حالة الشباب قبل العيد
خلونا نستـعرض اهم الاحـداث اللي تصـير للـشباب قبل العيـد و بعـده ..
1- عند الخـياط ..
لازم كل تمسـاح يستـلم ثوبـه الجـديد بليلة الــعـيد .. لان كل التمـاسيح يتذكرون انهم مافصلـوا مـلابس الا بـآخر لحظة.
.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا غبي وراك عفطته .. والثاني ينشق حلقه وتطلع بلاعيمه ويناشق لان الايهم اخذ ثوبه بالغلط
.
عمور ماسك انسان من رقبته عشان يتأكد ان اسم انسان مكتوب على الورقة المعلقة برقبة الثوب
و خلودي منسدح من القهر على بطنه لان ثوب ولد عمه مصقوع طلع اطول من ثوبه
واللي يشق راس الخياط بالمقص عشان سعر الفاتورة .
واللي يصك الخياط ببقس على دميحته لانه طالب قماش غير والخياط مفصل له ثوب من خامة تريكو
.
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب خخخ
2- في الحلاق..
تشوف الشباب صافين بالدور .. ((يذكروني بطابور مقصف الابتدائي ))..
(((((((((((بس من صج حالتهم تقطع القلب ..)))))))))))))
واحد يجره ابوه من كشته .. تقـول نعيمية ... ..واللي يبكي لان اخوه متعود يحلقه على الصفر ..ويقول له تكفى خللي خصلتين <<<< و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة
حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..
و بعد حيي والله اللي جاي يصبغ هالشعرتين اللي براسه
..
...واللي يبسط بالحلاق للفجر .. وهات يا صنفرة و سمكرة . ..
واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..
واللي ينجلط الا اكتشف ان السكسوكة اختربت ... واللي يلعن الحلاق لانه قص له مارينز بالغلط ..
واللي جاي يزرع
وما خفي اعظم ..
3-صباح العيد..
ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش خخخخخ
وعبدالمجيد يتهاوش مع منيرة اخته .. ويبي يتروش قبلها ...
وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..
و قايد يسطر منقاش ... لان منقاش لبس طاقيته المشخله بالغلط ..
واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري
واللي تحرق الشغالة شماغه
وبعدين يرتفع صوت الصراخ .. لان الاستشوار حق مزنه احترق ... ولازالت كشة مهند واقفه و تسبح لرباً خلقها .
واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..
واللي منزل الشماغ على جيب الثوب اللي على الصدر..لانه شارب حليب نياق من الصبح .وشغالتهم هاوشته ومارضت تكوي له ثوب غيره <<والله حــركـتـآآت شغالتهم تهآآوش..!وغيره محتار ومايعرف يختار نسفة لشماغه ..
4-برى البيت::
و شيخ قاعد يحش بخلق الله مع خويه انسان .. ويقول له ::رحمت عقال بدر اللي حاشي فيه شمآغـة..اللي يشوفه
يقول شاريه من بسطه في الاحساء
وانسان يرد عليه و يقول له ترى مصقوع يهون عن الايهم اللي كاشخ بثوب ابيض ثلجي .. لاحظ سرواله الاصفر لا مد رجوله
واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيديه
5-
بعد ماتصير الساعة 8::
تلاقي نص الشباب ..هات يا تفحيط و تقحيص
والنص الثاني طالع للبر وعدة الصيد والشوي معه
وووووووووووووووووووووووبس..ـآســتـنـى ردودكــــم ـآلـحـــلـوووووهـ
لآآأحـــد يـــزع ــــــل تـــرآآآهـــآآ مــــجــــرد مــــزحــــهـ
مواقع النشر (المفضلة)