شعر ((( فتاة احلامي )))
السلام عليكم
هذي قصيده
جميله جدا
وأرجوا إنها تحوز على إعجابكم
وقد إخترت لها إسم بعنوان
فتاه أحلامي
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
خويه درب عمري ماخذاني دونها النسيان =
وأنا يا أهل الملامه ما رغبت العيش وحداني
أبي لي مهره ما عسفت صغيره وبنت حصان=
وأبوها اللي يفك المشكله ويزبن الجاني
وأخوها لا تعزوها بإسمها فزوا لها العربان=
يحق لها الفخر في قوله آل فلان جداني
أبيها في بحر عشرين لا زود ولا نقصان =
أبيها أقصر طويله والوصوف أشكال وألواني
أبي الجبه كما الصبح وكما القوس أسود الحجان=
وأبيها ناعسات ونرجسيه سود الأعياني
أبي رمش(ن) كما ريش يغطي الجفن أوجان =
وأبي جفن يشيل الرمش طربان وكسلاني
وأبي خد(ن) مثل ورد تنمى في طرف بستان =
وأبي خشم صغير ومثل حد السيف شاماني
أبي البسمه كما البرق وثنياها كما المرجان =
شفاها جمرتين وفمها خاتم سليماني
أبي شعر مثل ذيل الفرس لا طبت الميدان =
أو الشملان لمن بات ليله بين الأمتاني
أبي جيد سواتي إبريق في الظهر تقل مليان=
وصدر كنها مرايه عليها طلع رماني
أبي ظهر كما الجدول وقد مثل غصن البان =
وخصر مثل مجدول عنان وجسم روياني
أبيها ناميه ردم وبطن ظامر جوعان =
أبيها مدمجه ساق وقدمها لسان ثعباني
أبيها بنت عز من رغدها ينعم البستان=
أبي الرقه وأبي الدقه لها بأطرافها شاني
أبي المشيه كما اللي طالع من المعركه كسبان=
وأبيها ترش مع خطواتها مسك وريحاني
أبي صوت لا مني سمعته كأن فيه ألحان =
يدغدغ مسمعي ويثير كل السحر بأشجاني
أبيها حب وإخلاص هواجيس وفرح وأحزان =
أبيها مثل ما دكتور أهل العشق وصاني
أبيها لوحه ما صورتها ريشه الفنان =
وأبيها جوهره ما جابها قاصي ولا داني
أبيها تنتصر لي من زمان حطني نيشان=
وتبشر بالغلا اللي مالفا به واحد ثاني
مهرها قلب وشعر يهز القلب والوجدان =
وألبسها القصيد وتصبح أوزاني وقيفاني
أبي اللي فات واللي فات صعب ومن لقى العنوان=
يرد العلم ولا فضّل أبقى أعيش وحداني[/poem]
اخوكم
عـــــــــــــــــــــــــــــــــــــاشق الريم
رد مع اقتباس
مواقع النشر (المفضلة)