صحيح أنا تفارقنـا وكلِِ راح في حـالـه
ولكن كان للتقـدير مـوقف ما تنـاسيـته
أنـا قدّرت وضعـه والفـراق أشتـد زلـزالـه
ووصــانـي عـلى الصمـت وعـلى التفكـير وصـّيته
وسامحـته عـلى اللي قـال واللي مـا بعـد قاله
وعلـى راحـت ضمـيره والقـرار الصعـب خليـــته
وبديت أرقـب نتـايـج خلوتـه بدموع همـّالـه
وتحـّريته علـى نـار ويــــــاليـتي مـا تحـّريتـه
صـدمني بالفراق وسـرعتـه في ردّت أفعــالـه
وثبّـت بـي خيـالِ مــا سعـى الواقـع بتثـبيتـه
بعـد مـا كـان أقـرب لي من الرجــال لظـلااله
بـعد مـا كـان يضـحك لـو قسي قلـبي وبكــيتـه
بـعد مـا كـان قــاهـر كـل عـّذاالي وعـّذاالـه
بـعد مـا كـان يتفـرّش سحــابي كـل مـا جيتــه
بعـد ما كــان يعشـق من رجـاحة عقلـي هبــالـه
بـعد ما كــان سـيّد قـلعة الشعـر وعفـاريـته
بعد ,, وش عـاد بـاقـي ؟ يا بعـد يـا كـود مـوّالـه
ليـا جـرّه وأنـا غافـل وقرب لي وضمّـيتـه
أنا وشلون أصـدّق بالفراق وبارق خيالـه
وأنا قبل أمس لا, لا , أمـس لا, لا, اليوم في بيتــه؟
وش اللي صـار يا ربـي ؟؟ وش اللي غيـّر أحـواله
وش اللي يجبره يصـدّ صـوتـي يـوم ناديتـه ؟
قسي ؟ وألاا نسى ؟ وألا عسـى؟ ما كـان في باله
فراقي ,, وأعتبر ما صار ممسك صعـب تفـويتـه
عجــب يا قلــب كيـف حظـوظـنا بالوقـت ميـّالـه
وأنـا ما فيه شيِِ ما يسّوى , ألا وسـويته !!؟
غـدى راسـي هـدف نقـص الزمـان وخمّة رجـالـه
وأنــأ راسـي عـزيز وعـن سقـاط الحكــي عـزّيتـه
وعـزيت الحبيب اللـي ضـوى قلبـي علـى جـالـه
وشلــت القلب .. في كفيــن مرضــاته وحطيتـــه
وانـا ماني .. ولد عمــّه .. ولا حتى ولد خاله
ولكــن دون إبن عمــى .. وإبن خالي تعزويتــه
ولكن راح .. وأبقاني على صدر الحـزن عــاله
ولزّمنى خطــاي .. اللى عليّه نــذر .. ما اخطيتـه
فـ إذاهـو شـايفِ حبـّه إضاافـة ذنب لأعماله
أنـا أطـهر ما عمــلته فـي حيـاتي يــوم حبيتـه
وعزاي إني علـى حـق .. وعـزاي أنـه علـى فـالـه
وعـزاي إنـي , على صـدق الغلا والشـوق خاويتـه
ولو حناا تفارقنا كلِ راح فــي حالـه
أبستنّــاه ,, لين المـــوت تــاقف بــي مـواقيتــه
مطلق النومسي العنزي :24ar:
مواقع النشر (المفضلة)