شمّـــــــر و قحطــــــــان !!!!!!

[سعود القحطاني]

الكثير منكم ان لم يكن الكل قد سمع قصيدة الشاعر:ناصر القحطاني في شمـّر(الطنايا)
والذي لم يسمعها فإليــــه القصيده الان ..واليه بعدها احد ردود شعرااء شمــر ....التي الاغلب يجهلهـــا وقد اعجبتني واحببت نقلها لكم وبين اياديكم ...


هذه قصيده ناصــر القحطانـي ...
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشمس غابت وكل ٍ دوّر سراجه = والشوق جمّر محرّ الشوق لاجمّر

دام اتجاهك شمال مودعك حاجه= سلّم على حايل وسلّم على شمّر

قدامك الخافق اللي ينشد علاجه =كنه معلّق على برزان ومسمّر

وانت تعرف يا بعد حيي من تواجه =بيضان الافعال لامن الزمن سمّر

ان ضاقوا أعنف من البحر وامواجه = وان راقو اركد من الخرمان لا عمّر

كم صيت بيت ٍ عتق في الباب مزالجه = وكم شيخ اماره قبل تعيينه مومر

وكم حاتمي ٍ تكفيّ فلّة احجاجه = وش لون للضيف لو عن ساعده شمّر ؟

وان مر تاريخهم متلبس ٍ تاجه = كم عاشق ٍ كيّف وكم حاسد ٍ زمّر

في جو ٍ اغلى على الرجلي الى داجه = من ديرة السادس ومن ديرة معمّر

كنّه الا اهدى له البراق فجاجه = خلت غرير ٍ ضحك ومن الخجل حمّر

توارثو حرثه وتمتير ديباجه = ركابة الجيب من ركابة الضمّر

الودّ لا غرس بدري صعب مخراجه = والله ولا الذّ واحلى منه لا ثمّر

ادخل على اللي تطوف البيت حجاجه = من ناقص ٍ عند مدح الغير يتذمّر

والمدح لو كان في الرديان للصاجه = ويقال عمّر بلد بالعون ما عمّر

والذّم لو زاد في الطيب تولاجه = لا احرق ولا اغرق ولا عمّر ولا دمّر

ماني بمتحسب بشعري على حاجه = الا اني اروح ما غنيت في شمّر[/poem]





وهذه قصيدة الــرد للشاعر/ احمد الجريفاني الشمري



[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هلا بشهمٍ صدق في رسـم منهاجـه =هلا بمنهو تمثّل فـي جبـل شمّـر

هلا بمن تعجـز القيفـان لحراجـه = ومن حقه إنه على القيفـان يتأمّـر

وصل سلامك ولا يحتـاج ديباجـه = عمّرت صرح الغلا ياعلّـك تعمّـر

نظمت عذرا تهبّـل فـي تغنّاجـه = لو حاول احدن يجاري حسنها قصّر

يامير الاشعار يامن يحسـده تاجـه= اعذر محاكيك بالقيفـان لـو كـرّر

لو يمرض الجود نادوا فيك لعلاجـه = تعطى البشاره لمن في جيتك بشّـر

لو يظلم الكون نورك يجلب افراجـه = ماعاشرك في حياتك حـي ويكـدّر

يشهد لك ا لليل لامن ضوت ابراجه = ويشهد لك الحبر والاقـلام والدفتّـر

والطيب يشهد لك انك صرت هداجه = نعم المراجل ونعم الاصل والمخبـر

قحطان كنه محيـطٍ تلطـم امواجـه = طوفان عارم ليامن الهـوى زمجـر

ولامن هدا الموج يهدي غالي انتاجه = الدر واللـول والمرجـان والعنبـر

ما رامهم طامع إلا يرجـع ادراجـه = الليث ماينقرب خـصٍ ليـا كشّـر

نبراس عزٍ يسـرك فـي توهّاجـه =من خلقت الكون حتى ساعة المحشر

يامن نظمت البيوت وقمت بخراجـه = عسى حياتك سهود ولايجيك الشّـر

منت الذي يحسب بيوته على حاجه = حنّا هلك والجبل في مثلكـم يفخـر

ولا غابت الشمس محدن دور سراجه = نور القحاطين ساطع في جبل شمّـر[/poem]


وهذه ايضـا قصيدة لاحد اعضاء ديوانيـة شمــّــر / نجم الأسلمــي .......




[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بديت باللي ينير الكون بسراجه=الواحد اللي ينيرالكون لاسمر
سبحان منهو نحت للسيل مدراجه=مظهر نجومه ليامن الشفق حمر
ومن بعد ذكره وردت القاف لي حاجه=وشربت لين أرتويت وخاطري زمر
وبديت سيناريو شعري مع إخراجه=ردً على الشاعر اللي ماهو مقمر
بالله يامودي المكتوب رح ناجه=وسلم عليه وتكلم بأسمنا شمر
سلم على اللي لضيفه يضحك حجاجه=من لابةً تشبع الجيعان لاظمر
تاريخ قحطان مثل الشمس وهاجة=غلطان منهو يقول الشمس تنخمر
وفي حاضر اليوم شال الطيب هداجه=أنا أشهد انه على الشعار ينومر
الشاعر اللي بيوت الشعر تحتاجه=ناصر لسلم الجدود الطيبه عمر
هم منبع الطيب هم ساسه وإنتاجه=والطيب وسط البيوت الطيبه ثمر
كريم برقً على قحطان ملعاجه=على المطر في بلد قحطان ينهمر
بديار قحطان طير العز مدلاجه=عسى النفل في فياضه كثب ومغمر
مدحت ربعً ماهم للطيب سماجه=والطيب مستاقدً فيهم ولا جمر
ولاهمني واحدً خطوته منعاجه=أعرف راع العمار من الذي دمر
ولاني بمتحسف بشعري على حاجه=إلا اني اروح مارديت عن شمر[/poem]



وقد قرأت المزيد من ردود شمّر ولكني لا أريد الإطاله لكي لا يمل القاااارئ ...
واعذرووا التقصير ..... إن حصل!
تحياتي لكم

[احساااااس]

[align=center]لا هنــــــــــــــــــــــت يالغالـــــــــــــــــي


وبيـــــــــــــــــــض الله وجهـــــــــــــــــــك ,,,,,,,,,,,,,,,,





على انـــــــــــــــــــــــقل ................................







تحيـــــــــــــــــاتــــــــــــــــــــي لــــــــــــــــــــــــــــــك ...............................[/align]

[سعود القحطاني]

قايلن مايهوووون
ووجهك ابيض
ولاهنت على مرورك المشرررررررف اخي العزيز
تحياتي لك

[وردة البحرين]

اخ[align=center]ي.. الغالي..
سعود القحطاني

صح السانك وتسلم يمينك عـ هالنقل الرائع

ابيات في قمة الروعه

ننتظر جديدك الرائع دائماً

وتقبل تحياتي
00وردة البحرين00 [/align]

[شــانيـــل]

[align=center]الله الله عليك اخوي

صح لسان الشعراء مليون

وصح بوحهم ووجدانهم

وبيض الله وجهك يالطيب بنقلك الجميل

بصراحه إستمتعت بالقصايد الجميله

الله يعطيك العافيه

وبالنسبه لقصيدة ناصر القحطاني غناها الفنان خالد عبدالرحمن بإبداع

تسلم والله

ودمت على العـز ،،،[/align]