باقي من الزمن 5 أيّام ....

[غـالـي الأثمـان]

السلام عليكم ورحمة الله وبركاته

أنا فتاة 19 ‏؛‏ أدرس بالجامعة
يقولون عني هادئة وخجولة‏.‏ ولي صديقات

» مشكلتي اني ما اعرف احكي لابوي وامي وصديقات عن اللي جواي
كل اللي احس فيه ما اقدر احكيه لحد .

• ومن شهرين تقريبا قلت خليني ادخل مواقع الشات
اتعرف على حد اقدر احكي له كل شي .

سويت ايميل جديد باسم غير اسمي ودخلت صرت ارسل للتعارف
ما تجاوب معاي الا شاب عمره 21 يدرس صيدله ومثقف
وصرت انا وهو نسولف سوا لين قالي انتي صديقتي
احكي كل شي بقلبك وفعلا حكيت له كل شي وحسيت معه بالسعاده والارتياح
صرت ارجع من الجامعه ركض لغرفتي عشان احكي معه بالساعات
تقريبا طول اليوم بغرفتي اسولف معه لين يغبلني النوم .

وبعد فتره ....

قالي : انا تعلقت فيك وحبيتك اوي ...
قلت : وانا كمان تعلقت فيك ولكني مدري حبيتك او لا
قالي : انا حبيتك من قلبي وصرتي تهميني
وتأكدي اني ما بطلب منك تسوين اي شي غلط انا اخاف عليك اكثر مني

وبدأ تعلقي فيه يزيد وماعدت اروح الجامعه عشان ما ابعد عنه ولو لساعات بسيطه .. حسيت اني حبيته ؛

وقلت له : انا احبك اوي

وبعد فتره ....

طلب يشوف صورتي .... وانا رفضت .
طلب رقمي عشان بس وده يسمع صوتي .... انا رفضت
طلب يقابلني ... وانا رفضت

كل ما ارفض تزيد طلباته ويلح علي
وقال : انتي تلعبين بقلبي انتي تعرفيني للتسليه وبس
وبدا يبعد عني وانا تعبت من بعده :(

كنت مرتاحه معه ومبسوطه ولما يبعد اتعب واختنق و اخاف اموت
خايفه يقنعني واوافق على طلباته .. وخايفه من فراقه انا حسيت معه بالحياه

قال : بخليك اسبوع تفكرين وان ما وافقتي على طلبي واثبتي حبك لي
بتركك للابد انا ماعندي استعداد اضيع وقتي مع وحده تلعب بقلبي

وش الحل ؟ :(

باقي من الاسبوع 5 أيّام :)

...{}...

[شموخ أنثى]

معليش ودي اني اعطيك كف عشان تصحين وتراجعين اللي كتبتيه
عشان بس تعرفين انه جالس ينصب عليك ويعضك مع اليد اللي تعورك
لو جد خايف عليك ماطلب صورتك لأن عمر النت ماكان بيئه للثقه !
يعني ممكن يكون فيه احد متمكن من جهازك او جهازه وبالتالي بعد ارفاق الصوره
راح تطيح في يده بعدها بدل مايكون اللي يستفزك واحد بيكون مليون واحد
بسبب تناقلها وانتشارها ومعرفة مصدرها !
لو خايف عليك وتهميه نصحك تبعدين او ع الأقل احتواك كأخ مو عشيق !
او أبعد هو بسكات !
لاتضحكي ع حالك ويضحك عليك الشيطان
شوفي اولها وش تأثيره عليك > غياب ! وشوي شوي بتتركي الجامعه وتدمري مستقبلك
اصلا ً لو فعلا ً يتمنى لك الخير كان نصحك عن غيابك وتركك الجامعه
لكن هو مبسوط لأنه لاقي وحده تصدق الاعيبه ويتسلى فيها !
ترضي تكوني أداة للتسليه ؟!!!
حكمي عقلك قبل قلبك واصحي من سباتك
انت ِ بعالم النت عالم الأكاذيب والحيل والوقوع في الهاويه :(
يكفي تدركي بس ان مشكلتك هذي مرت ع ملايين غيرك وكلها اصبحت نهايتها الدمار !
اصلا ً من غير ماتكتبي مشكلتك وتدوري ع حل لها
كان المفروض جلستي مع نفسك قبل وحاورتيها
عشان نفسك توصلك لخيوط النجاة واللي هي ان ايييي شي بُني ع باطل نهايته حتما ً باطله !
وانتي بنيتي حالتك وانعزالك وأسندتيها لباطل فكانت هذي المشكله !
مو شرط تلاقي احد تشكي له اشكي لنفسك لأن نفسك هي الأجدر بأنها تحتويك
لأنه عمرها ماراح تضرك مافي احد يضر نفسه بنفسه !
اجلسي مع نفسك لوهله اعيدي فيها ترتيب اخطائك وأول خطأ موضوعك هذا
بعدها انا متيقنه انك راح تقتنعي ان هاللي سويتيه كان جرم بحقك
وان شاء الله راح تصححي هالخطأ بالإقلاع عنه
ومن هاللحظه اوعدي نفسك انك ماراح تدخلي الشات مره ثانيه واعملي ع الوفاء بهالوعد :)
واحمدي ربك انك لسه ماتهورتي وسويتي شي ماينفع فيه الندم
كأن ترسلي صورتك او يعرف منو انت ِ ووش اصلك
رحمه من ربي كان رفضك واسجدي له شكر يعينك ع الخلاص من اللي انت ِ فيه
والله يحفظك ويستر عليك

