ذولي الأعضاء اللي رقمتهم ,, انتم من رقمتوا ؟
السلام عليكم ورحمة الله وبركاته
كيفكم ؟
هذولي بعض الاعضاء اللي رقمتهم بقولكم الأحداث اللي صارت من باب الفضاوة
طبعاً مع اختلاطنا مع الأعضاء وناخذ ونعطي وحركات نص كم لازم تطور العلاقة مسن وغيرها لكن توصل للجوال معناها تخطينا كل الحواجز وصرنا أقرب لبعض وعشان توصل الفكرة مضبوط راح أقولكم الأعضاء اللي رقمتهم او رقموني وكلمتهم ,,
][ خالي زورو ][
باريس : خالي عطني رقمك
زورو : ليش ؟
باريس : اما ليش وش عندها نانسي عجرم !
زورو : لا يا لوح أقصد وش الموضوع يمكن ما يحتاج جوال !
باريس : ابو شكلك يا الراجحي عطني رقمك ولا يكثر
زورو : 0124***** < طعباً ما معه جوال ومعطيني رقم بيتهم ههههه امزح images11
أنا قعدت يومين ما اتصلت وفجأة بقدرت قادر اتصلت
باريس : الو
زورو : ساكت للحين
باريس : زورو سلامات رد !
زورو : طوط طوط طوط
انا انهبلت صراحة قلت شكلي غلطت بالرقم
شوي تجيني رسالة منه : انت من ؟
باريس : ههههههههههه والله شكلك متسلف فلوس ومنحاش مع هالحركات وخر بس
ومن بعدها ما اتصلت وهذا إن دل دل على إن العلاقة بيننا في المنتدى ابرك مليون مرة من اني اتصل على واحدن مديون
][ عبودي ][
باريس : عبودي عطني رقمك
عبودي : امبيه :*
باريس : هههههههه لا جد عطني رقمك
عبودي : طيب أو قولي تحبني ولا لا ؟
إلخ إلخ إلخ < بعض المشاهد محذوفة من قبل الإدارة images11
عبودي : 0555555****
باريس : شكلك أمير من جد مع ذا الرقم !
عبودي : لا تصير خبل باريس انت اللي كاتب الخمسات ولا لو الموضوع انا اللي كاتبه كان حطيت رقمي صدق :5ar:
باريس : لا بس اذكرك وش سوا الهلال مع الإتحاد
وقعدنا نكلم بعض لين سويت حركة مالها داعي
اتصلت عليه وقلت له : عبودي أنا في مكة أنت وينك ؟
عبودي : أنا ومجودي بين مكة وجدة ورى المحطة مدري وش نسوي ,,
باريس : طيب بس نبدل الإحرامات انا وخويي ونجيكم
عبودي : لا لا تجي بنجيكم الحين الوعد بعد نص ساعة
باريس : أوكي ..,
عبودي بعد نص ساعة : وينك فيه باريس ؟
باريس : فالدوادمي وين بعد
عبودي : الوعد بعد ما اطلع من الدورة" الدورة يقصد بها الدورة العسكرية "
ومن بعدها صار كل واحد يتصل يقول انا في المكان الفلاني ومحد يصدق الثاني
التكملة لباقي الأعضاء إذا شفت تفاعل وكتبتوا قصصكم ولا ترون ما راح اكتب شيء < تكفى من زين الموضوع بس
بس حلوة بكمل إذا شفت تفاعل .. دايم اشوفهم يكتبونها ابي اشوف شيحسون فيه
مواقع النشر (المفضلة)