حبيت اسوي شي جديد ومو متعودين علية
اليوم سويت
[ تشيز كيك بتوت العليق وكريمة الافكادو ]
منها حلى ومنها مانكون مجرمين بحق انفسنا كثير ممزوج بفواكهه
الطريقة انا سويتها النص تكفي صينية تشيز كيك صغيرونة
الطعم كان جميل ماتوقعت لانو اشياء مو مألوفة


المقادير:
2 قالب 300 جرام من جبنة فيلادلفيا
لكل قالب فيلادلفيا 2 حبة من جبنة كيري يعني 4 حبات
1 قشطة
ربع كوب كريمة الخفق
نص كوب سكر
2م شاي جيلاتين مذوبة في موية حارة وكمية الموية الحارة بيالة شاي
3 باكيت شاهي مطحونه < استبدلته داجستف
نص كوب زيت + 2 م ك زبدة مذوبه + م ك سكر بني
**
تشيز كيك توت العليق
مع نفس المقادير باستثناء نص كوب السكر اللي راح ناخذه ونسوي فيه بوريه توت العليق
وطريقته 2 كوب توت فرش ولا مثلج اللي متوفر عندكم نخلطهم بالخلاط ونصفيها بصفاية القهوة
وبعدين نضيف السكر ونذوبه مع التوت ونحطه مع المقادير السابقة

نضيف الزيت و السكر و الزبدة على البسكوت(البسكوت حطيت بكيس نظيف وضربته بالمفرد حق الخبر وكان مره سلس اسهل من الاله) ونقلب في بعض ونحطها اول طبقة في الصينية و ندخلها الثلاجة لحد ماتتماسك ونخلص باقي المقادير
شروط الأجبان ان تكون في درجة حرارة الغرفة عشان يسهل هرسها وقت الخلط
و الجبنة الكيري نهرسها بالشوكة او المعلقة قبل مانضيفها
اول شي نخلط جبنة فيلادلفيا مع القشطة بعدين نضيف الكيري
وبعدين كريمة الخفق ونخلطهم دقيقتين وبعدين نضيف بوريه التوت و نخلط
وآخر شي نضيف الجيلاتين بس اهم شي يكون دافي ويكون ذاب تمااماا يعني نسويه من بدري عشان مانحطه حار
نخلط لمدة دقيقتين ونطلع الصينية من الثلاجة و نحط خلطة التشيز كيك
وندخلها الثلاجة لمدة 5 ساعات او ليلة كاملة أفضل
كريمة الأفوكادو
(هنا انشغلت من الحوس ولا صورت وانا اشتغل عليهم الافكادو غلبني ماكان لين مره وبما انو سويت نصف الكمية فوق بس الصوصين اللي فوق التشيز نفس ذا الكمية وطلع اوكي)
المقادير:
كوب سكر بودرة منخول
م ك زبدة بدرجة حرارة الغرفة
نص حبة أفوكادو مهروسة
ربع كوب كريمة الخفق لازم تكون باردة
نخلطهم بخلاط اليد لحط ماتتكون عندنا كريمة ماخذه لون الأفوكادو الأخضر
**
تغليفة الشوكولاتة
نص قالب شوكولاتة الطبخ - شركة نستله افضل
أو 50 جرام شوكولاتة هيرشي شبه محلاة
ثلث كوب كريمة الخفق
4 م ك سكر بودرة
م ك موية دافية
**
أول شي نسخن كريمة الخفق لحد ماتطلع فقاقيع بعدين نكون مقطعين الشوكولاتة قطع صغيرة مررا
ونصب عليها كريمة الخفق ونحرك لحد ماتذوب الشوكولاتة تماما ونضيف السكر البودرة ونخلط
وآخر شي الموية ونخلطهم مع بعض
ونتركها تبرد لمدة 10 دقايق وبعدين نغلف أي حلويات نبغاها مو شرط للتشيز كيك


التشيز كيك قبل ماحط علية الشكولاه والكريمة

هذا الشكل النهائي احترت وش اختار نزلت ذا الثلاث