أخــــــــــــت الرجـــــــــــــال

**طلال العتيبي** · 16-08-2005, 05:28 AM

الـي يحبـك لازم أنــك تحـبّـه
والي يبـي فرقـاك لاتنشـده ليـه

خلـه علـى فالـه وفالـه يـذبّـه
جعـل بعيـد ولايقـرب ويلفـيـه

وش ينقصك دام الحـلا فيـك لبّـه
حتى القمر مايكتمـل ليـن تعطيـه

بـك طيبـةٍ نسناسهـا لـو يهبّـه
تفرج المن همه عن الناس مخفيـه

ياكامـلٍ باالزيـن نـارك يشـبّـه
ساسك ومن ينشد عن الساس يحييه

أخت الرجال الي من الطيـب طبّـه
اليا زهمو باالصوت صاحت يالبيـه

لاتشتكي جور الزمـن ثـم تسبّـه
أفطن الوقتك وأنتبـه مـن بلاويـه

وخلك رفيع الـراس دايـم تشبّـه
بسم الجبال الشامخـه فـي مبانيـه

وأنا اطلب المعبـود ربـي وربّـه
يحفظك من وقتٍ غدا الكرّه معميـه

طلال العتيبي

**!SeMoOo!** · 16-08-2005, 07:46 PM

الله يعطيك العافيه يا اخوي

اخوك

عاشق الريم

**هاجرى** · 16-08-2005, 08:26 PM

أخت الرجال الي من الطيـب طبّـه
اليا زهمو باالصوت صاحت يالبيـه

ماعادادخل على قصيدك ياطلال اخوى

تعبت من كثر ما عجبنى نظمك ومن كثر ما ابدعت

لاعدمناك

هاجرى