[align=center] ....÷ السـلام عليـكمـ ورحمـة اللـهـ وبركاتـهـ ÷....

مسيكم بالخيـر يالزيـون

شلونكم شخباركم

هذا موضوع غير متعوب عليه

كل ما عليكم إنكم تسدحون إعترافاتكم المبجله فيذا

طبعاً إعترافات الطفوله + إعترافات الشباب اللحين الفتره الحاليه

لا لشيء الا زود لقافه نبي نقرا إعترافات بعض

ويلاً ببدأ أنا ونشوف ردودكم

-0-0-0-0-0-

+_+ إعتـــــــرافات الطفــولـــه +_+

أعترف إني كنت شقيه وعفريته بس منتازه بالمدرسه

أعترف إني كنت ألعب مع عيال عمي اربع وعشرين ساعه

أعترف إني كنت آخاف أنام لوحدي لازم وحده من خواتي ولا ميمتي ينومون معي < تلايطي

أعترف إني رميت ملابس خواتي الكبار من الشباك يوم عمري 5 سنوات <

أعترف إني خليت شغالتنا تقص شعري بالقوه ويوم خربته علي علمت عليها ميمتي < نذله

أعترف إني كنت أتهاوش مع اخوي على أفلام كرتون هو يبي الكابتن ماجد وأنا آبي سالي

أعترف إن ميمتي مره حطت حنا بشعري وجسلن يضحكن علي بنات عمي

أعترف إني كنت دلوعة أبوي وأروح معه بكل مكان :7ya:

أعترف إني كنت أفتن على خواتي الكبار لا جا آبوي البيت << هالشي اللي ما أنساها

+_+ إعتـــــــــــــرافات الشــــــــــــباب +_+

أعترف إني كذبت كذبه وللحين أدفع ثمنها

أعترف إني أحمل قلب طفولي ما يحقد ولا يشيل على أحد

أعترف إني أحب الجمال والأناقه لذلك تلقوني 24ساعه كاشخه ههههههه

أعترف إني مبذره ما يجلس بيدي ريال ههههههههه

أعترف إني مدمنة نت أنام وأصحى عليه وهالسبب مضايق ميمتي

اعترف اني احب النوم .. وياويل اللي يصحيني وانا نايمة :7ya:

أعترف أني مستحيل أنوم بدون مكيف حتى بالبرد < أبوي يهاوشن ييقول غرفتك كنها الإسكيمو

أعترف إني بنات عمي وآختي هم صديقاتي الحقيقيات

أعترف إني أحب أتعلم أي شي بشكل فضيع

أعترف إني أحمل بداخلي حزن عميق وأقرب الناس ما يدري

أعترف بإني أمووت عالقصيد

أعترف بإني جلست فترة خمس شهور أبكي يومياً < جعلكم ما تمرون باللي شفته

أعترف إني سقت سياره بالمزرعه وصدمت هندينا ههههههه

أعترف إني أحب الزين وأحبكم كلكم في الله أخوات وأخوان لي


0
0

أختكم شانيل

دمتم على العـــــــــز ،،،[/align]