[align=center]السلام عليكم ورحمة الله وبركاته ..
قصيدة أعجبتني قوة كلماتها .. ونقلتها لكم متمنياً أن تنال اعجابكم ..
بدري حبيبي توه الجرح ما طاب
زيدي همومي واجرحي واتركيني
سيف ركزته وسط قلبي ولاهاب
كمل جميلك اطعن اليوم عيني
مابي عيوني تشتكي جور الاهداب
ولاأبي احد غيري يداوي انيني
ماقد طلبتك بس انا اليوم طلاب
وابي على كثر الرمل تكرهيني
لأني كرهتك صدق ولانيب لعّاب
صعبه على مثلي خيانة حنيني
ياما جرحتيني بلا ايا اسباب
وهالمره عاد اقول لا تحتريني
لاتحتري قلب شكى الضيم منصاب
تعب يذوق من القهر ما يجيني
جرح الكرامه ماهوب جرح كذاب
عند الكرامه ابيع حتى ضنيني
عودت انا نفسي على جلد وعطاب
لامن قصرت يمناي بقطع يديني
نفسي عزيزة لو هو العشق غلاب
ماهنت انا نفسي وتشهد يميني
قلتيلي انساني انا اقول بتراب
بتراب ابيعك دام بعتي سنيني
خلاص روحي لعنبو قلب ما تاب
روحي لهوى غيري وغيرك يبيني
الحين روحي اقفلي بعدك الباب
ابكي على نفسك وبعدين ابّكيني [/align]
رد مع اقتباس
مواقع النشر (المفضلة)