الحريم اذا رجعواا من الزواج
حريم راجعين من عرس ومعهم اخوهم يسولفون:
اخوهم : اركبوا السياره وكل وحده تنتبه لا تصك باب السياره على عبايتها
وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0
الأولى : وش بك تاخرتي؟؟
الثانيه : ساعه قاعده ادور على عباتي 00انتي ما شفتي الحريم يتضاربون عند العبايات 00العبايات تلخبطت
الثالثه : يا ليتنا ما رحنا لزواجهم ويييييع..
اخوهم : ليش؟
الثالثه : زحمه والبزران يتضاربون بقشر البرتقال ويلعبون بالماء
الأولى : ما شفتي هذيك اللي كبت القهوه على الحرمه اللي كانت نايمه؟
الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها ..
الثانيه : وش رايكن بالفستان اللي لابسته هدى؟
الأولى : مو حلو 00محنقط عليها والسحاب باين ... ههههههههههههههههههههه
الأولى: انا اعجبني مكياج أمل 00تقول ان زوجة خالها جابته لها هدية من باريس
الثالثه : هههههه من باريس 00تضحك عليك يا هبلا 00تلقينه من محلات ابو عشره
.............
وقفه
***************
الغريب والعجيب انهم واثناء حديثهم في السياره يقولون لبعضهم 00خلاص يا بنات
بس 000ترى ما يجوز نتكلم على الناس0
..........................................
تكمله
..........
الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها 00هههههههه موصينه عليك 00شكلها بتخطبك لولدها
الثانيه : وجع يوجعه هي وولدها00قاعده تقطع لي من اللحم الكبار اللي ما ينوكل
وهي طايحه في اللحم الزين0
...........
العشاء
اخوهم: ايش رايكم في العشاء ؟؟؟؟
الثالثه : دسم وكله شحم
الأولى : بارد
الثانيه :اللحم كبار
الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم
الأولى : حتى ام العروسه 00ما تعشت مسكينه 00طول الوقت قاعده تصيح
الثالثه : هههههههههه تصيح من الفرحه يا هبلا 00ما شفتي صدرها منتفخ من الفلوس
بس 00خلاص 00ما يجوز 00
صح والله 000ما يجوز 000بس شفتي 000وشفتي 00وشفتي
.........................................
واخيرا وصلنا المنزل
اخوهم: 00شوفو لي حبتين باندول اكسترا........
مع تحياتي
رد: الحريم اذا رجعواا من الزواج
مواقع النشر (المفضلة)