السلام عليكم

بقولكم سالفه صارت الساعه 12ليلا

انا انسانه لانامو اهلي انزل المجلس واسنتر عالاب واشوف التلفزيون
وامسس كااان يوم فضيييييييييع لي
نظفت المطبخ الساعه 12 خلصت شغلت الغساله عالصحون
طفيت النور تاكدت كل شي بمكانه وطلعت
رحت لمجلسي العزيز واندمجت بمواضيع وبتويتر والى اخره
واسمع صوت قرقعه بالمطبخ >>
حسسبت اخوي اللي بالمتوسط نازل يسوي له شي ياكله وطنشت
وياذا القرقعه اللي عيت توقف واقوم واروح للمطبخ كل شي بمكانه ومثل ماتركته
وانا اللي اسوي ذكيه ووفهيمه واقول اكيد حدا اخواني يبي يستهبل على راسي وارجع للاب توب واطنش هالاصوات
وبتلت عاد وطفشت انا بديت اوسسوس
الا انا طالعه الدرج ماما نازله وتقولي وينتس قلت كنت بالمجلس قالت امشي فوق قلت وش فيكم قالت سمعنا طق قوي ونحسب احد داخلن عليتس المجلس >>والله ياني ضحكت ضحك
المهم واروح لغرفه اخوييي ياخي احساسي يقول انه هو والله يااطب عليه بالغرفه واضربه بقوه مع يده واقول تسوي نايم انت ووجهك تبي تخوفن تراي ماخفت ولادريت عنك قام وجلس يناظر قال وشو وش تبين انتي انقلعي وصكي البباب لاقوم العنتس

عجزت لاصدق وقلت ترا هالحركات ماتمشي ويصرخ علي انقللللللللعي
واروح بكرامتي للغرفه وانسدح واتغطى بنام ماش احس به احد وراي وامسك ثوري العزيز واجدعه بالارض واحاول منا ومنا عجزت انام
واقوم للصاله واخذ عفشي معي بطانيتي ومخدتي والجوال واجيب الدفايه واعلي على صوت التلفزيون
الا ماما تطلع لي تقول وش هالطقطقه >>>
قلت محد طق روحي نامي وتجلس تناظرن شوي وتروح
قلت لاااااا والله اني ماوسوس به شي بالبيت موب طبيعي
والله الى الفجر وانا اوسسوس حتى لابتوبي تركته بالمجلس مفتوح وخايفه انزل اقفله

عاد الصبح نمت وصحاني اخوي الصغير وجلست معاه الوضع عادي
اللظهر لما جت ماما تقولي الاوش سالفتس امس يوم اني نازله انتي جايه مسرعه فوق قلت ابد اسمع طقطقه بالمطبخ واحد يحبرش به واحسبه نايف يبي يهبل بي وبروح اصطره قالت بسسم الله
اسسمعي كل صبح شغلي اذاعه القران لانه موب اول مره تصير

تقول لما كان ولد عمي عندنا تقول كنا نايمين ونسمع احد يسحب كررسي تقول وانزل واسال عبدالله وش جالس تسحب انت >>>عشان مايجي احد يقول شلون ماتتغطا عنه هي خالته من الرضاع <<

قال ماسحبت شي اانا جالس اسمع صوت واقول وش يسحبون فوق

من بعد هاللي صار تاكدت 100% اني ماكنت اوسوس


احد صار له كذا والا يتهأ لنا