تعالوا اقول لكـــم
آحد داق بيجر .. جيت اركض اول مره يدق بيجري
كيف حالكم .. ووش لونكم .. كل ابوكم وامكم
دقيت على عرق قصمنجي>> عضو معنا اكيد ما تعرفونه هههههه
لسى جديد بقراطيسه هههههههه المهم الرجال سافهن << معطيه ركبه !!
قلت ياولد ورى ما تروح تدوج وتشوف لك شي يوسع (____) صدرك !!
في هذا اليوم المشمس المغبر الغائم الى غائم جزئي ==> اسمعها من كراني
فاااااااا طنت بالدميجه حديقة الحيوانات هههههههههههه
توهقت وقلت خلن ادخل ازور الحيوانات وأشوف وش اخبارهم عساهم طيبين
لاني بصراحة فيه حيوانات ما اشوفها الا بالصور
قلت وراك ما تروح ابو فلان وتتأكد وتشوف هالحيوانات وتتأكد انهن صز مهيب تسذب .
ابعلمكم وش الحيوانات اللي شفتهن على الطبيعة مثلا:
عندك الغنم والبعاريين والحمير والبقر
وما جاورها من حمام ودجاج والبط والقميري والقوقسي والدخل والصفار
والضبان والبعارصا والنمل والقعر والقعوسه والذبان
والبق والصوارير والجراد والجعوله والخنافس ...الخ ==> حومت تسبودكم صح
عادي لاتحوم تسبودكم ترا هالحشرات من مخلوقات الله سبحانه وتعالى
فتبارك أحسن الخالقين
مثلهن مثل ابن آدم بس الفرق أن الله كرم ابن آدم وخاصة المسلم التقي .
المهم نرجع لمحور بربستنا ..
يوم اني جزمت وجيت ابدخل حديقة الحيوانات لقيت ثلاث بيبان للحديقة
مادري اربعة تذكرن هالبيبان بحقت الفروسية
اللي يقول انطلقت الجياد على بركة الله من نقطة البداية .
المهم فيه شخص بزي أمن عند الباب مادري رتبتة عميد أو عامود
جيت ابدخل جاء ومسكن مع شماغي !!!!!!!!!!!
قالي :وين يابو الشباب ؟؟
قلت : ابدخل ممكن ....؟؟؟
قال : ممكن ؟؟ روح جيب أمتذكرة ام عشرة
المهم قصيت تذكرة ودخلت ولا من زين الطبايع ماعندهم صرف عشرين .
يوم اني دخلت وأنا متحمس ابشوف اللي ماشفته .
وفجأة ......
الحديقة فاضية........!!!!!!!!!!!!!!!
اول ماقابلت بوجهي حوش بوسطه ماء وشجر
ومحطوط لوحة مكتوبن عليه طيور الفلامنجو
الفلامنجو!!!!!! ..... أذكر أنه اسم فريق برازيلي قلت يمكن عندهن تمرين.
طبعن فيه طريقين واحد يمين وواحد يسار ..!!؟؟؟؟؟؟؟
قلت خلنا من اصحاب اليمين ورحت يمين .
.والى الآن ماشفت ولا مخلوق لا انسان ولا حيوان ..
قلت وش السالفة وطلعت فوق راسي علامة تعجب هالكبر !
المهم قلت امش يمكن الحيوانات قدام.
الى والله كل اللي اشوفه شبوك وحوشه وكلهن فاضية ...
ما اتسذب عليكم بديت ما اجسر امشي لحالي طقتن الوحشة والوساويس
قلت يارجال امش وانت مسوي زحمة
ومشيت ومشيت ... بتلت أمشي وامشي ........... الخ
جيت ووقفت عند حوش مكتوب عليه النمر البنغالي يعني نمر بنجلاديشي صراحة ضحكت
وأنا اضحك رفعت راسي وانا اللي اشوف طيور !!!!
الظاهر انهن نسور وصقور تحوم على شيء ... ؟؟
وشفت تحت لقيت عالم متجمهرة ..وانا بهالحالة من الهواجيس !!!
فجأة سمعت ناس مدرعمين جايين من وراي يوم التفت ابشوف وش صاير ....
توقعوا وش شفت ؟؟؟!!!!
الموضوع طويل خلوني اكمل بعدين ...<< انواع النذاله
انتظرونا بكرا نكمل القصه
مواقع النشر (المفضلة)