تشيز فنجرز+كلوب ساندوتش+حلى التويكس+الشعرية الباكستانية
السلام عليكم ورحمة الله وبركاته ..
شهر مبارك عالجميع يارب:25ar:
امس جاني اخوي الساعه 4 العصر يقول لي بطلع مع ربعي الاستراحة بنفطر هناك .. ابيك تسوين لي شي اخذه معي ..
قلت له اقرب مخرج .. اقلي لك سمبوسه
قال طيب وابي شي ثاني بعد انتي كنتي تسوينه زماااااااااان .. شعرية كور
قلت ابشر بس بشرط(طالما الكورة بملعبي لازم استغل االوضع:8ar:)
جيب رجال يصلح الرسيفر من امس خربان
قال ابشري وانا راجع اجيبه .. قلت لاااااااااااااااياحبيبي على مين .. قبل لا ادخل المطبخ تجيب الرجال .. ولك مني اسوي لك 4 انواع يحبها قلبك (اغراءات)
وتم الاتفاق .. وراح جاب الرجال .. همن كتبت له على ورقة الاغراض وجابها لي الساعه 5 وربع .. والاذان الساعه 7 يعني كان في تحدي مع الوقت
المهم بديت بـ
1/ حلى التويكس
المقادير:
3 باكيتات بسكويت شاي
في الخلاط:
علبة قشطة
3 ملاعق حليب بودرة
ملعقة ونص نسكافه
1 فنجان سكر
12 اصباع تويكس :24ar:
الطريقة:
اول شي نغمس البسكويت بحليب ونسكافه ونصف بالصينية طبقتين ( ويمكن استبدالها بـ كيك العائلة:24ar:)
وبعدين نصب فوقه الخليط اللي خلطناه بالخلاط ..
ونحطه بالثلاجة ..
سهل وجداً لذيذ .. وعليكم بالعافية:25ar:
2/ الشعرية الباكستانية
المقادير:
كيس شعرية باكستانية
حليب نستله
الطريقة:
نكسر الشعرية ونحط عليها حليب النستله .. ونشكلها على شكل كور ..
وبس .. مررررة صعبةim22
عاد اخوي هو اللي كورها .. ويقول لي اااه يالنصابة اجل مرررة صعبة :8ar:
3/ أصابع الجبنة (تشيز فنجرز)
المقادير :
جبنة موزريلا القطع (اللي تجي قطعه كبيرة وحنا نقطعها أو اللي نشتريها بالكيلو )
يعني ماينفع ابد المبشورة حق البيتزا .
بقسماط
دقيق
بيض وحليب مخفوق
الطريقة :
نقطع الجبنة على شكل أصابع بعدين نغمسها بالدقيق بعدين بالبيض بعدين بالبقسماط بعدين نقليها بالزيت ..
طبعاً هنا اخوي الفالح راح جاب لي المبشورة .. ع اساس مالقى القطع ..
عاد حاولت اني افغصها الين تطلع اصابع
عاد ماطلع منها مضبوط الا كم حبة
والا الباقي ساااااح جوا الزيت
عاد شكلها لك عليه شوي .. بس طعمها يجنن:24ar:
يعني لاتصيرون فالحين مثل اخوي وتجيبوون المبشورة
وللمعلومية :
في ناس يسوونها بالجبنة الرومي اللي هي حقة الفار
وبرضوا في ناس يجيبون صدور الدجاج المسلوقة ويخلطونها بالخلاط ويسوون منها زي الكبة ويدخلون جوتها اصبع الجبنة .. همن يكملون باقي الطريقة .. اللي هي الدقيق والبيض والبقسماط ..
كذا صارت 3 اشياء .. والشي الرابع .. سويت له بف باستري بالجبنة .. طبعاً مايبيله شرح im3
4/كلوب ساندوتش
ترا الطريقة من راسي
اليوم عالفطور سويته :)
المقادير:
توست
علبة تونة
شرايح جبنة
شرايح خيار
شرايح بندورة (طماطم)
خس (ناخذ بس الورقة الخضراء من غير العرق).
مايونيز
اعواد اسنان
زيتون .
الطريقة:
ناخذ شريحة التوست الأولى وندهنها مايونيز ونحط فوقها الخس وشريحة جبنة وشريحة بندورة
بعدين نجيب شريحة التوست الثانية وندهنها مايونيز من الجهتين ونحطها فوق البندورة ونحط فوق التوست التونة ونحط فوقها خس
تحسون اني سلحفاة مع هالخسim22
بعدين نجيب شريحة التوست الثالثة وندهنا مايونيز ونحطها فووق الطبقات ..
همن ندخلها الفرن نحمرها من الجهتين ..
بعدين نحط 4 شرايح خيار وفوقهم زيتونة ونمسكهم بـ عود اسنان عشان اذا جينا نقطعهم لايتفككون منا ..
ونبدأ نقطع على شكل ×
وعليكم بالعافية:25ar:
مخرج من غير مدخل /
تخيلوا بعد ماوصلت للكلوب ساندوتش طار ردي
ياربي عصبت
بعدين تعوذت من ابليس وشربت لي سنكويك:24ar: ورجعت كتبت
لكم:25ar:
رد مع اقتباس
رد: تشيز فنجرز+كلوب ساندوتش+حلى التويكس+الشعرية الباكستانية
مواقع النشر (المفضلة)