| ورق عنب |

ياعشقي الاول والاخير

طبعا لكل وحده طريقتها بالورق عنب .. وانا عشاني من عشاقه جربت كذا طريقه ..
واخر شي لقيت طريقه صار يعجبني مررره ويعجب كل من ذاقه

الخطوات كتبتها بكل التفاصيل .. عشان يطلع معكم زي مايطلع معي

حشوة الورق عنب
تحمسين بصلتين مقطعه مربعات متوسطه الحجم بزيت زيتون
وتحطين عليه طماطتين مقطعه مربعات متوسطه الحجم
مع بهارات وفلفل اسود وشوي كمون وملح وحبه ماجي وملعقه كبيرة سكر وملعقتين كبار صلصه طماط
وحطي معه بقدونس مفروم نص حزمة .. وشوي ننعناع مفروم .. واذا كان فيه كزبرة حطي شوي
خليه لين يستوي كل شي ويذوب
بعدين جيبي كاسين رز مصري ( صنوايت ) مغسلته بدون نقع
واخلطيه معه
بعدين حطي كاس مويه
وخليه يشربه
وكل شوي زيدي كاس مويه لين تحسين الحبه استوت نص استواء .. انتبهو تنهرس .. تقريبا بتحتاجين 2 الى 3 كيسان مويه * المويه يفضل تكون ساحنه *
اذا قضت الحشوة ،
خليها لين تبرد بعدين اضيفي عليها نص فنجال دبس رمان وعصير ليمونتين او ثلاث ليمونات وبياله زيت زيتون

جيبي القدر اللي بتطبخينه فيه وحطي فيه
( بصل شرائح طماط شرائح وبطاطس شرائحه )
وبعدين ابدي لفي الورق عنب وصفيه فوقه وصفيها متلاصقه من بعض افضل عشان ماتتفكك وتخرب عليك
اممم ورق العنب افضل شي جربته العلالي
وعشان تكون صغيرة اقسميها بالنص
لا خلصتي وقضيتي
حطي صحن فوقه عشان لا بدى يطبخ ما يتفكك

الحين تجهزين السقوة ، وهي انك تحطين على النار :
كاس ونص مويه + 3 ليمونات معصوره + ملعقه خل +نص فنجال دبس رمان + زيت زيتون + ماجي + بهارات + شوي ملح + ملعقتين صلصه طماط
حطيها ع النار لين يغلي بعدين حطيه فوق الورق عنب
و خلي النار عاليه عليه لين تحسينه بدى يغلي شوي
اخر شي غطيه بقصدير وخلي النار واطيه ، مثل الرز
وخليه يستوي كذا 3 ساعات
يفضل ماتكشفينه ابدا ، لانه لاجاه هواء يسود ><
اذا قضت الثلاث ساعات طفي النار وخليه شوي واذا فيه مويه باقيه من السقوة كبيها ، ب
بعدين دخليه الفريزر ساعتين كذا عشان يبرد شوي بعد الساعتين طلعيه واذا كان فيه باقي مويه كبيها وابدي صفيه وبالعافيه