لحظات .. دقائق .. ثواني . لكن لن ننساها .!!

[روح الموده]

السلامـ عليكمـ ورحمه الله وبركاته ..

تحيه عطرهـ لجميع الأعضاء

خالص احترامي وتقديري

وباقه من الروز العاطر


بصراحه أنا حبيت أطرح عليكمـ موضوع جديد

يمكن يكون جديد في شكله لكن الفكرهـ جايــز تكون موجودهـ من قبل ..

مااأطول عليكمـ بأقولكمـ الموضوع ايش

عشان الملاقيف زيي ينبسطون ..

كل شخص منا او البعض منا

قابله يومـ تمنى فيه أن هذا اليومـ لمـ يكن من أيامه ..

يعني تمنى إن هاليومـ ماصار ولاعاشه ..

لكن الله أوجد النسيان عشان يرتاحون البشر

وينسون ساعات حزنهمـ ..

" لحظه لاتتقعون انو بقول وش أصعب يومـ مر عليك لا .. "

نرجع لموضوعنا

فيه لحظات تمر علينا وننساها لكن ..

فيه ناس تفقدهمـ او تخسرهمـ مع كذا ماتنساهمـ

وفيه مواقف ولحظات مستحيل تنساها ..

يعني اللي ابي اقوله باتحكى عليكمـ بالعربي

فيه ناس أو لحظات مهما مر وقت على بعدهمـ عنك مع كذا ماتنساهمـ ..

يمكن لأنك تحبهمـ ويمكن لأنك تكرههمـ وكل موقف يذكرك فيهمـ ..

أو لأي سبب آخر ..

الموضوع ومافيه أنو كل واحد يدخل هنا يقولنا أي موقف أو شخص

مرت الأيامـ وماقدر ينساهـ ..

>>>>>>>>>>>> كان قلتي كذا من الأول وبلاها هالمقدمه اللي مدري وش تبي ..

المهمـ يايويل اللي يدخل ومايقول شي ترى ماندخله مرهـ ثانيه ..

وأنا بأبدى أول وحدهـ فيكمـ ..

لأنو بصراحه ماكتبت الموضوع الا عشان أكتب شي من اللي في خاطري ..

يالله تجمعتو كلكمـ عشان أبتدي

لايجي حد يقولي عيدي ترى مو عايدهـ ..سمعتو ا إعادهـ مااااااااافيه ..

احمـ احمـ بسمـ الله نبدأ

>>>>>>>>>>>> بتقول خطبه ..

أنا بصراحه عندي انسانه أفتقدها بكل لحظه بكل دقيقه بكل ثانيه
الانسانه هذي أعز صاحبه تعرفت عليها بحياتي ..

لمن كنت بالثانويه كانت عندي زميله كنت أعتبرها من أعز صاحباتي علي
لو جيت يومـ متكدرهـ اول ماأشوفها أنبسط وأرتاح احس أنو فيه عندي حد يحبني حد تهمه مصلحتي قبل مصلحته ..
حد يقولي هذا غلط وهذا صح
حد ماعمرهـ بيومـ جاملني بأي شي
حد يحبني لشخصي مو لأي شي ثاني ..
كانت أقرب من اهلي لي كنت أي شي يضايقني أجي وأقولها وهي كانت تفهمني وتقولي لا انتي اللي غلطتي او تقولي انتي صح ..
ورب الكون كنت لو ادق عليها وهي في عز نومتها ترد علي وهي مبسوطه وتتقبلني لأنو أنا بطبعي أتضايق من كل شي يعني بصراحه زي ماتقول امي خنفوسه ..
كنت اكلمها احيان الساعه ثنين الليل واحنا بكرى عندنا دوامـ وماكانت تقول أزعجتيني ..
بالعكس تجي بكرى المدرسه مبسوطه وتسالني اذا تصالحت مع أهلي أما لا ..
يعني كلمه صديقه وفيه حنونه طيبه كل هذول مايوفونها حقها ..
بيومـ من الأيامـ ماداومت كلمت عليها قالت انو مريضه شوي من بكرى ماداومت نفس الشي جلست اسبوع تقريبا ماتداومـ مع العلمـ أنو كل يومت ادق عليها وتقولي لا بس شويه تعب ..
بعد كذا رجعت تدرس مره ثانيه انبسطت حيــــــــــل لأنو كنت فاقدتها بشكل كبير ..
بعد شهر او اكثر تعبت مره ثانيه وكل مااسالها تقولي ولا شي شويه تعب ..
مرهـ من المرات قالت لي تصدقين أمس مدري شفيني قمت من نومي ورحت لأمي وأبوي وهمـ نايمين وصحيتهمـ وأو ماشفتهمـ جلست أبكي وظميت أبوي سألتها اذا متضايقه من حد قالت لي لا
انا الموقف حز بخاطري بس قلت يمكن كانت مزعوجه من شي ..
البنت صارت تتعب كثير وزاد غيابها
بعد فترهـ وللاسف اكتشفو أنو عندها المرض الخبيث بالراس أنا ماصدقت حاولت أفهمـ نفسي انو مريضه وبترجع وكل ماحد يسالني عنها اقول كمـ يومـ وترجع تداومـ
بس للاسف المرض زاد عليها ودخلت المستشفى وصارت ماتدري عن احد يعني خلاص المرض تمكن منها أهلي صارو يمنعوني أروح أزورها لأنو مايبون يضيقون صدري أكثر فصارو يقولون ممنوعه عنها الزيارهـ وصرت اروح لها كل اسبوعين أو ثلاثه مره أو طبعا بعد مااسوي اضراب في بيتنا تقتنع امي وتخليني اروح ..
مرهـ جيت لأمي قلت يمه ابي اروح ازورها قالت أمي مو اليومـ بعدين سكت بعد كمـ يومـ قلت لها قالت خلاص بكرى انشاء الله نورح صحيت من بكرى قعدت احوس رحت لأمي قلت هاه اليومـ ترى نبي نروح قالت انشاء الله يصير خير وسكتت رحت انا عنها وجلست عند التلفزيون دخل اخوي اللي أصغر مني عمره يمكن 13 سنه قالت مادريتي قلت وشو قال تعرفين ذيك صديقتك قلت ايه قال يقولون ماتت أنا مااستوعبت الموضوع أول شي قلت منو وش تقول انت قال والله والله العظيم ذيك اللي قبل تكلمك
أنا ماادري وش كان شكلي ساعتها حتى اخوي مسكته ورميته على الأرض هو حس انو سوى شي غلط قال هاه ترى مدري مدري
عشت ايامـ بعدها تمنيت انو مت معاها الاجازهـ كلها نكدت على أهلي فيها بس والله ماكان قصدي بعد كذا بدت السنه الجديده وكنت سنه ثالثه ثانوي كل لحظه تمر تمنيتها تكون جنبي ..
والل فقدتها بشكل كبير بس هذا قضاء الله ..
لكن ماأقول الا الله يرحمها ويسكنها فسيح جناته ..

