طريقة السيشوان الصيني بالدجاج





المقادير




2 ملعقة كبيرة زيت ذرة

1 ملعقة كبيرة زيت سمسم

صحن صدور دجاج مقطع شرائح رفيعة جداً

3 ملاعق طعام نشا

3 فصوص ثوم مهروس

ملعقة صغيرة زنجبيل

2 ملعقة طعام خل الارز ... انا ماكان عندي فحطيت خل ابيض

حبة فلفل رومي مقطع شرائح رفيعة جداً

2 حبة جزر مقطع شرائح رفيعة جداً

مكعب ماجي مذاب في نص كوب ماء

نص كوب ( نصه صويا صوص ونصه كاتشب اسود ) العبوتين بيسار الصورة

2 ملعقة طعام سكر بني ... انا عندي مكعبات فطحنتها وحطيتها

بصل اخضر للتزيين

,,,,, ترى الملح مالو داعي في الصورة خخخخخ طلع بالغلط

الطريقة

اهم شي الدجاج نقطعة شرائح رفيعه جداً جداً جداً ونخليه بالمصفايه لو فيه موية عشان ينشف ونضيف له النشا ونقلبه كويس

نسخن الزيت في مقلاة على نار عالية ونضيف الثوم والدجاج ونقلب الين يتحمر

نقطة مهمة ... لو كان الدجاج فيه موية او ما حطينا النشا كويس راح يتلصق وفي نهاية الطبخة راح يطلع النشا من الدجاج ما راح يغلفه

بعد ما يتحمر الدجاج نضيف باقي المقادير ونتركهم الين يستووووووو

طبعا ما راح يطول لانه الدجاج رفيع جداً واخذ وقته في التحمير فيستوي بسرعة

طبعا يكون ناشف مافيه مرق ابداً والدجاج مغلف بالنشا راح يعطيه قرمشة

اخر شي نضيف له البصل الاخضر ونتركة شوية وخلاص

بالنسبة للأرز انا طبخت رز عادي في طباخة الارز الين يستوي

في صاج تيفال صغير حطيت ملعقتين زيت سمسم وحمرت فصين ثوم وشوية زنجبيل ولمن اتحمروا كويس اضفت لهم ملعقتين كاتشب اسود وملعقتين صويا صوص وقلبتهم واضفتهم على الارز وقلبته طلع مرة لزيز
يمي يمي

بالنسبة للمخلل الصيني قطعت جزر وخيار واضفت عليهم ( ثلاثة ملاعق خل ابيض وستة ملاعق موية وثلاثة ملاعق سكر بني ) واقلبهم واخليه فترة عشان يمسك الطعم

وبالعافية