بسم الله الرحمن الرحيم

العروس قبل الزواج تنحاس وش استخدم وش اسوي وش راح اسوي ومن هالكلام
وبمآ اني مريت بها التجربه ومابي احد ينحاس مثلي < متزوجه ماكملت السنه
كآن نظآمي النظافه الشخصيه كالاتي
قبل الزواج


طبعا (خلطات طبيعيه _دلكه وحمام سونا_ ازاله الشعر الزائد_وادوات النظافه الشخصيه )
الخلطات الطبيعيه
وبحكم كنت ادرس ومهما شويت خلطات الشمس بتعدمني فقررت اني اسوي كل شي
بعد مااخلص اختبارات وماكان معي الا شهر أستخدمت فيه خلطه بيآض الثلج
وللأمانه كانت حلوه مره ووحدت لون بشرتي بس مو كثير لو طولت اكثر تعطي
نتايج احلا وكمان اعطتني نعومه مو طبيعيه وكانت هذي الخلطه قبل زواجي
بشهر يوميا استخدمها وعملت خلال هذا الشهر 3 جلسات دلكه مع الحمام
والدلكه كانت روعه كانت دلكه بالورد ريحتها روعه طبعا راح تسألون
للي مايعرف الخلطه وش مكوناتها ومن وين طبعا الي تعرف ميجان تروح
بس تقول اعطيني خلطه العرايس راح يعطيك اياها مغلفه بكيس كل
المقادير والي ماعندهم ميجان راح اقولها المقادير
ملاحظه(احلى مافي هالخلطه انك تحطينها ع جسمك كله يدين وووجه وجسم)
مكوناتها

صابونه غار 2 ملعقه كركم للجسم علبه فكس صغيره
كريم جلسوليد السائل علبه كبيره وكريم جلسوليد علبه صغيره
فنجان شاهي زيت خروع واللوز وزيت زيتون
الصابونه تبشرينها وتنقعيمها بمويه الورد الليل كله حوالي كوب وتتركينها لليوم الثاني
اليوم الثاني تضيفين كل المقادير وبالخلاط تخلطينهم وحطيهم بعلبه قزاز
بالثلاجه يوم كامل وتبدين الخلطه اليوم الثاني وتتركينها بجسمك
حوالي ساعتين وبعدين تستخدمين صابونه بابايا مع ليفه
وتدلكين جسمك بحركه دائريه وشوفي النتائج فوريه

وانا جريتها وكانت نتائجها حلوه حلوه حتى الرقبه تلق
ومع الدلكه كان الموضوع واو
لمن فضل ع زواجي يومين شلت شعر جسمي بالحلاوه طبعا قبل لاتشيلين
ماراح تلاحظين جسمك مع الخلطات لان جسمك شعر وماشلتيه لكن
المفاجاه لما تشيلي شعر جسمك تحسين نفسك قزازه وتكونين
وااااثقه مره من جسمك ذاك اليوم مانمت من الفرحه هههههههههههاي
طبعا المنطقه الحساسه الكل ينحاس فيها وكل وحده ماهي عارفه وش تسوي لكن انا باقولكم وش سويت واتمنى بعدين بردودكم تعلموني كل وحده منكم وش سوت عشان نستفيد!
استخدمت الحلاوه وشلت فيها الصراحه كانت نتايج حلوه شالت الجلد الميت صح الم لكن نظافه ونعومه مو معقوله لكن اكتشفت ان لها اضرار وماعاد استخدمت الحلاوه الا يوم زواجي بس



وجهزت طبعا الادوات لنظافه الشخصيه الي راح تكون معي بعد الزواج
1.اشتريت مسك الطهاره من عبدالصمد القرشي غالي لكن حلوووو توله صغيره بـ200
بس وربي ي بنات شي خيال خيال فوق ماتتصورين تطلع ريحتك تهبل حتى
ملابسك الداخليه ماتحتاج تعطرينها
استخدامه (تاخذي قطنه صغيره وتحطي فيها شوي من المسك وتمسحي المنطقه وبس)

2.اشتريت المسك الابيض المكعبات البيضاء وبشرته بعد مابشرته استخدمته
ع 3 أشياء


*.الفوط الصحيه اليوميه اخذت من المسك الابيض المبشور
ورشيته على الفوط وقفلت العلبه ليش سويت كذا ؟
عشان لمن استخدم الفوط ولازم ي بنات تشترونها عشان افرزات بعد الزواج
راح تشفط لك الافرازات بالاضافه ريحة المسك راح تعطر لك المكان

*جزء من المسك الابيض المبشور اخذته وحطيته بعلبه (زيت جونسون )
وخلطته معاه ي بنات وربي قد ماوصف هالزيت مع المسك
ماتتخيلون انا اول ماحب ريحه هالزيت لكن لما اخلطه ريحه جنان طبعا
بعد الاستحمام استخدمه (يرطب جسمك+يعطي ريحه عامه لجسمك بالمسك)
وربي ي بنات زوجي يقول جسمك ناعم
مره ماشاء الله وريحة جلدك يهبل ويحسبها ريحه طبيعيه لجسمي)
*وجزء من المسك حطيته مع الشبه تشوفونها عند العطار الشبه تخلطينها
مع المسك وحطيها بعلبه وش استخدامها
طبعا عن نفسي ماحب مزيلات العرق و و و لانها تسود بالمكان
ومفعولها بسرعه ويروح لكن هذا ي بنات شي يشفط العرق ويطلع ريحه
مره حلوه ولايسود ولاشي روعه روعه روعه ماراح تندمون ابدا
3.واشتريت طبعا امواس البنات الورديه مره كويسه واشتريت اله بروان
الامواس لان بعد الزواج مافيه وقت تشيلي بالحلاوه بشهر العسل مايمديك
اصلا تلحقين فالامواس الورديه اهون شي تقدري تستخدميه بالاضافه الى
الاله لجسمك تشيلين وحلوه عن نفسي الاله يطول الشعر
مايطلع بعدها بعكس الحلاوه وكل وحده وجسمها سبحان الله
الموس لما تشيلي بعكس اتجاه الشعر نتايجه بتكون اقوى

وأخيرآ

الموضوع فيه شويه كركبه لكن ذكرت لكم اشياء بسيطه استخدمتها
ونتائجها كانت مره تمام معي الحمدلله وللحين استخدمها وماحبيت ابخل ع
احد لان الموضوع بفيد كل البنات سواء تزوجوا ولامتزوجات ولاباقي حتى
الي طالعين من النفاس يحتاجون هالشي