.. الســــلام عليكم ورحمـــه الله وبركاته ..


إسعــــد الله مساءكم ،/ صباحكم
بّ كل خيــــــــر ..



..


ياقلب لاتكثر علي المشاريه
مافيه داعي للعتب والملامه






خلاص ياقلبي قطعت الرجاء فيه
وانت اقطعه ياقلب قبل الندامه






انا نسيته وانت لاعاد تطريه
لن كان مايلحقك عرق الرخامه






قد كنت من بين المخاليق مغليه
واخفض جناح الود وارفع مقامه






ولايسمع ألا قول حاضر ولبيه
وآمر فديت اللي سحرني غرامه






يزعل وأسامح وأعتذر له واراضيه
وإذا زعلت أعاتبه بابتسامه






واجامله من زود حبه واراعيه
وأهتم بأيّا شي فيه اهتمامه






قد كان مابين الحنايا واداريه
واليوم في صدري بقايا حطامه






كم لي وأنا ملاحظ جفاه وتغليه
واليوم بانت للنوايا علامه






أقفى وأنا صوتي تقطّع يناديه
اسمع صدى صوتي ولا اسمع كلامه






روّح وعيني بازرق الدمع تبكيه
طيفٍ تغشاه العتيم وظلامه






وش عاد باقي فيه ياقلب ترجيه
الله يبيحه في نهار القيامه






عيبٍ علي المقفي اتبع خطاويه
يموت قلب ولاتموت الكرامه






من باعني برخيص ماني بشاريه
الله يسهّل له طريق السلامه






أكبر خسارة شخص يخسر مباديه
ويضيع مابين الرجال احترامه






نذرٍ علي وراعي النذر يوفيه
لأنساه لوقلبي يموت بفطامه






وإن كان راسي حب مثله يوطّيه
حرام يوم ألبس عليه العمامـــه ..





.. ودمتـــــــم ..




ششـــــاعرهاا ،، / عمــــــران الزراقي ..