تدرون متى حسيت بفقدتها اخر يومـ من اختبارات الرئاسه تمنيتها تكون موجودهـ وتفرح انو خلاص خلصنا ثانوي

لمن رحت اسجل جامعه تمنيتها معاي ..

وللان باقي ماتغيب عن بالي لأنها انسانه صعب الواحد ينساها ..

وكل ماأتذكرها افتح دولابس وأطلع منه كتاب تغالطت انا وهي فيه كان كتاب تدبير منزلي ثاني ثانوي
الكتاب لها ومشخبطه فيه بيدها كلامـ وسوالف أفتح الكتاب وأقرأ كلامها وأبكي ..

الله يرحمها ويغفر لها انشاء الله ..


تقبلو تحياتي واسفه على الاطاله بس اعذروني اللي يعرف هالبنت صعبه يوفيها حقها ..


يالله أبي أشوف كل واحد وش عندهـ أوكي ..



أختكمــ ..
المــ روح ــودهـ ..

[نَفْحَاتْ الوٍرٍدْ]

وعليكم السلام ورحمة الله وبركاته

تعطرت دنياكِ يالغاليه

وقسم بالله موضوعكِ روعه والله فيه تنفيس عن اللي بالخاطر بس للي

يقدرون يشكون موالكل قادر على ان يكشف اوراقه

بصراحه والله بكيت من قصتكِ من جد شي مؤسف ومحزن

لكن الموت حق وهذا طريق كلنا بنسير فيه الله يرحمها ويسكنها فسيح جناته

واموات المسلمين جميعا ً (( اللهم آمــين ))

ياكثر المواقف والاشخاص بحياتي ماقدرت انساهم سواءا ً كانت مواقف

مفرحه ام محزنه ولااشخاص جابوا لي الهم ولااشخاص احبهم ،،

ولكن الشي اللي يقطع القلب بجد هو موت اغلا انسان بحياتي

مر علي هالموقف وليومكِ ماقدرت انسى تبقى الذكرى ومالنا غيرالصبر

والدعوه لهم وان الله يجمعنا بهم في مقر رحمته (( آمــين ياكريم ))

تسلم الايادي غلاتي // روح المودهـ ... كل الشكر والتقدير لكِ للموضوع القيم

والطرح الراقي .....

إحترامي

[MoOoOoOon]

الله يرحمها يارب ويثبتها عند السؤال ويسكنها جنات النعيم
بالنسبه لي افتقد اعز الناس افتقد والدي العزيز
اسكنه الله فسيح جناته
الله يرحم موتانا وموتا المسلمين يارب
تسلمين يالغاليه على هالفكره الحلوه
دمتي لمن يحبك واسعد الله ايامك غاليتي

[روح الموده]

تسلمين نفحات على مرورك واذا انتي بكيتي لمن قريتي القصه ..

أنا كل يومـ ابكي بس بدون فايدهـ لأن اللي يموت مايرجع ..


الله يجمعنا باللي نحبهمـ في جنته انشاء الله ..

وتسلمين يالغلا ..

[روح الموده]

الله يرحمها يارب ويثبتها عند السؤال ويسكنها جنات النعيم

امين انشاء الله ..

تسلمين يالغاليه على هالفكره الحلوه
دمتي لمن يحبك واسعد الله ايامك غاليتي

يسلمـ غاليك مون وتسلمـ على مروركـ ..