تدري خطانا بالحياة!..
أنا زرعنا أحلامنا فوق السحاب
وقلنا متى نصبح شباب
ونقطف ورود أحلامنا والأمنيات
ولما كبرناوجينا نسأل حلمنا
وتدري وش لقينا ...؟
لقينا أجمل حلم مات...
وبعده درينا..
ان أجمل شيء فينا "الذكريات"
**********
فيك لايمكن أغير موقفي
أنت محبوبي على كل الظروف
ثابت الرأي ومهما تختفي
لك مكانه فاقت كل الوصوف
ترجمي يادمعتي له وأوصفي
حالتي بالحب مكسور الكفوف
أظهري الخافي لعينه واحلفي
أن عيني غير عينه ماتشوف
**********
قلبي قسمته ياهوى البال بالنص..
نصه بجوفي وأنت بهديك نصه..
لاغبت عني يبتدي الحال ينقص..
وأسهر وتبدي لي مع الحزن قصه..
ياليتني في لجنة التعليم مختص..
والله لحط لمنهج الحب حصه..
**********
تعبنا نرسم البسمة ولو فينا حزن وهموم
ونضحك ضحكة التزييف ونكتم همنا فينا
شكينا الهم والحرمان ولكن القدر مقسوم
نصيح ونحترق نتعب لكن وش بيادينا
صبرنا والشقا واضح ترى بوجيهنا مرسوم
وهالدنيا من اللوعات نستنا أسامينا
**********
في (غيابك)حزن هالعالم سكني
وانكسر قلبي وضاعت امسياته
(غيبتك) زادت بجرحن ممتحني
واثر بقلبي وزود في شتاته
تدري وش حالي بعد مارحت عني
كني اللي منتظر لحظة وفاته
**********
ياللي تبي تعرف اسراري وعنواني..
الضيق والحزن واللوعه عناويني..
وان كان ودك تدورني وتلقاني
في كل لمه حزن يمكن تلاقيني
يكتبني الحزن والضيقات تقراني
والناس من زود احزاني تبكيني
**********
خوفي يطول الليل والحلم ينساكـ
خوفي عيون الكون بالحيل تبكيكـ
مني لكـ الإخلاص لوطال فرقاكـ
مهما يطول البعد ماني بناسيكـ
تبقى على عهدي دام إني أهواكـ
وتبقى لك أحلامي رسايل تناااااااديكـ ..
**********
القمر والكون لو تبغي عطيتك
من كثر ما اغليك اتباها بغلاك
افقد الادراك لو ساعه جفيتك
تسمح الزلات لو قولي خطاك
يا إله الكون من قلبي دعيتك
تحفظ المحبوب ياعالي ف سماك
**********
ماعاش مخلوق يعرفك وينساك
بس الزمن زادت علينا حموله
ياصاحبي جعل المخاليق تفداك
يفداك كل الكون عرضه وطوله
اضرب بي الهامه وانا كف يمناك
أطول منهو عجز غيري يطوله
**********
الحـب ماهو بالمتاجر يباعي
مشاعر بين النفوس محكومه
ماللزعل ومعاند النفس داعي
محد على كيفه يحقق حلومه
بلهون ياراعي العيون الوساعي
لاتجرح الغالي وعقبن تلومه
إن غبت عن عيني عشقت استماعي
أحرك الهاتف وأدور علومه
**********
ليتك ياريف النشاما لنا جار
يوم أجيك ويوم مثله تجيني
وليت المسافه بيني وبينك جدار
والباب بنص البيت بينك وبيني
حيثك عزيز ولك مع العز مقداار
وايضا تساوى بالغلا شووف عيني
**********
دق الجرس في هاتفي واستعديت
للي بعث لي بالرساله قصيده
يامرحبا ياصاحبي كل ماجييت
ياجعل يومك والليالي سعيده
افز لك ياعزوتي وافتخر فييك
حتى لو انك بالديار البعيده..&&
**********
مشكوور يالي خصنا باهتمامه
عمرك طوويل وعمر منهو موصيك
قد قالو الطيب يبين بكلامه
وانت فعلك واهتمامك مزكيك
مثلك غصب يفرض علينا احترامه
طيبك وعطفك تجبر الناس تغلييييك!!!
**********
هلا بك يانسيم الورد لاهب الهبوب
ياشعاع الشمس من بعد المطر
يادواء همي وغمي والكروب
ياصديق الدهر ياضؤء القمر
ياحنين الشووق يانبض القلووب
ياحبييب الناس ياتاج البشر ..،،
**********
سر ياقلم واكتب عظيم اشتياقي ،،
اللي لهم بمجلس الطيب مجلاس،،
قدرك على راسي سوات الطواقي،،
مانلقا شبيهك مع الناس ،،
انت العطر دايم على الجو طاغي،،
وغيرك حطب دخانهم يوجع الرااس ؟..
تحياتي============
مواقع النشر (المفضلة)