[خزامى]

قال تأكدي اني ما بطلب منك تسوين اي شي غلط انا اخاف عليك اكثر مني
ويوم يطلب صورتك ورقمك ومقابلتك مو غلط ؟ مررره خايف عليك

هههههههههههههههههههههه
آسفه لكن الوضع يستدعي الضحك من جد
هالشاب حتى ماراوغ ، نفَسَه قصير .. مصرّح انه كذاب لعّاب .. من جدك انتي محتاره تتركينه ولا لا ؟

إلا شوتيه بعد .. انتي تجيبي لنفسك المشاكل والتعب ..
انسي هالآدمي الله يصلحك ويصلحه وفكري كيف تحلين مشكلتك الأساسيه .. خجلك وعدم معرفتك التعبير عن اللي جواك لأهلك وصديقاتك ..

الكلام اللي قلتيه لهالشاب قوليه لصديقاتك ولا أخواتك عشان تحسين انك مستغنيه عنه
احكي لهم أي شي مو لازم توصلين اللي بخاطرك بإتقان وتزبيط وتكلف .. صديقاتك نفس وضعك وبيفهمونك :)

اييييييه انتي باقي بأمان الحقي على عمرك قبل لا توصل للابتزاز ويستدعي الوضع الاستنجاد بالهيئه :)
وخليك عاقله لاعادك تطاوعين هواك
اسحبي عليه تمر 5 ايام تمر عشر تمر سنه انسيييييييييه
ولا تروحين لغيره لأن كلهم نفس الشاكله

رغبي نفسك بالدراسه أكثر وبلقاء صديقاتك وتوطيد علاقتكم اشغلي نفسك عنه الوضع سهل جداً .

يستر عليتس ويهداتس

[الر11حل]

اختي الكريمه تعطينه صورتك ورقمك بصفته مين ؟؟؟؟!!! حب ..؟


الشيطان لا يسيطر عليك وفكري بعقلك ."


الحمد لله انك ماعطيتيه صورتك او رقمك قسم بالله راح تندمين ندم بعدها .


وفكري بعقلك وخلي قلبك ..

والله يكون بعون الجميع ويستر عليك وعلى بنات المسلمين

شي يفقع القلب والله ..؟

وكــــم ذَنْـــبٍ مُوَلِّـــدُهُ دَلالٌ وكـــم بُعـــدٍ مُوَلِّــدُهُ اقــتِرابُ

وجُـــرمٍ جَــرَّهُ سُــفهاءُ قَــومٍ وَحَــلَّ بِغَــيرِ جارِمِــهِ العَــذابُ

[غـالـي الأثمـان]

انا اللي مستغرب له شهرين وصار صديق وحبيب بعد واعترف بحبه وكمان صار له طلبات ؟!!

ماراح اضيف عن اللي قالوهـ اللي قبلي كلهم .. هو يلعب فيك ويتسلى لا اكثر

ومثل ما يعرفكِ يعرف عشره غيركِ ...

استعيذي من الشيطان ولا تنفذين له طلب .. وخليه يروح روحه بلا ردة ان شاء الله

واهتمي بـ دراستكِ وحياتكِ ؛ وحاولي تقربين من اهلكِ من خواتكِ
من صديقاتكِ هم المنقذ لكِ من تعلقكِ فيه

الله يستر عليكِ