ماهي ردة فعلك مع هالموقف !!!

[al-shmaly]

· اذا كنت معزوم والكل قاموا يسلمون عليك إلا شخص واحد مد يده وهو جالس

· ماهي رده فعلك

· http://www.youtube.com/watch?v=PHpw6vpJFuU&feature=youtube_gdata_player

[طــيَف هَاجـسـي]

أنحني وأسلم وياما صارت لي

والله كلآ وعذرها يمكن عذرها أنه مشلوله أو ظهرها أو أو

أنا تعلمت كذا من تربيتي أسلم وبعض الأحيان والله أني أقول لها أقعدي اذا ماتدري أني جايه أسلم عليها

وأنا أنحني وأسلم عليها سواء كانت كبيره أو بنت عاديه

[al-shmaly]

هذا من طيبك مشرفتنا

(ومن تواضع لله رفعه)

والله يوفق الجميع يارب

[" ميلآد الهدى "]

أبداً مافيها شي إني أسلم ع الواقف والجالس لاني أنا الداخله
ومن آداب المجلس إننا نسلم على كل شخص جالس بالمكان
حتى لو كان بينا مشاحنات فمابالك بشخص مابيني وبينه شي
السلام لله والإنسان ماهو مذكور غير باخلاقه
ولا راح ياخذ من دنيا غير العمل الصالح والكلمة الطيبه الي تعتبر بمثابة الصدقه

موضوع جميل وتربوي
تسلم يمناك أخوي الشمالي

[خزامى]

ياربي ربااااه
مره دخلت المجلس بسلم مثل هاللي بالمقطع المهم ان كلهم يقومون ماعدا الكبيرات يعني ..
يوم وصلت عند الكبار وأسلم على روسهم بالدور .. ماعدا وحده
أنا استنكرت شكلها مو زينا وجديد علي وماقامت فقلت انها شغاله وجالسه جنب مدامها صافحتها باليد فقط وتجاوزتها بس استغربت نظرتها وهيئتها ..
رحت جلست وطول الجلسه عيني عليها وبالي مشغول فيها ويوم أشوف الحريم ياخذون ويعطون معها وأتذكر كيف سلمت عليها يضيق صدري أحس فيه شي مو اوك
المهم من كثر ما أفكر حسيت بالغثيان قمت سألت البنات من هذي ؟
قامت وحده ردت قالت هذي جدتي فلانه
أنا انكمشت من الفشيله وحسيت احساس فكس بجسمي كله وجاني غشاوه بعيني ما أشوف زين
طبعا طلعت من المجلس ولاعاد طبيته الين راحت

المشكله كيف بعتذر ؟ وشلون أخاطبها بسنها ؟ وش أقول لها ؟ سامحيني كنت أحسبك شغاله ؟
يارب تنساني وتنسى شكلي عشان أقدر أقابلها مره ثانيه وأحب راسها بثقه بدون مايتبادر لذهنها سلامي الأول ..

الله يكرمنا بأحسن الأخلاق ويكفينا هالغلطات ..
شكراً الشمالي .