأشرح له !


اوهل ترين انه لايجب ان تكون هناك متابعه من قبل اي احد على نشاطك في هذا البحر ؟

ضد ضد ضد ..,
أؤمن إن أفضل رقيب لـ الإنسان الرقيب الذاتي ,
أزرع بـ الشخص الثقة خله يحس إنه هو رقيب نفسه علمه الصح والخطأ وأشرح له الوضع وهذا هو أفضل رقيب لـ الشخص ,
مريت بـ تجربة وأنا في أولى متوسط زمان كان أخوي الكبير قايل لـ خواتي دامها صغيرة ماتدخل شات لأنهم لو يقولون لي وش أسمك سدحت أسم العائلة كامل وخطر لا أقولهم وين ساكنين
غير مسألة الألفاظ اللي ماتناسب العمر اللي أنا كنت فيه ,
كنت مقهورة ليش خواتي وأخواني يدخلون وأنا لا
صرت أدخل بدون ماحد يدري لأن ماحد يجلس عندي وأنا عند الجهاز im22
دخل أخوي الكبير وشاف الوضع صدقني إني لحظتها كنت أتمنى يلعن أبو جد جدي بس يتكلم ويهاوش ولا يناظرني بـ نظرة خيبة الأمل
كلمني وقالي خطر الشات واللي فيه وقال أنتِ رقيبة نفسك وأنتِ تعرفين الصح والخطأ ماراح أحرمك من النت ولا أقولك لا تدخلينه ,
وإلى يومك هذا يمكن عدد مرات دخولي الشات ماتجي ولا عشرين مرة من ذاك اليوم لأني صرت أؤمن بـ إني رقيبة نفسي الشيء هذا خطأ ليش أسويه مع إنه لو أدخل الحين ماحد بـ يقولي شيء لأني كبيرة !


وهل من الممكن ان تكون زلة الرجل مثل زلة المرأه هنا ؟

في مجتمعنا لا ..,
للـ الأسف أنا أسوي الفعل أنا مساوية بـ الفعل لـ الرجل ..,
أحد غيري يسوي الفعل خارج عن الدين والملة والأعراف !




لو وفيت ,
موضوع حلو :25ar:

[...انا...]

مسائك :25ar:

موضوع جميييل


وأنتي كبنت هل تعتقدين انه يجب تخبرين اخوك او امك او ولي امرك عموما ببعض الامور في الشبكه العنكبوتيه ؟

ما اخفي عليك بدايتي بعالم النت كنت انا واخوي بجهاز واحد و مستخدم واحد
يشوف المفضله حقتي والمنتديات اللي احفظهم ,
يدري اني بالزين و ب اي منتدى ادخله كثير ويعرف معرفاتي كلهم , ولو كان يتصفح باسمي ف ما ادري ..
اما الحين مستقله بجهازي لحالي لكن ما زال يعرف وش المنتديات اللي ادخله
اما ولي الامر وش اقعد اقوله تراي انا بمنتدى الفلاني واسمي كذا
بس يدري اني ادخل منتديات بس الحمد لله عارفه نفسي وان شاء الله ربي يبعدنا عنا كل سوء im3
والواحد لا يسوي شي غلط .. ولا يخاف من شي

اوهل ترين انه لايجب ان تكون هناك متابعه من قبل اي احد على نشاطك في هذا البحر ؟

ليه ؟
عمري 10 سنوات !
اصلا اللي يبي الشر بيلقاه سواء بالمنتديات او حايا مع موضه الايفون والبلاك بيري
او اللي يبي اي شي بيلقاه ابد ابليس موب مخلي الافكار على الناس


وهل من الممكن ان تكون زلة الرجل مثل زلة المرأه هنا ؟

من وجهة نظري و بمجتمعنا السعودي ,
زلة المرأه تختلف 180درجه عن الرجل
سواء بالنت او غيرة ..

والاشياء المفيده وباقي الايام بشنطته ومغبر بعد - images11


لآن تفكيرهم منصب بدراسه وبس

معلييش تعقيب على الاخ سعود
قبلهم انا كنت اسوي بحوث , وكل شي يخص الكلية
طيب تخرجت وصرت عاطله وش اقعد اسوي ؟
مالي غير النت




و بس ^_^