قصائد نادرة ....

السلام عليكم ورحمة الله وبركاته



فكرة الموضوع تتركز حول مجموعة من القصائد النادرة التي تعتبر مرجعاً مهما ....




والـصبي وإن طـاب قالوا من خواله
وإن تـردى فـإعرف إنـهم خـايبيني
.
.
.
أشــرب الـفـنجال وأكـب الـبياله
طـيّـبٍ وأحــب سـلـم الـطيّبيني
.
.
بـيتين أشـهر مـن نـار عـلى علم
ولــكــن لــلأســف أنــهـا
أنتشرت بالصيغه التي فوق وهي محرفة
وإلـيـكـم الـقـصيدة الـصـحيحة
كـامـلة وكـمـا قـالـه شـاعـرها
.
.
.


قـالها إبـن الـذيب مـن هاجوس باله
كـلـمةٍ يـلعب بـها والـبال زيـني

قـالـها يـومه طـراله مـا طـراله
مـن هـواجيسٍ تـشيب الـمرضعيني

غـرّني بـعض الـرجال بـكثر ماله
مـادرى إن الـموت فـي حبل الوتيني

كـيف يـنفعني وبـعض الـناس خاله
مـا يـدوم الـبيت كـان الساس طيني

مـاش ويـن الـلي عـوايده الـشكاله
مـثل إبـن ظـافر حـمد ليته يجيني

الـثـنا والـجـود دايـم فـي خـياله
عـلّـمه ظـافـر سـلـوم الـطيّبيني

جــوّد الـعـليا ولـزّمـها عـيـاله
وأدركـوا مـن عـلمته دنـيا وديـني

واهـني مـن بـاع حـظّه وإشـتراله
سـار فـي درب الـنبي وأخزا اللعيني

مـوقـفه مـاكـل رجّــالٍ يـنـاله
ومــن بـغا مـمشاه يـقعد مـرّتيني

وكـم ذبـح مـن حـايلٍ من حر ماله
وعـادتـه لـطمة خـشوم الـعايليني

حـالفٍ مـاخذ عـلى الـطرقي رياله
وبـالثلاث مـحرّم إنـها مـا تـجيني

لا لـقيت الـلي عـلى الـسكّه لـحاله
يـلتفت ويـقول : ويـن الـمستحيني

أوقـف الـموتر حـيا وأبـغا الجماله
يـوم ولـد الـلاش وجـهه مـا يليني

والـطمع فـي كـرّوة الـرجلي رذاله
خـصّ بـه وإن جـا مجال الغانميني

والـردي فـي حـالةٍ مـاهيب حـاله
يــا عـوينه مـن كـلام الـطيّبيني

الـولد وإن طـاب قـالوا : من خواله
بـالـخوال يـسـال قـبل الـوالديني

وأركـبـه لـعيون مـن زيـنٍ دلالـه
مــا تـحاكوا فـي قـفاه الـرامسيني

مـا بـغى غـيري وأنـا مـابغا بداله
قـاعـدٍ لــي بـالرجا مـدّة سـنيني

مــا قـعدنا فـالعمل نـبغا الـرزاله
نـاخـذ الـعـليا طـريق الفايزيني

وأشــرب الـفنجال وأكـب البياله
تـابـعٍ سـلـمي سـلـوم الأوليني


الشاعر: راشـد بـن حـسن بن الذيب العجمي




اخوكم



عــــــــــــــاشق الريم