السلااام عليكم
الحيا اللي يهتويك وصب في قلبي غلاك
......كل ما قلتي خجوله قلت بسم الله عليك
ادري انك بنت اصول وعاجبتني ياملاك
......وش تقولين أن صدقت وقلت قلبي مهتويك
اقبلي مثل البدر لامن تلا لا في سماك
......وانثري عطر التلاقي والمحبة من يديك
يوم جيتي فز قلبي وارتجف حزة لقاك
...... والمشاعر صفقت لك والعيون تموت فيك
ياهلابك واسكني في وسط قلبٍ مانساك
......وحدك لحالك بوسط القلب ماغيرك شريك
اختلاف الراي وارد والوفا مني جزاك
......يمكن احيان افهمك واحيان اصوت لك ابيك
والله اني كل ماذعذع من المشرق هواك
......انتهي بك في قصيدي وأن ذكرتك أبتديك
كل حرفٍ من حروفي عانق اطيافك وجاك
......يفتخر فيك القصيد وكل كلمة تحتويك
جيتك بشوقي مبي حزنك أبي ضحكت شفاك
......اشتهي موج البحر جزره ومده واشتهيك
الله اللي من كرم جوده ومن مده عطاك
...... ليه أنا مهواك لجل اتوب عن ذيه وذيك
طلال العتيبي
رد مع اقتباس
شاعر مبدع
مواقع النشر (المفضلة)