لا تشتكي من جور الأيام للناس

ادفن همومك في ثرى الصمت كلّه

اسرار عمرك خلها تحت الأنفاس

لا صار هرّاج القفا فاطنٍ له

هذاك يفرح لا لمس جرح الاحساس

وهذا مناه ليا لقى فيك عِلّه

جو الربيع بعجة الصيف ينحاس

لاجت هروجٍ ما تجي في محلّه

داعب هموم الليل لاهب نسناس

وعطها الخبر من قلب خلٍ لخلّه

قلّه حبيبك ما وطى قلبه الياس

حتى عذابك بالهوى جايزٍ له

تعيش بالوجدان ما عاش هالرأس

لولاك قلِّي ويش أنا عايشٍ له؟

إن زانت الأيام يا شوق لا باس

والا صبرنا لين ربك يحلّه